ព័ត៌មានអន្ដរជាតិ
កូនស្រីលោក ថាក់ស៊ីន រ៉ាយរ៉ាប់ពីដំណើរទៅទីស្នាក់ការកណ្ដាល បក្សភឿថៃ ជាលើកដំបូងរបស់ឪពុក
អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា កាលពីថ្ងៃអង្គារទទួលការស្វាគមន៍យ៉ាងកក់ក្ដៅពីសំណាក់សមាជិកតំណាងរាស្ត្រ អំឡុងពេលដែលលោកអញ្ជើញទៅទីស្នាក់ការកណ្ដាលរបស់គណបក្សភឿថៃជាលើកដំបូងក្នុងរយៈពេលជិត ២ ទសវត្សរ៍ ក្រោយរស់នៅនិរទេសប្រហែល ១៧ ឆ្នាំ បន្ទាប់ពីត្រូវបានបណ្ដេញចេញពីរដ្ឋប្រហារក្នុងឆ្នាំ ២០០៦ ។ នេះបើយោងតាមការចេញផ្សាយដោយសារព័ត៌មាន Thai PBS កាលពីថ្ងៃទី២៦ ខែមីនាកន្លងទៅ ។
ពាក់ព័ន្ធនឹងដំណើរអញ្ជើញទៅទីស្នាក់ការបក្សនេះដែរ កូនស្រីលោក ថាក់ស៊ីន គឺលោកស្រី ផែថងថាន ស៊ីណាវ៉ាត្រា បានប្រាប់អ្នកសារព័ត៌មានថា លោកស្រីបាននាំឪពុកដែលជាស្ថាបនិកគណបក្សភឿថៃផងដែរនោះ ទៅកាន់អូហ្វីសរបស់ប្រធានបក្សដែលរើទៅកាន់បន្ទប់ធ្វើការរបស់លោក ថាក់ស៊ីន មានឈ្មោះថា “OAK” ដែលដាក់តាមឈ្មោះហៅក្រៅរបស់កូនស្រីលោកទាំងបីដូចជា Oak, Aim និង Ing ។
ដោយឡែកលោក ថាក់ស៊ីន ក៏បាននិយាយផងដែរថា ទាំងអគារ និងសមាជិកតំណាងរាស្ត្រមានការផ្លាស់ប្ដូរស្ទើរតែទាំងស្រុង ប៉ុន្តែមន្ត្រីអ្នកមុខអ្នកការទាំងនោះសុទ្ធសឹងតែជាកូនៗរបស់សមាជិកតំណាងរាស្ត្រដែលធ្លាប់ធ្វើការជាមួយលោកកាលពីលោកកាន់ជានាយករដ្ឋមន្ត្រី ហើយការអញ្ជើញទៅស្នាក់ការបក្សនេះទៀតសោត អតីតនាយករដ្ឋមន្ត្រីវ័យ ៧៤ ឆ្នាំរូបនេះមិនបាននិយាយពីរឿងការងារផ្ទៃក្នុងរបស់បក្សនោះឡើយ ។
ទន្ទឹមនោះ គ្រាន់តែអញ្ជើញទៅដល់ស្នាក់ការភ្លាម លោក ថាក់ស៊ីន ទទួលការទះដៃអបអរសាទរ និងមានទាំងការឲ្យផ្កាកុលាបក្រហមពីសំណាក់សមាជិកតំណាងរាស្ត្រ និងបងប្អូនប្រជាពលរដ្ឋដែលនៅតែស្រឡាញ់ពេញចិត្តលើរូបលោក ខណៈដែលលោក ថាក់ស៊ីន វិញញញឹមបិទមាត់មិនជិតឡើយ ហើយមើលទៅគាត់ដូចជាវីរបុរសជើងចាស់មួយរូបត្រឡប់មកលេងផ្ទះអ៊ីចឹង ។
កូនស្រីពៅលោក ថាក់ស៊ីន លើកឡើងថា ឪពុករបស់លោកស្រីក៏ចង់ចុះទៅសួរនាំប្រជាជននៅតាមបណ្ដាខេត្តផ្សេងៗទៀតផងដែរ ប៉ុន្តែមិនមែនក្នុងន័យទាក់ទាញ ឬជួយរកសំឡេងឆ្នោតឲ្យសមាជិកតំណាងរាស្ត្រគណបក្សភឿថៃនោះឡើយ ជាពិសេសគឺការហោះទៅខេត្តឈៀងម៉ៃសាជាថ្មីម្ដងទៀត ប៉ុន្តែទោះយ៉ាងណា យើងនឹងត្រូវពិភាក្សារឿងនេះជាមួយក្រុមគ្រួសារជាមុនសិន ។
ស្របពេលជាមួយគ្នានេះ ដំណើរអញ្ជើញទៅកាន់ទីស្នាក់ការគណបក្សភឿថៃរបស់លោក ថាក់ស៊ីន នាពេលនេះក៏មិនមែនជារឿងចម្លែកអ្វីនោះដែរ ដោយសារតែអតីតនាយករដ្ឋមន្ត្រីវ័យ ៧៤ ឆ្នាំរូបនេះគឺជាអ្នកបង្កើតគណបក្សថៃស្រឡាញ់ថៃ គណបក្សកម្លាំងប្រជាជន និងគណបក្សភឿថៃនេះឯង ។
បន្ថែមពីនេះ ក្រោយដោះលែងឲ្យមានសេរីភាព លោក ថាក់ស៊ីន បានបង្ហាញខ្លួនជាសាធារណៈជាបន្តបន្ទាប់ ជាពិសេសលោកបានចំណាយពេល ៣ ថ្ងៃហោះទៅលេងស្រុកកំណើតក្នុងខេត្តឈៀងម៉ៃដើម្បីគោរពវិញ្ញាណក្ខន្ធឪពុកម្ដាយរបស់លោក ទៅមើលគម្រោងក្នុងស្រុកមួយចំនួន និងជួបជាមួយមិត្តភក្តិចាស់ៗ បន្ទាប់ពីចាកចេញឆ្ងាយអស់រយៈពេល ១៧ ឆ្នាំ ។
ទោះយ៉ាងណា ក្រុមអ្នកវិភាគបែរជាមើលឃើញជ្រុងផ្សេងទៅវិញ ដោយចាត់ទុកការធ្វើដំណើររបស់លោក ថាក់ស៊ីន ទៅកាន់ស្រុកកំណើតក្នុងខេត្តឈៀងម៉ៃ គឺជាការដាក់មុខព្រួញស្ដារប្រជាប្រិយភាពឲ្យគណបក្សភឿថៃឲ្យកាន់តែមានមុខមាត់សាជាថ្មីម្ដងទៀត ក្រោយខេត្តមួយនេះចាញ់សំឡេងឆ្នោតយ៉ាងច្រើនក្រាស់ក្រែលទៅលើបក្សចលនាឆ្ពោះទៅមុខ ក្នុងការបោះឆ្នោតសកលកាលពីខែឧសភាកន្លងទៅ ។
គួរបញ្ជាក់ថា លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្រ្តីថៃ ត្រូវបានដោះលែងឲ្យមានសេរីភាពឡើងវិញកាលពីថ្ងៃទី១៨ ខែកុម្ភៈ បន្ទាប់ពីអនុវត្តទោសទណ្ឌបានរយៈពេល ៦ ខែ ដោយសារតែស្ថានភាពរបស់លោកស៊ីទៅនឹងលក្ខខណ្ឌនៃការលើកលែងទោសដូចជា លោកស្ថិតក្នុងចំណោមទណ្ឌិត ៩៣០ ដែលចាត់ទុកជាមនុស្សចាស់ និងមានជំងឺ ឬមានអាយុលើស ៧០ ឆ្នាំ បូករួមទាំងស្នាដៃបម្រើប្រទេសជាតិនៅពេលកន្លងមកផងដែរ ៕
ដោយ ៖ សុខ ជីវ័ន្ត
ចុចអាន ៖ លោក សេដ្ឋា មិនជួបលោក ថាក់ស៊ីន នៅទីស្នាក់ការបក្ស តែទៅទស្សនា បាល់ទាត់រវាង ថៃ និងកូរ៉េខាងត្បូង
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ