ព័ត៌មានអន្ដរជាតិ
ថៃ អស់តំណែងជាអធិរាជមានអ្នកទេសចរមកលេងកម្សាន្តច្រើនជាងគេនៅ អាស៊ាន
ថៃដែលធ្លាប់តែល្បីរន្ទឺខាងអធិរាជទាក់ទាញភ្ញៀវទេសចរបរទេស បានជ្រុះបាត់តំណែងជាប្រទេសដែលមានអ្នកទេសចរមកលេងកម្សាន្តច្រើនជាងគេប្រចាំតំបន់អាស៊ានទៀតហើយសម្រាប់ឆ្នាំ ២០២៣ កន្លងទៅ ពោលកៅអីមួយនេះឡើងគ្រងដោយប្រទេសម៉ាឡេស៊ីជំនួសវិញ ។
យោងតាមគេហទំព័រ Focus Malaysia បានឲ្យដឹងថា ម៉ាឡេស៊ីបានកត់ត្រាការហោះមកលេងកម្សាន្តរបស់ជនបរទេសជិត ២៩ លាននាក់កាលពីឆ្នាំមុន ហើយបានក្លាយជាប្រទេសគោលដៅទេសចរណ៍ពេញនិយមបំផុតនៅក្នុងតំបន់អាស៊ាន ខណៈប្រជាជនសិង្ហបុរីគឺជាប្រភពដ៏ធំបំផុតរបស់ម៉ាឡេស៊ីមានចំនួន ៨.៣ លាននាក់ បន្ទាប់មកឥណ្ឌូណេស៊ី ថៃ ចិន និងព្រុយណេ ។
ចំណែកថៃជាប្រទេសដែលមានទេសចរបរទេសហោះមកចុះចតច្រើនជាងគេលំដាប់ទី ២ ពោលកាលពីឆ្នាំ ២០២៣ ប្រទេសនេះទទួលភ្ញៀវទេសចរបរទេសចំនួន ២៨ លាននាក់ តោងពីក្រោយដោយសិង្ហបុរីមាន ១៣.៦ លាននាក់ ខណៈប្រទេសវៀតណាមស្ថិតក្នុងចំណាត់ថ្នាក់លេខ ៤ មានចំនួនភ្ញៀវទេសចរ ១២.៦ លាននាក់ ។
ស្របពេលជាមួយគ្នានេះដែរ ប្រទេសឥណ្ឌូណេស៊ីបានកត់ត្រាចំនួនភ្ញៀវទេសចរបរទេសហោះមកលេងកម្សាន្តក្នុងប្រទេសកាលពីឆ្នាំ ២០២៣ បានប្រមាណជា ១១.៧ លាននាក់ ខណៈហ្វីលីពីន និងកម្ពុជាទាក់ទាញភ្ញៀវទេសចរអន្តរជាតិក្នុងចំនួន ៥.៤ លាននាក់ ។
ដោយមើលឃើញពីសក្ដានុពលនៃវិស័យទេសចរណ៍នេះហើយ ជាពិសេសក្រោយវិធានការដកការរឹតត្បិតពាក់ព័ន្ធនឹងរោគរាតត្បាតកូវីដ ១៩ បច្ចុប្បន្នបណ្ដាប្រទេសអាស៊ានមួយចំនួនសុទ្ធតែបញ្ឆេះការប្រកួតប្រជែងលើវិស័យទេសចរណ៍ក្នុងតំបន់ដើម្បីទាក់ទាញភ្ញៀវទេសចរបរទេស ជាពិសេសអ្នកដំណើរមកប្រទេសចិនជាមួយនឹងគោលនយោបាយលើកលែងទិដ្ឋាការ ។
ជាក់ស្ដែង ចាប់ពីថ្ងៃទី១ ខែធ្នូ ឆ្នាំ២០២៣ មកប្រទេសម៉ាឡេស៊ីដែលកំពុងគ្រងជាអធិរាជវិស័យទេសចរណ៍ប្រចាំនៅតំបន់អាស៊ានបានអនុញ្ញាតឲ្យពលរដ្ឋមកពីប្រទេសចិនដីគោក និងឥណ្ឌាចូលមកលេងកម្សាន្តក្នុងប្រទេសដោយមិនគិតទិដ្ឋាការរយៈពេល ៣០ ថ្ងៃ ពោលស្រដៀងគ្នានឹងប្រទេសថៃដែរ ៕
ដោយ ៖ សុខ ជីវ័ន្ត
-
ចរាចរណ៍៤ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៤ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៤ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម២ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
សន្តិសុខសង្គម៣ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៣ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
ព័ត៌មានអន្ដរជាតិ៣ ថ្ងៃ ago
ថៃ ខឹងចិត្ត ក្រោយម្ហូបរបស់ខ្លួនជាប់ឈ្មោះលេខ ១ ជាអាហារអន់បំផុតលើលោក
-
ព័ត៌មានជាតិ៥ ថ្ងៃ ago
រយៈពេល៣ថ្ងៃសង្ក្រាន្តបាត់ដំបងទទួលបានភ្ញៀវទេសចរជាង១លាននាក់