ព័ត៍មានទាន់​ហេតុការណ៏
Search

ម៉ា​រ៉ា ប៊ុណ្ណា រង​ការរិះគន់​យ៉ាង​ស្ពឹក​មុខ ក្រោយ​ចេញ​បទ​ “តារា​បែក​ស្លុយ” ចម្លងពីថៃ

​ភ្នំពេញ​ ៖ ​តារាចម្រៀង​មាឌធំ​ដំបង​លោក ម៉ា​រ៉ា ប៊ុន​ណ្ណា ខណៈដែល ​MV​ ចម្រៀង​ថ្មី​ និពន្ធ​ចម្លង​មក​ពី​ថៃ ​គឺ​បទតារា​បែក​ស្លុយ ទើបតែ​ចេញផ្សាយ ​នៅលើ​បណ្តាញ​យូធូប​ និង​ហ្វេ​ស​ប៊ុ​ក​ មិនទាន់​បាន​ប៉ុន្មាន​ថ្ងៃ​ផង ​ក៏​ទទួលបាន​ការចាប់អារម្មណ៍ យ៉ាង​ច្រើន​ពីសំណាក់​មហាជន។ ​ប៉ុន្តែ​អំឡុងពេល​ជាមួយគ្នានេះ​ដែរ សំឡេង​នៃ​ការរិះគន់ ​ក៏បានផ្ទុះឡើង​យ៉ាង​គំហុក ​មកលើ​លោក ម៉ា​រ៉ា ប៊ុន​ណ្ណា ក្រោម​ហេតុផល​ថា​ លោក ម៉ា​រ៉ា ប៊ុន​ណ្ណា ប្រហែល​គ្មាន​សមត្ថភាព ​ធ្វើ​បទ​ដោយ​ខ្លួនឯង​ទេ ទើ​បយក​បទ​គេ​មក​ច្នៃច្រៀង​ដូច្នេះ​។


​តាម​ការកត់សម្គាល់ ​ស្របពេល​ដែល​បទ​ចម្រៀង តារា​បែក​ស្លុយ ច្រៀង​ដោយ​លោក ម៉ា​រ៉ា ប៊ុន​ណ្ណា ទើប​ចេញ​ជា​ផ្លូវការ​ និង​ត្រូវ​បង្ហោះ​ចែកចាយ​ នៅលើ​បណ្តាញ​សង្គម ​ត្រឹម​រយៈ​ពេលទើបតែ​២ ​ឬ​៣​ថ្ងៃ​ប៉ុណ្ណោះ ​ក៏​ផ្តើម​មានការ​រិះគន់​យ៉ាងខ្លាំង​ ដោយ​ក្នុងនោះ​មាន ​Page​ ខ្លះបាន​រិះគន់ថា៖ “ហួសចិត្ត​តារា​ខ្មែរ​ ឃើញ​បទ​គេ​ល្បី​តិច​មិនបាន ​ខំ​ធើ​តាម​គេ។ ​ខ្ញុំ​ជា​កូន​ខ្មែរ​មួយរូប ​ខ្មុំ​ខ្មាស់​គេ​ណាស់ ដែល​សិល្បៈ​ខ្មែរ​ដល់​ថ្នាក់​នេះ​ តើ​បងប្អូន​មាន​ពាក្យ​អ្វី ​ផ្តាំផ្ញើរ​ទៅ​គាត់​សុំ​ម្នាក់​មួយ​ម៉ាត់​មក​។​ ចុច​ Share​ បើ​បងប្អូន​មិន​ចូលចិត្ត​សិល្បៈ​ខ្មែរ​ចំឡង​គេ​”។

​ដោយឡែក​នៅលើ​បណ្តាញ​សង្គម​ហ្វេ​ស​ប៊ុ​ក​ របស់​តារាចម្រៀង​រ៉េប​ឌី​ជេ អាចារ្យធំ ក៏បាន​រិះគន់ថា៖ “​នៅពេលដែល​ខ្មែរ​រិះគន់​ថៃ​ថា​ជា​ចោរលួច​ប្លន់​វប្បធម៌​របស់​ដូនតា​យើង​ តើ​មាន​ធ្លាប់​រអៀសខ្លួន​ខ្លះ​ទេ ​ចំពោះ​បុគ្គល​ខ្មែរ​មួយចំនួន ​(​ផលិតករ​ខ្លះ​ ឬ ​អ្នកសិល្បៈ​ខ្លះ​)​ នៅតែ​បន្ត​បំបាក់មុខ​ប្រជាជាតិ​ ដែលជា​ម្ចាស់​នៃ​ខឿនវប្បធម៌​ ដ៏​ចំណាស់​មួយ​នេះ​ ដោយបាន​លួច​ចម្លង​នូវ​ស្នាដៃ​របស់​កូនចៅ​ជំនាន់​ក្រោយ​គេ ​យ៉ាង​គគ្លើន ដោយ​មិន​មានការ​ខ្មាសអៀន​អ្វី​បន្តិច​សោះ​?”​។​

​ជាមួយគ្នានេះ​ ឌី​ជេរ ​អាចារ្យធំ ក៏បាន​បន្ថែមទៀត​ថា៖ “បើ​យើង​នៅតែ​ប្រឹង​លួច បច្ចុប្បន្នភាព​របស់​ជាតិ​គេ​ តើ​យើង​មានមុខមាត់​អី​ ទៅ​ជជែក​ទាមទារ​ ដើម្បី​ការពារ​កេរ្តិ៍តំណែល​ អ​តី​តកាល​របស់​ដូនតា​ខ្មែរ​យើង​នោះ​?​ តើ​កូន​ខ្មែរ​ជំនាន់​នេះ ​ពិតជា​លែង​ត្រូវការ​មរតក​ ដ៏​អស្ចារ្យ​របស់​ដូនតា​ខ្មែរ​ហើយ​មែន​ទេ​? តើ​ឯណា​មោទនភាព​ជាតិខ្មែរ​?​។ បុរាណ​យើង​ត្រូវតែ​អភិរក្ស សម័យ​យើង​ត្រូ​វតែ​អភិវឌ្ឍន៍ ​តែ​មិនមែន​អភិវឌ្ឍន៍​ខាង​លួច​ចម្លង ​ស៊ី​កេរ្តិ៍​សមិទ្ធផល​របស់​បរទេស​ ដើម្បី​តែ​ភាពល្បីល្បាញ​ ដ៏​ថោកទាប​ មិន​គិត​អំពី​មុខមាត់​ កេរ្តិ៍ឈ្មោះ​កិត្តិយស​ របស់​ជាតិខ្មែរ​នោះទេ​។ ដូចម្ដេច​ដែល​ហៅថា​អ្នកសិល្បៈ​?​ បើ​រក​អ្វី​ដែលជា​សមិទ្ធផល​ថ្មី​ខ្លួនឯង​មិន​បានទេ​ ចូរ​ដេក​ផ្ទះ​នៅ​ស្ងៀម​មួយកន្លែង​ប្រសើរ​ជាង”​៕



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។

សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684