ព័ត៌មានអន្ដរជាតិ
សូម្បីតែកូនប្រុសសេដ្ឋីឥណ្ឌា Ambani ក៏ធ្លាប់រងការសើចចំអក ដោយសារតែមានរូបរាងធាត់ជ្រុល
Anant Ambani កូនប្រុសពៅរបស់មហាសេដ្ឋីមានបំផុតនៅអាស៊ី Mukesh Ambani ធ្លាប់ប្រឈមមុខនឹងការលើសទម្ងន់ដល់ទៅ ២០៨ គីឡូក្រាម ហើយបានស្រកត្រឹមមួយរយៈពេលខ្លី ដោយសារតែត្រូវចូលរួមក្នុងពិធីមុនរៀបការរយៈពេល៣ ថ្ងៃ កាលពីដើមខែនេះប៉ុណ្ណោះ។
រាយការណ៍ដោយ Hindustan Times បានបញ្ចាក់ដែរថា ថ្នាំព្យាបាលជំងឺហឺតរ៉ាំរ៉ៃ បាននាំឲ្យមានការឡើងទម្ងន់យ៉ាងសំខាន់ដល់ Anant Ambani ក្នុងវ័យកុមារភាព ដែលបណ្តាលឲ្យមានការសើចចំអកពីមនុស្សជុំវិញខ្លួន។នៅពេលឈានដល់វ័យកំលោះ ទម្ងន់របស់គាត់បានឡើងស្រឺតៗ រហូតសម្រកលែងទាន់ចាប់ពីពេលនោះមក។
ក្នុងឆ្នាំ ២០១៤ កូនប្រុសពៅរបស់សេដ្ឋីឥណ្ឌាបានអនុវត្តការសម្រកទំងន់ដែលបានកំណត់ដោយជោគជ័យដល់ទៅ ១០០ គីឡូក្រាមក្នុងរយៈពេល១៨ ខែ ឲ្យនៅត្រឹមទម្ងន់ ១០៨ គីឡូក្រាមប៉ុណ្ណោះ។ នៅឆ្នាំ ២០១៦ ក្រោមការដឹកនាំរបស់គ្រូបង្វឹក Vinod Channa លោក Anant Ambani បានស្រកទម្ងន់ដល់ទៅ ៨៨ គីឡូក្រាមបន្ថែមទៀត។
របបរបស់លោក Channa ពាក់ព័ន្ធនឹងរបបអាហារកាឡូរី ១,២០០-១,៥០០ ដោយផ្តោតលើជាតិស្ករទាប ជាតិខ្លាញ់ និងកាបូអ៊ីដ្រាត ប៉ុន្តែសម្បូរជាតិសរសៃ រួមជាមួយនឹងការធ្វើលំហាត់ប្រាណប្រចាំថ្ងៃ ៥-៦ ម៉ោង រួមទាំងយូហ្គា ការហ្វឹកហាត់ទម្ងន់ និងការដើរ ២១ គីឡូម៉ែត្រ។
លើសពីនេះទៀតនោះ លោកស្រី Nita Ambani ជាម្ដាយបានជះឥទ្ធិពលយ៉ាងខ្លាំងដល់ការធ្វើដំណើរសម្រកទម្ងន់របស់កូនប្រុស ដោយបើកចំហពិភាក្សាអំពីភាពធាត់របស់កូន ចូលរួមរបបអាហារថ្មី និងរបបហាត់ប្រាណ ដែលនាំឲ្យកូនប្រុស កាន់តែមានកំលាំងចិត្តក្នុងការសម្រក់ទំងន់ជាងមុន។
ទោះយ៉ាងណាក៏ដោយ ក្នុងឆ្នាំ ២០២០ រូបថតបង្ហាញថា Anant Ambani មានទម្ងន់ឡើងវិញ ដោយសារតែការរំខានពីជំងឺកូវីដ១៩ និងបញ្ហាប្រឈមក្នុងការគ្រប់គ្រងថ្នាំជំងឺហឺត។ ក្នុងពេលដែលរូបភាពកាលពីពេលថ្មីៗ នៅពិធីមង្គលការខែមីនា បានជំរុញឲ្យមានការពិភាក្សាលើទម្ងន់រាងកាយជាថ្មីម្ដងទៀតលើអ៉ិនធើណេត។
យ៉ាងណាមិញ ក្រុមគ្រូពេទ្យនៅក្នុងប្រទេសឥណ្ឌាជាច្រើន សុទ្ធតែអះអាងដូចៗគ្នាថាជំងឺហឺតដោយខ្លួនឯងមិនបណ្តាលឲ្យឡើងទម្ងន់ដោយផ្ទាល់ទេ។ កត្តាមួយចំនួនទាក់ទងនឹងជំងឺហឺត អាចរួមចំណែកដល់ការឡើងទម្ងន់ចំពោះបុគ្គលមួយចំនួន។ ជាពិសេស ថ្នាំ Corticosteroid ដែលជារឿយៗត្រូវបានចេញវេជ្ជបញ្ជាដើម្បីគ្រប់គ្រងរោគសញ្ញានៃជំងឺហឺត អាចនាំឲ្យមានការបង្កើនចំណង់អាហារ និងការរក្សាជាតិទឹក ដែលអាចបណ្តាលឲ្យឡើងទម្ងន់បានយ៉ាងរហ័សផងដែរ។
សូមរម្លឹកដែរថា កាលពីដើមឆ្នាំមុន នៅពេលដែលរូបភាពនៃការភ្ជាប់ពាក្យរបស់ពួកគេបានលេចចេញនៅលើអ៊ីនធឺណិត ពួកគេបានបំបែកការពិភាក្សាដ៏ធំមួយក្នុងចំណោមអ្នកលេងអ៊ីនធឺណិត អំពីការឡើងទម្ងន់ដ៏សំខាន់របស់ Anant Ambani រហូតបានក្លាយជាប្រធានបទដ៏ក្តៅគគុកមួយចាប់ពីពេលនោះមក៕
អត្ថបទ៖ សាង ស្រីល័ក្ខ
ចុចអាន៖ភរិយាមហាសេដ្ឋី Ambani ជាស្ត្រីមានឥទ្ធិពលបំផុត ក្នុងប្រព័ន្ធផ្សព្វផ្សាយឥណ្ឌា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង