ព័ត៌មានអន្ដរជាតិ
មនុស្ស ២០ នាក់ស្លាប់ក្នុងការវាយប្រហារដោយមីស៊ីល រុស្ស៊ី លើទីក្រុងរបស់ អ៊ុយក្រែន
មន្ត្រីអ៊ុយក្រែនបាននិយាយថា ការវាយប្រហារដោយមីស៊ីលពីសំណាក់រុស្ស៊ីទៅលើហេដ្ឋារចនាសម្ព័ន្ធស៊ីវិលនៅក្នុងទីក្រុងកំពង់ផែ Odesa នៅសមុទ្រខ្មៅរបស់អ៊ុយក្រែនកាលពីថ្ងៃសុក្របានសម្លាប់មនុស្សយ៉ាងហោចណាស់ ២០ នាក់ និងរបួស ៧០ នាក់ ។ នេះបើយោងតមាការចេញផ្សាយរបស់សារពត៌មាន CNA នៅថ្ងៃទី១៦ ខែមីនានេះ ។
អភិបាលតំបន់ Odesa លោក Oleh Kiper បាននិយាយតាមទូរទស្សន៍ជាតិថា មីស៊ីល Iskander-M ចំនួន ២ គ្រាប់ដែលត្រូវបានបាញ់ចេញពីឧបទ្វីបគ្រីមៀដែលកាន់កាប់ដោយរុស្ស៊ី បានបំផ្លាញហេដ្ឋារចនាសម្ព័ន្ធស៊ីវិល និងបណ្តាញផ្គត់ផ្គង់ឧស្ម័ន និងអគ្គិសនី កន្លែងកម្សាន្ត ខណៈផ្ទះប្រហែល ១០ ខ្នងក៏ត្រូវបានបំផ្លាញគ្មានសល់នៅក្នុងការវាយប្រហារនេះផងដែរ ។
ការផ្ទុះនេះមានកម្លាំងខ្លាំង ជាពិសេសគ្រាប់ទីពីរដោយវាជាមីស៊ីលដ៏មានអានុភាពខ្លាំង ខណៈគ្រូពេទ្យ និងអ្នកជួយសង្គ្រោះម្នាក់ ត្រូវបានសម្លាប់ដោយម៊ីស៊ីលគ្រាប់ទីពីរនេះ បន្ទាប់ពីប្រញាប់ប្រញាល់ទៅកាន់កន្លែងកើតហេតុ ដើម្បីព្យាបាលមនុស្សរបួសនៅក្នុងការវាយប្រហារលើកដំបូង ។
ពាក់ព័ន្ធនឹងបញ្ហានេះដែរ ប្រធានាធិបតីអ៊ុយក្រែនលោក Volodymyr Zelensky បាននិយាយថា ប្រទេសរុស្ស៊ីនឹងទទួលបានការឆ្លើយតបពីកងកម្លាំងអ៊ុយក្រែនវិញចំពោះការវាយប្រហារដ៏ឃោរឃៅលើទីក្រុងរបស់អ៊ុយក្រែនមួយនេះ ។
គួរបញ្ជាក់ថា Odesa ដែលជាទីក្រុងកំពង់ផែដ៏ធំបំផុតមួយរបស់អ៊ុយក្រែន បានក្លាយជាគោលដៅនៃការវាយប្រហាររបស់រុស្ស៊ីជាយូរមកហើយ ជាពិសេសបន្ទាប់ពីទីក្រុងមូស្គូបានចាកចេញពីកិច្ចព្រមព្រៀងសម្របសម្រួលដោយអង្គការសហប្រជាជាតិ ដែលបានអនុញ្ញាតឲ្យការដឹកជញ្ជូនគ្រាប់ធញ្ញជាតិរបស់អ៊ុយក្រែនតាមសមុទ្រខ្មៅប្រកបដោយសុវត្ថិភាព ៕
អត្ថបទ ៖ ប៊ុន សុភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ