សុខភាព
ក្រសួងសុខាភិបាល តាមដានការបង្ការ និងត្រួតពិនិត្យការចម្លងរោគក្នុងមន្ទីរពេទ្យ
ដោយមានការអនុញ្ញាតពី សាស្ត្រាចារ្យ ឈាង រ៉ា រដ្ឋមន្ត្រី ក្រសួងសុខាភិបាល ថ្មីៗនេះ សាស្ត្រាចារ្យ ឡឹម តារា រដ្ឋលេខាធិការទទួលបន្ទុកការគ្រប់គ្រងការបង្ការ និងការត្រួតពិនិត្យការចម្លងរោគ បានដឹកនាំកិច្ចប្រជុំគណៈកម្មការជាតិគ្រប់គ្រងការបង្ការ និងការត្រួតពិនិត្យការចម្លងរោគលើកទី១ នៅទីស្តីការក្រសួងសុខាភិបាល ដើម្បីពិនិត្យមើលពីវឌ្ឍនភាពការងារការបង្ការ និងត្រួតពិនិត្យការចម្លងរោគក្នុងមន្ទីរពេទ្យ។ នេះបើតាមការផ្ដល់ព័ត៌មាន ពីក្រសួងសុខាភិបាល នៅថ្ងៃទី២៦ ខែកុម្ភៈ ឆ្នាំ២០២៤ នេះ។
កិច្ចប្រជុំរៀបចំឡេីងក្នុងគោលបំណង បង្ហាញពីសមិទ្ធផលការងារការបង្ការ និងការត្រួតពិនិត្យការចម្លងរោគ ដែលមាន និងបានអនុវត្តកន្លងមក រួមមាន៖ ការបង្កើតគោលការណ៍ណែនាំថ្នាក់ជាតិ ស្តីពី ការចម្លងរោគក្នុងមន្ទីរពេទ្យ, ការធ្វើបច្ចុប្បន្នភាពផែនការយុទ្ធសាស្ត្រការបង្ការ និងការត្រួតពិនិត្យការចម្លងរោគ, ការធ្វើបច្ចុប្បន្នភាពគោលការណ៍ណែនាំជាតិការបង្ការ និងការត្រួតពិនិត្យការចម្លងរោគ ឆ្នាំ២០២៣, ការធ្វើបច្ចុប្បន្នភាពលើកម្មវិធីបណ្តុះបណ្តាលការបង្ការ និងការត្រួតពិនិត្យការចម្លងរោគ ឆ្នាំ២០២៣, ការតម្រង់ទិសអំពីរបៀបប្រើកម្មវិធីបណ្តុះបណ្តាលការបង្ការ និងការត្រួតពិនិត្យការចម្លងរោគដល់មន្ទីរពេទ្យថ្នាក់ជាតិ និងមន្ទីរពេទ្យបង្អែក, ការស្រង់ទិន្នន័យការចម្លងរោគក្នុងមន្ទីរពេទ្យគោលដៅចំនួន ៦មន្ទីរពេទ្យ។
ជាចុងក្រោយ សាស្ត្រាចារ្យ ឡឹម តារា ស្នេីឱ្យក្រុមការងារ ការបង្ការ និងការត្រួតពិនិត្យការចម្លងរោគដែលអញ្ជើញមកពីមន្ទីរពេទ្យនានា ខណៈអង្គប្រជុំបានរកឃើញចំណុចដែលត្រូវកែលម្អ និងអនុវត្តឱ្យកាន់តែមានប្រសិទ្ធភាពការងារទៅថ្ងៃមុខទៀត។ ក្នុងនោះក៏មានអង្គការដៃគូរអភិវឌ្ឍនានា បានប្តេជ្ញាក្នុងការជួយឧបត្ថម្ភគាំទ្រលើគម្រោងនេះជាបន្តទៅទៀត។
គួរបញ្ជាក់ថា សមាសភាពចូលរួមកិច្ចប្រជុំមានចំនួន ៣៨រូបទៀត ដែលអញ្ជើញមកពីអគ្គនាយកបច្ចេកទេសសុខាភិបាល នាយកដ្ឋាននានា មន្ទីរពេទ្យជាតិ និងមជ្ឈមណ្ឌលជាតិ ចំណុះក្រសួងសុខាភិបាល ព្រមទាំងដៃគូអភិវឌ្ឍន៍ផ្សេងៗទៀត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ