ព័ត៌មានអន្ដរជាតិ
មានករណីស្លាប់បន្ថែមទៀតលើយុវជន មីយ៉ាន់ម៉ា ដែលព្យាយាមគេចពីបញ្ជាកែនទ័ព
សកម្មភាពយុវជនមីយ៉ាន់ម៉ាសម្រុកចេញពីប្រទេសដើម្បីគេចពីកាតព្វកិច្ចយោធា គិតចាប់តាំងពីរដ្ឋាភិបាលប្រកាសកែនទ័ពនាដើមខែកុម្ភៈកន្លងទៅនេះ មានករណីចលាចលរហូតដល់មានមនុស្សស្លាប់ ២ នាក់។ នេះបើតាមការចុះផ្សាយពីសារព័ត៌មានអង់គ្លេស BBC នាថ្ងៃ២៧ ខែកុម្ភៈ ឆ្នាំ២០២៤ នេះ ។
ប្រភពសារព័ត៌មានអង់គ្លេសដដែលបានឲ្យដឹងថា ករណីស្លាប់ទាំងពីរបានកើតឡើងនៅក្នុងទីក្រុង Mandalay ជាទីក្រុងធំទីពីរនៃប្រទេសមីយ៉ាន់ម៉ា ហើយមិនតែប៉ុណ្ណោះក៏មានករណីអ្នករបួសធ្ងន់ផងដែរ រួមមានបាក់ជើង បាក់ធ្មេញ និងថប់ដង្ហើម ដោយសារតែសកម្មភាពសម្រុកប្រទាញប្រទង់គ្នាដើម្បីបានចេញពីប្រទេសគេចពីសង្គ្រាម និងការកែនទ័ព ។
“វាជារឿងមិនសមទំនងសោះ ដែលត្រូវមកបម្រើទ័ពយោធានៅពេលនេះ ពីព្រោះពួកយើងពុំមែនទៅប្រយុទ្ធនឹងទ័ពបរទេសឈ្លានពានអីនោះទេ ។ ពួកយើងមកវាយគ្នាឯង បើយើងចូលរួម គឺដូចនឹងរួមចំណែកបំផ្លាញគ្នាយ៉ាងអីចឹង” ។ នេះបើតាមការលើកឡើងរបស់យុវជននៅមីយ៉ាន់ម៉ា វ័យ ២៤ ឆ្នាំម្នាក់បានប្រាប់សារព័ត៌មាន BBC ។
ដោយឡែកបើតាមការលើកឡើងរបស់យុវតីមីយ៉ាន់ម៉ាម្នាក់ទៀត ដែលបានចូលរួមតម្រង់ជួរនៅមុខស្ថានទូតថៃក្នុងក្រុងយ៉ាំងហ្គោនបានឲ្យដឹងថា “ខ្ញុំមកដល់ទីនេះតាំងពីម៉ោង ៣ កន្លះព្រឹក ហើយមកដល់មានមនុស្សប្រហែល ៤០ នាក់មកតម្រង់ជួរដើម្បីស្នើសូមបែបបទទិដ្ឋាការឆ្លងដែន ហើយរយៈពេលមួយម៉ោងមានយុវជនប្រមាណ ៣០០ នាក់នៅបន្តជួរគ្នានៅមុខស្ថានទូត” ។
យុវតីខាងលើក៏បានបន្ថែមប្រាប់ BBC ទៀតថា “ខ្ញុំពិតជាខ្លាចខ្លាំងណាស់ថាត្រូវបន្តនៅរង់ចាំឈរតម្រង់ជួរយូរ ហើយខាងស្ថានទូតនឹងពន្យារពេល ដោយសារមនុស្សច្រើនកកកុញរហូតបង្កជាចលាចលសណ្តាប់ធ្នាប់នេះ” ។
គួររំឭកដែរថា រដ្ឋាភិបាលយោធាមីយ៉ាន់ម៉ាដែលបានធ្វើរដ្ឋប្រហារកាន់កាប់យកអំណាចកាលពីឆ្នាំ ២០២១ បានដាក់ពន្ធនាគារលើអ្នកនយោបាយគាំទ្រលទ្ធិប្រជាធិបតេយ្យ ក៏ដូចជានាំឲ្យប្រទេសជួបវិបត្តិនានារហូតធ្លាក់ចូលសង្គ្រាមស៊ីវិលដែលបន្តមកទល់ពេលនេះ ។
តាមទិន្នន័យពីអង្គការសហប្រជាជាតិ មានមនុស្សប្រមាណ ២.៦ លាននាក់ បានផ្លាស់ទីជម្រករបស់ខ្លួនដោយគេចចេញពីសង្រ្គាមផ្ទៃក្នុងមួយនេះ ហើយកម្លាំងយុវជនមួយចំនួនដែលមាននិន្នាការប្រឆាំងក៏ប្រកាសថា នឹងនៅតស៊ូប្រយុទ្ធមិនចុះចាញ់នឹងរដ្ឋាភិបាលយោធាមីយ៉ាន់ម៉ាផងដែរ ៕
ដោយ៖ មាន រតនា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ