ព័ត៌មានអន្ដរជាតិ
វេទិកាបូអាវ ដែលសម្ដេចតេជោ ហ៊ុន សែន អញ្ជើញចូលរួមនៅ ចិន ផ្ដោតលើប្រធានបទសំខាន់ៗចំនួន ៥
កិច្ចប្រជុំប្រចាំឆ្នាំនៃវេទិកាបូអាវសម្រាប់អាស៊ី (BFA) ដែលសម្ដេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា អញ្ជើញចូលរួមនៅសាធារណរដ្ឋប្រជាមានិតចិននាថ្ងៃទី២៧ ដល់ថ្ងៃទី២៩ ខែមីនា នឹងផ្ដោតលើប្រធានបទសំខាន់ៗចំនួន ៥ ។ នេះបើយោងតាមគេហទំព័រផ្លូវការរបស់រដ្ឋាភិបាលចិនចេញផ្សាយនៅថ្ងៃទី២៧ ខែមីនានេះ ។
អគ្គលេខាធិការ BFA លោក Li Baodong បាននិយាយកាលពីថ្ងៃអង្គារថា វេទិកាដែលរៀបចំឡើងក្រោមមូលបទ “អាស៊ី និងពិភពលោក ៖ បញ្ហាប្រឈម និងការទទួលខុសត្រូវរួម” នឹងផ្ដោតលើប្រធានបទសំខាន់ៗដូចជា “សេដ្ឋកិច្ចពិភពលោក”, “នវានុវត្តន៍វិទ្យាសាស្ត្រ និងបច្ចេកវិទ្យា”, “ការអភិវឌ្ឍន៍សង្គម”, “កិច្ចសហប្រតិបត្តិការអន្តរជាតិ” និង “កិច្ចប្រជុំរួម” ។
ទន្ទឹមនោះ ក្រៅពីសម្ដេចតេជោ ហ៊ុន សែន កិច្ចប្រជុំដែលរៀបចំឡើងនៅខេត្តហៃណាននាឆ្នាំ ២០២៤ នេះក៏នឹងទាក់ទាញថ្នាក់ដឹកនាំរដ្ឋាភិបាល ធុរកិច្ច ស្ថាប័នសិក្សាស្រាវជ្រាវ អង្គការអន្តរជាតិ និងអង្គការតំបន់នានាប្រហែល ២,០០០ នាក់មកពីប្រទេស និងតំបន់ជាង ៦០ រួមជាមួយអ្នកសារព័ត៌មានជាង ១,១០០ នាក់មកពីប្រទេស និងតំបន់ប្រហែល ៤០ ផងដែរ ។
លោក Li បាននិយាយនៅក្នុងសុន្ទរកថាបើកសន្និសីទនៃវេទិកា BFA ថា បញ្ហាប្រឈមដែលពិភពលោកកំពុងប្រឈមមុខគឺស្មុគ្រស្មាញ ហើយមានតែការរួមគ្នា ក៏ដូចជាការទទួលខុសត្រូវ និងការពង្រឹងកិច្ចសហប្រតិបត្តិការអន្តរជាតិប៉ុណ្ណោះ ទើបពិភពលោកអាចបន្តដើរលើវិថីសន្តិភាព និងវិបុលភាព ហើយតាមរយៈកិច្ចពិភាក្សានៅក្នុងសន្និសីទ BFA នេះ យើងសង្ឃឹមនឹងប្រមូលផ្តុំគោលគំនិតឈ្លាសវៃរបស់ប្រជាជាតិទាំងអស់មកបង្រួបបង្រួមភាពរឹងមាំនៃអាស៊ី និងពិភពលោក ហើយជម្នះរាល់ការលំបាក និងបង្កើតអនាគតដ៏ល្អប្រសើរ ។
គួរបញ្ជាក់ថា កិច្ចប្រជុំប្រចាំឆ្នាំនៃវេទិកាបូអាវសម្រាប់អាស៊ី (BFA) ដែលកកើតឡើងក្នុងឆ្នាំ ២០០១ គឺជាអង្គការក្រៅរដ្ឋាភិបាលអន្តរជាតិដែលមិនស្វែងរកប្រាក់ចំណេញ ហើយមានទិសដៅលើកកម្ពស់សមាហរណកម្មសេដ្ឋកិច្ចក្នុងតំបន់ និងកាច់ចង្កូតនាវាប្រទេសអាស៊ីឆ្ពោះកាន់តែជិតទៅនឹងគោលដៅអភិវឌ្ឍន៍ ៕
ដោយ ៖ សុខ ជីវ័ន្ត
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ