កីឡា
ក្រោយឈ្នះពានទី៦ ទីបំផុត អ៊ុំ វិចិត្រ បានសម្រេចក្តីស្រមៃធំក្នុងអាជីពជាអ្នកចាំទី
អ្នកចាំទីជម្រើសជាតិកម្ពុជា និងក្លិបភ្នំពេញក្រោន អ៊ុំ វិចិត្រ បានសម្រេចក្តីស្រមៃធំរបស់ខ្លួនក្នុងនាមជាអ្នកចាំទីហើយ បន្ទាប់ពីចាប់ផ្តើមអាជីពមួយនេះតាំងពីឆ្នាំ២០០៨។
អ្នកចាំទី អ៊ុំ វិចិត្រ ដែលជាយុវជនរបស់ក្លិបបាល់ទាត់ក្រសួងការពារជាតិ បានជួយក្លិបក្រសួងការពារជាតិ ឈ្នះពានរង្វាន់សម្តេចតេជោ ហ៊ុន សែន ២លើក គឺឆ្នាំ២០១០ និង២០១៦ ប៉ុន្តែក្រោយមកក៏បានរបួស។ ចុងឆ្នាំ២០១៧ រូបគេបានវិលត្រឡប់ចូលទីលានវិញ ដោយបានលេងពេញចន្លោះឆ្នាំ២០១៨ និង២០១៩ ជាពេលដែលប្អូនប្រុសបង្កើតរបស់ខ្លួនគឺអ្នកចាំទី អ៊ុំ សេរីរ័ត្ន បានរបួសម្តង។ ឆ្នាំ២០២០ រូបគេចូលរួមជាមួយក្លិបភ្នំពេញក្រោនជាកន្លែងដែលរូបគេបានឈ្នះជើងឯកលីគកំពូលកម្ពុជាជាលើកដំបូងនៅឆ្នាំ២០២១។
នៅឆ្នាំ២០២២ អ៊ុំ វិចិត្រ បានវិលត្រឡប់ទៅក្រសួងការពារជាតិវិញ និងបានត្រឡប់ទៅភ្នំពេញក្រោនជាថ្មីនៅឆ្នាំ២០២៣ ជាពេលដែលរូបគេបានឈ្នះពាន២ទៀតគឺ ខេមបូឌានលីគខាប់ និង ខេមបូឌានស៊ុបភើខាប់។
ទោះបីជាយ៉ាងណា ការឈ្នះជើងឯក៥លើកខាងលើ រូបគេមិនបានឈ្នះពានឯកត្តជនក្នុងនាមជាអ្នកចាំទីឆ្នើមឡើយ។ កាលពីខែកុម្ភៈ ឆ្នាំ២០២៤ អ៊ុំ វិចិត្រ បានប្រាប់សារព័ត៌មាន «កម្ពុជាថ្មី» ក្នុងបទសម្ភាសមួយថា រូបគេនៅមានក្តីស្រមៃធំមួយក្នុងនាមជាអ្នកចាំទីនោះគឺ ពានស្រោមដៃមាស។
ពេលនោះកីឡាករនិយាយថា ៖«ក្តីស្រមៃមួយដ៏ធំគឺចង់ឈ្នះពានស្រោមដៃមាសជាអ្នកចាំទីល្អ។ រហូតដល់ឥឡូវនេះ ខ្ញុំមិនទាន់ធ្លាប់ឈ្នះពានជាអ្នកចាំទីល្អឡើយ។ ខ្ញុំចង់ឈ្នះពាននេះ ពីព្រោះលេងជាអ្នកចាំទី យើងគួរស្គាល់រសជាតិពាននេះយ៉ាងហោចណាស់ឲ្យបានម្តង»។
ទីបំផុតក្តីស្រមៃនេះបានកើតមានឡើងនៅពេលរូបគេបានជួយក្លិបភ្នំពេញក្រោន ឈ្នះពានសម្តេចអគ្គមហាសេនាបតីតេជោ ហ៊ុន សែន លើកទី១៨ រដូវកាល២០២៤-២៥ បន្ទាប់ពីរូបគេធ្វើបានយ៉ាងល្អក្នុងការជួយក្លិបឈ្នះ ព្រះខ័នរាជស្វាយរៀង ដោយលទ្ធផល ២-១ ក្នុងវគ្គផ្តាច់ព្រ័ត្រ កាលពីថ្ងៃទី២៥ ខែឧសភា ឆ្នាំ២០២៥។
មិនត្រឹមតែសម្រេចបានក្តីស្រមៃធំរបស់ខ្លួនប៉ុណ្ណោះទេ ប៉ុន្តែរូបគេត្រូវបានកោះហៅចូលរួមក្នុងក្រុមជម្រើសជាតិកម្ពុជាដើម្បីប្រកួតមិត្តភាពអន្តរជាតិជាមួយ តាហ្ស៊ីគីស្ថាន នៅថ្ងៃទី៥ ខែមិថុនា ថែមទៀតផង។
រដូវកាល២០២៤-២៥កន្លងទៅនេះ អ៊ុំ វិចិត្រ មិនសូវបានបង្ហាញខ្លួនច្រើនទេ ប៉ុន្តែរាល់ការបង្ហាញខ្លួនគឺតែងតែទទួលបានជ័យជម្នះ។ រូបគេបានបង្ហាញខ្លួនលើទីលានតែ៦ប្រកួតប៉ុណ្ណោះ ប៉ុន្តែឈ្នះទាំងអស់ និងជួយ Assist ឲ្យមិត្តរួមក្រុមស៊ុតចូលបាន១គ្រាប់ថែមទៀត៕
សមិទ្ធផល
- ពាន សម្តេចតេជោ ហ៊ុន សែន ឆ្នាំ២០១០ នៅក្រសួងការពារជាតិ
- ពាន សម្តេចតេជោ ហ៊ុន សែន ឆ្នាំ២០១៦ នៅក្រសួងការពារជាតិ
- ពាន សម្តេចតេជោ ហ៊ុន សែន ឆ្នាំ២០២៤-២៥ នៅភ្នំពេញក្រោន
- ពាន លីគកំពូលកម្ពុជា ឆ្នាំ២០២១ នៅភ្នំពេញក្រោន
- ពាន ខេមបូឌានលីគខាប់ ឆ្នាំ២០២៣ នៅភ្នំពេញក្រោន
- ពាន ខេមបូឌានស៊ុបភើខាប់ ឆ្នាំ២០២៣ នៅភ្នំពេញក្រោន
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៦ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
សន្តិសុខសង្គម១ សប្តាហ៍ agoបុរសម្នាក់ត្រូវផ្ទាំថ្មបាក់សង្កត់ស្លាប់ ក្រោយព្យាយាមចុះរណ្ដៅរុករករ៉ែមាស
-
កីឡា៤ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង