ព័ត៍មានទាន់​ហេតុការណ៏
Search

មកដល់​ហើយ​! អាច​មើល​ខ្សែភាពយន្ត​ល្បីៗ គ្រប់​ទីកន្លែង គ្រប់ពេលវេលា​

​ភ្នំពេញ​៖ ប្រជាពលរដ្ឋ​កម្ពុជា​ដែល​និយម ចូលចិត្ត​ទស្សនា​ខ្សែភាពយន្ត នៅពេលនេះ​អាច​រីករាយ​ជាមួយនឹង​ការ​ទស្សនា ខ្សែភាពយន្ត និង រឿង​ភាគ​ល្បីៗ របស់​ខ្មែរ ថៃ កូរ៉េ និង​ប្រទេស​ល្បីៗ​ដទៃទៀត បាន​នៅ​គ្រប់​ទីកន្លែង គ្រប់ពេលវេលា និង នៅលើ​គ្រប់​ឧបករណ៍​ឌីជីថល​នានា​។

​ដោយ​ទទួលបាន​ការគាំទ្រ​ពី ក្រុមហ៊ុន Sabay Digital Corporation កម្មវិធី SOYO គឺជា​ប្រព័ន្ធ​វីដេអូ​អន​ឡាញ ប្រើប្រាស់​តាម​ប្រព័ន្ធ​អ៊ី​ន​ធឺ​ណែ​ត សម្រាប់​អ្នកទស្សនា​ក្នុងប្រទេស​កម្ពុជា​។ កម្មវិធី​នេះ ផ្តល់ជូន​នូវ​ខ្សែភាពយន្ត​ក្នុងស្រុក អន្តរជាតិ កម្មវិធី​ទូរទស្សន៍ និង​រឿង​ភាគ​ជាច្រើន ដែល​ប្រែ​សម្រួល​ជា​ភាសា​ខ្មែរ (​សម្លេង និង អក្សរ​ខ្មែរ​) សម្រាប់​ទស្សនិកជន​ក​ម្ពុ​ជា​។​
​ជាមួយ​ការអភិវឌ្ឍ​យ៉ាង​ឆាប់រហ័ស របស់​ប្រព័ន្ធ​ឌីជីថល និង​បណ្តាញទូរស័ព្ទ​ចល័ត​នៅ​កម្ពុជា ដែលមាន​ការកើនឡើង​យ៉ាងគំហុក ក្នុងនោះ​បើតាម​តាម​ទិន្នន័យ​របស់​ក្រសួង​ទូរគមនាគមន៍ អ្នកប្រើប្រាស់​បាន​ឈានដល់ ២១ លាន​នាក់​ក្នុង​ឆ្នាំ ២០១៦ ស្មើនឹង​ការប្រើ​ទូរស័ព្ទដៃ​ជាង ១១៥% ដែល​នេះ​គឺជា​កត្តា​ជំរុញ​ឱ្យ SOYO ប្តេជ្ញា​នាំមុខគេ ក្នុងការ​អភិវឌ្ឍន៍​ប្រព័ន្ធ​វីដេអូ​អន​ឡាញ​នេះ​។​

​ផែនការ​បន្ទាន់​របស់ SOYO គឺ​ត្រូវ​រួមបញ្ចូល​ខ្សែភាពយន្ត​ខ្លីៗ កម្មវិធី​កំប្លែង ការជជែក​កំសាន្ត​និង​ការកម្សាន្ត​ដ៏​ល្បីៗ ដែល​ទទួលបាន​សិទ្ធិ​ប្រើប្រាស់​ត្រឹមត្រូវ​។ លើសពីនេះ​ទៀត SOYO នឹង​ផ្តល់​ការគាំទ្រ ក៏ដូចជា​ធ្វើការ​យ៉ាង​ស្អិតរ​មួ​ត ជាមួយ​ឧស្សាហកម្ម​ខ្សែភាពយន្ត​ក្នុងស្រុក ដើម្បី​ផ្តល់ជូន​ខ្សែភាពយន្ត​ក្នុងស្រុក ដែល​ល្អ​បំផុត​ដល់​ទស្សនិកជន និង​ផ្តល់​ជម្រើស​ច្រើន​ថែមទៀត ជូន​អតិថិជន​របស់ខ្លួន​។​

​លោក ស៊ុត ឈាង​ឡេង នាយក​គ្រប់គ្រង​ផ្នែក​អាជីវកម្ម​របស់ SOYO បាន​មានប្រសាសន៍ថា​៖ “​ក្រុមហ៊ុន​របស់​យើង មាន​សេចក្តីរំភើប​យ៉ាងខ្លាំង ក្នុងការ​ឈានចូល​ក្នុង​ទីផ្សារ ដែល​កំពុងតែ​លូតលាស់​យ៉ាង​ឆាប់រហ័ស​នេះ​។ អ្នក​ចូលចិត្ត​ទស្សនា​រឿង និង កម្មវិធី​កម្សាន្ត កើនឡើង​ពីមួយថ្ងៃ​ទៅមួយថ្ងៃ​យ៉ាងច្រើន​។ កម្មវិធី​របស់​យើង នឹង​ជួយ​ធ្វើឱ្យ​អតិថិជន SOYO នៅ​កម្ពុជា ទាំងអស់​អាច​ទទួលយក​បទពិសោធន៍​ថ្មីៗ ក្នុងការ​ទស្សនា​ខ្សែភាពយន្ត និង​រឿង​ភាគ ពី​ប្រទេស​កម្ពុជា ថៃ កូរ៉េ និង​ប្រទេស​ល្បី​ដទៃៗ​ទៀត ហើយ​ជាពិសេស​ក៏មាន​កម្មវិធី​ប្លែកៗ​ផ្សេងទៀត ដែល​ដាក់អោយ​ទស្សនា​ដោយ​សេរី​ផងដែរ​។ ពួកយើង​ពិតជា​ជា​រីករាយ​ក្នុងការ​ចូលមក​បម្រើ​អ្នក​អ្នកទស្សនា ហើយ​ស​ង្សឹ​ម​ថា វត្តមាន​របស់ SOYO នឹងចូលរួម​ចំណែក​អភិវឌ្ឍ​វិស័យ​កម្សាន្ត​ផ្នែក​បច្ចេកវិទ្យា​នៅ​កម្ពុជា​។​”

​ខ្សែ​ភាពយ​ន្ថ​និង​វីដេអូ​ថ្មីៗ​របស់ SOYO នឹងត្រូវ​ធ្វើការ​ដាក់បញ្ចូល ជា​រៀងរាល់​សប្តាហ៍ និង​ជា​រៀងរាល់ខែ ហើយ​កម្មវិធី SOYO អាច​រកបាន​នៅលើ​ប្រព័ន្ធ iOS (​មាន​ឆាប់ៗ​), Android និង​តាម​កម្ម​វី​ធី​រុករក​លើ​អ៊ី​ន​ធឺ​ណែ​ត​។ អតិថិជន SOYO ដែល ទើបនឹង​ចុះឈ្មោះ នឹង ត្រូវបាន​ផ្តល់ជូន​នូវ​កញ្ចប់​វីដេអូ​មើល​ដោយ​ឥតគិតថ្លៃ​។

​ដើម្បី​ចូល​ប្រើ និង​មើល​គ្រប់ រឿង​ទាំងអស់ អ្នក​ប្រើ​នឹងត្រូវ​ចុះឈ្មោះ ដោយ​គ្រាន់តែ​ដាក់​លេខ​ទូរស័ព្ទ​និង ទិញ​គម្រោង​ដែល​ផ្តល់ជូន​តាម​ចំណង់​ចំណូលចិត្ត​របស់ខ្លួន​។ បច្ចុប្បន្ន SOYO ផ្តល់ជូន​នូវ​ការ​ជាវ​ជាប្រចាំ​បី​ប្រភេទ គឺ ប្រចាំថ្ងៃ​មានតម្លៃ ៨០០​រៀល (០.១៩​ដុល្លារ​) ប្រចាំ​សប្តាហ៍​មានតម្លៃ ៤ ,០០០ រៀល (០.៩៩​ដុល្លារ​) និង​ប្រចាំខែ​មានតម្លៃ ១២ ,០០០ រៀល (២.៩៩ ដុល្លារ​)​។ ការ​ជាវ​ទាំងអស់នេះ អាចធ្វើ​ការទូទាត់​តាមរយៈ Sabay Coin, Cellcard, Smart, Metfone, អេស៊ីលីដា​, Pay&Go, និង Wing ជាដើម​៕

 



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684