ព័ត៌មានអន្ដរជាតិ
ធ្លាក់យន្តហោះល្បាតមួយគ្រឿងដែលកំពុងហោះហ្វឹកហ្វឺន នៅកូរ៉េខាងត្បូង
យន្តហោះល្បាត P-3C Orion របស់កងទ័ពជើងទឹកកូរ៉េខាងត្បូង បានធ្លាក់ក្នុងអំឡុងពេលហោះហើរហ្វឹកហាត់នៅថ្ងៃព្រហស្បតិ៍ទី២៩ខែឧសភានេះ នៅជិតទីក្រុង Pohang ដោយមានមនុស្ស៤នាក់នៅលើនោះ។ យន្តហោះនេះបានចាកចេញពីមូលដ្ឋានរបស់ខ្លួននៅវេលាម៉ោង១និង៤៣នាទីរសៀលម៉ោងក្នុងស្រុក ហើយមិនប៉ុន្មាននាទីផងក៏បានធ្លាក់ទាំងមិនទាន់ដឹងមូលហេតុច្បាស់លាស់។
គ្រោះថ្នាក់នេះ បានកើតឡើងនៅលើភ្នំក្បែរតំបន់លំនៅឋានមួយកន្លែង ដែលបង្កជាការឆាបឆេះភ្លាមៗ។ ក្រុមអ្នកពន្លត់អគ្គិភ័យ និងក្រុមជួយសង្គ្រោះ កំពុងត្រូវបានបញ្ជូនទៅកាន់កន្លែងកើតហេតុ ដើម្បីធ្វើការពន្លត់ភ្លើង និងស្វែងរកអ្នកដែលនៅរស់។
មកទល់ពេលនេះ ស្ថានភាពសមាជិកលើយន្តហោះទាំង៤នាក់នៅមិនទាន់បញ្ជាក់ថាស្លាប់ឬក៏នៅរស់នៅឡើយទេ។ យ៉ាងណាមិញ អាជ្ញាធរបានរាយការណ៍ថា ពុំមានជនស៊ីវិលណាម្នាក់រងរបួសដោយសារការធ្លាក់យន្តហោះនោះឡើយ។
P-3C Orion គឺជាយន្តហោះល្បាតដែនសមុទ្រ ដែលប្រើប្រាស់សម្រាប់សង្គ្រាមប្រឆាំងនាវាមុជទឹក បេសកកម្មឈ្លបយកការណ៍ និងបេសកកម្មឃ្លាំមើល។ ឧបទ្ទវហេតុនេះ កើតឡើងបន្ទាប់ពីឧបទ្ទវហេតុអាកាសចរណ៍ជាបន្តបន្ទាប់នៅក្នុងប្រទេសកូរ៉េខាងត្បូង រួមទាំងការធ្លាក់យន្តហោះដឹកអ្នកដំណើរ Jeju Air ក្នុងខែធ្នូឆ្នាំ២០២៤ ដែលបណ្តាលឲ្យមនុស្ស១៧៩នាក់បាត់បង់ជីវិត៕
ដោយ៖ ឈាង
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ