ព័ត៌មានអន្ដរជាតិ
ថៃ ប្រកាសបន្ថយពន្ធលើវិស័យអចលនទ្រព្យដើម្បីជំរុញសេដ្ឋកិច្ចឲ្យមានដង្ហើមដកឡើងវិញ
ប្រទេសថៃត្រៀមនឹងប្រកាសច្បាប់អចលទ្រព្យថ្មីនៅអង្គារនេះ ស្របពេលដែលរដ្ឋាភិបាលកំពុងឈ្មុសឈ្មុលកែប្រែមុខមាត់ប្រទេសដែលជាខ្លាសេដ្ឋកិច្ចធំបំផុតទី ២ របស់អាស៊ានមួយនេះមានដង្ហើមដកឡើងវិញ ។ នេះបើតាមសេចក្ដីប្រកាសរបស់ក្រសួងហិរញ្ញវត្ថុ និងចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី៨ ខែមេសាកន្លងទៅ ។
ក្រសួងហិរញ្ញវត្ថុនឹងស្នើទៅគណៈរដ្ឋមន្ត្រីគ្រប់គ្រងលើវិស័យអចលនទ្រព្យ រួមទាំងការកាត់បន្ថយថ្លៃជួញដូរផ្ទះសម្បែងដែលមានតម្លៃរហូតដល់ ៧ លានបាត (១៩០,៨៩១ ដុល្លារ) ដោយតម្លៃផ្ទេរកម្មសិទ្ធិត្រូវបានកាត់បន្ថយពី ២ ភាគរយមកត្រឹម ០.០១ ភាគរយ ។
យោងតាមប្រព័ន្ធផ្សព្វផ្សាយថៃក៏បានរាយការណ៍ផងដែរថា ច្បាប់អចលទ្រព្យថ្មីនេះនឹងមានការកាត់ពន្ធសម្រាប់អ្នកដែលចង់សាងសង់ផ្ទះ និងប្រាក់កម្ចីទិញផ្ទះសម្រាប់អ្នកដែលមានប្រាក់ចំណូលទាប ហើយក្រសួងនឹងស្នើកែសម្រួលច្បាប់ទាក់ទងនឹងកម្មសិទ្ធិលំនៅដ្ឋានរបស់ជនបរទេស រួមទាំងការបន្តរយៈពេលជួលពី ៣០ ឆ្នាំដល់ ៩៩ ឆ្នាំ ក៏ដូចជាអនុញ្ញាតឲ្យជនបរទេសអាចចាយលុយទិញលំនៅដ្ឋានមួយចំនួនក្នុងប្រទេសថៃផងដែរ ។
ពាក់ព័ន្ធនឹងបញ្ហានេះដែរ លោកនាយករដ្ឋមន្រ្តី សេដ្ឋា ថាវីស៊ីន បានរំឭកឡើងវិញកាលពីថ្ងៃចន្ទថា សេដ្ឋកិច្ចថៃត្រូវការវិធានការជំរុញលើវិស័យធំៗ ស្របពេលដែលកំណើនសេដ្ឋកិច្ចក្នុងប្រទេសអាចនឹងមានតិចជាង ១ ភាគរយប៉ុណ្ណោះនៅក្នុងត្រីមាសទីមួយនៃឆ្នាំ ២០២៤ នេះ បន្ទាប់ពីកើនឡើង ១.៧ ភាគរយនៅក្នុងត្រីមាសមុន ។
ទន្ទឹមនោះ ការប្រកាសចាត់វិធានការលើវិស័យអចលនទ្រព្យថ្មីនេះទៀតសោតក៏កើតមានឡើង បន្ទាប់ពីថៃកំពុងមានវិបត្តិសេដ្ឋកិច្ចយ៉ាប់យ៉ឺន ហើយក៏ស្របពេលដែលកាលពីពេលថ្មីៗនេះ ធនាគារពិភពលោកបានទម្លាក់ការព្យាករណ៍ចំពោះសេដ្ឋកិច្ចរបស់ប្រទេសដែលល្បីរន្ទឺលើវិស័យទេសចរណ៍នៅអាស៊ានមួយនេះពី ៣.៤ ភាគរយមក ២.៨ ភាគរយសម្រាប់ក្នុងឆ្នាំ ២០២៤ នេះផងដែរ ៕
ដោយ ៖ សុខ ជីវ័ន្ត
ចុចអាន ៖ ចាប់ពីថ្ងៃនេះ ខេត្តភាគខាងជើង ថៃ ប៉ះសីតុណ្ហភាព ៤៣ អង្សាសេ ខណៈទីក្រុងបាងកកក៏ក្ដៅចង់ខ្លោច
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ២ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៣ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម១៦ ម៉ោង ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
សន្តិសុខសង្គម២ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៧ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?
-
ព័ត៌មានអន្ដរជាតិ៦ ថ្ងៃ ago
យប់មិញ អ៉ីរ៉ង់សងសឹកអ៉ីស្រាអែលដោយមីស៊ីល-យន្តហោះគ្មានមនុស្សជាង២០០គ្រាប់