ព័ត៍មានទាន់​ហេតុការណ៏
Search

កីឡាករ​រត់ប្រណាំង​អាមេរិក Gil Roberts លេប​ចូល​សារធាតុ​ហាមឃាត់​ ដោយសារ​ “ថើប​មាត់​មិត្តស្រី​”

​ម្ចាស់​មេដាយមាស​អូឡាំពិក កីឡាករ​រត់ប្រណាំង Gil Roberts ត្រូវបាន​គេ​បង្ហាញ​ពី​ភាព​ស្អាតស្អំ​ របស់គាត់​វិញ​ហើយ សម្រាប់​ការខកខាន​ការធ្វើ​តេស្ត​រក​ថ្នាំញៀន ក្រោយ​គេ​រកឃើញថា លោក​បាន​លេប​សារធាតុ​ហាមឃាត់ ដោយសារ​ថើប​មិត្តស្រី​របស់គាត់​។​

កីឡាករ​អាមេរិក Gil Roberts វ័យ ​២៨​ឆ្នាំ ដែល​បានឈ្នះ​មេដាយមាស​ នៅលើ​វិញ្ញាសា​រត់​បណ្តាក់​4×400​ម៉ែត្រ ​នៅ​ទីក្រុង​រី​យ៉ូ ប្រទេស​ប្រេ​ស៊ី​ល​នោះ បានធ្វើ​តេស្ត​មាន​សារធាតុ​ហាមឃាត់​ កាលពី​ថ្ងៃទី​២៤ ខែ​មីនា​។​

ក្រោយមក លោក​បាន​និយាយប្រាប់​ទីភ្នាក់ងារ​ប្រឆាំង​គ្រឿងញៀន​អាមេរិក ​(Usada) ថា លោក​បាន​ឆ្លង​សារធាតុ​ញៀន​មួយ​នេះ ពី​មិត្តស្រី​របស់លោក ហើយ​អាជ្ញាកណ្តាល​ ដែល​រកឃើញ​សារធាតុ​ញៀន​នេះ បានចេញ​នូវ​សេចក្ដី​សម្រេច​ថា អត្ត​ព​លិ​ក​រូបនេះ គ្មាន​ទោសកំហុស​អ្វី​ឡើយ​។​

ថ្វីត្បិតតែ​គាត់​ត្រូវបាន​ផ្តល់​ភាព​ស្អាតស្អំ ​អំឡុង​សវនាការ​កាលពី​ថ្ងៃទី​២០ ខែមិថុនា​ យ៉ាងណាក្តី ក៏​សេចក្តី​ពិស្ដារ​ពី​អាជ្ញាកណ្តាល ទើបតែ​ចេញផ្សាយ​ដោយ Usada ។

កីឡាករ Roberts ដែល​ត្រូវបាន​គេ​ព្យួរ​ឈ្មោះ​បណ្តោះអាសន្ន​នោះ បាន​ចូលរួម​ការប្រកួត​រត់​ចម្ងាយ ​៤០០​ម៉ែត្រ​នៅ​សហរដ្ឋអាមេរិក​កាលពី​ខែ​មុន ជា​កន្លែង​ដែល​គាត់​រកបាន​កៅអី​លេង ​នៅ​ការប្រកួត World Championships នា​ខែសីហា ក្នុង​ទីក្រុង​ឡុង​ដ៍ ដោយ​ជាប់​លេខ​២ ប្រើពេល​ ៤៤.២២​វិនាទី ពីក្រោយ​កីឡាករ Fred Kerley​។​

រយៈពេល​ប៉ុន្មាន​សប្តាហ៍ មុនពេល​ការធ្វើ​តេស្ត​រក​ថ្នាំញៀន មិត្តស្រី Alex Salazar របស់​កីឡាករ Roberts បាន​លេបថ្នាំ​ឆ្លង​មេរោគ​ប្រហោង​ក្នុង ដែលមាន​សារធាតុ​ហាមឃាត់ Probenecid​ នោះ​៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684