Man United ប្រាប់ពីតម្លៃដាក់លក់ Rashford បើ Barcelona ចង់ទិញផ្តាច់រដូវកាលក្រោយ

ក្លិបបិសាចក្រហម Manchester United បានប្រាប់ទៅ Barcelona អំពីតម្លៃដាក់លក់ខ្សែប្រយុទ្ធស្លាប Marcus Rashford នៅរដូវកាលក្រោយ ២០២៥-២០២៦។

នៅរដូវកាលនេះ Rashford ត្រូវបានគេរាយការណ៍ អំពីការផ្ទេរយ៉ាងភ្ញាក់ផ្អើល ដោយរូបគេបានសម្រេចកិច្ចព្រមព្រៀង ផ្លាស់ទៅកាន់ក្លិបអ្នកមានបុណ្យ FC Barcelona ក្នុងលក្ខខណ្ឌខ្ចីជើងមួយរដូវកាល អមជាមួយជម្រើសទិញផ្តាច់។ កីឡាករសញ្ជាតិ អង់គ្លេស វ័យ ២៧ ឆ្នាំ បានជោគជ័យក្នុងការពិនិត្យសុខភាពជាមួយក្លិបយក្ស អេស្ប៉ាញ ហើយ គ្រប់យ៉ាងរង់ចាំតែការចុះកិច្ចសន្យាចុងក្រោយ និងប្រកាសផ្លូវការប៉ុណ្ណោះ។

ដកស្រង់ប្រភពចេញពី BBC បានឱ្យដឹងថា Barcelona នៅតែមានបញ្ហាក្នុងការចុះឈ្មោះកីឡាករថ្មី ដោយ​សារ​តែវិបត្តិហិរញ្ញវត្ថុ ប៉ុន្តែក្លិបក៏មានឆន្ទៈចង់បាន Rashford ជាអចិន្ត្រៃយ៍នៅរដូវកាលក្រោយផងដែរ ប្រសិនបើគេបង្ហាញសមត្ថភាពល្អ តាមអ្វីដែលក្លិបចង់បាន។

យ៉ាងណា Man United ក៏មិនចង់ទុកខ្សែប្រយុទ្ធសញ្ជាតិ អង់គ្លេស រូបនេះទៀតដែរ ដោយក្លិបនឹងដាក់លក់រូបគេក្នុងតម្លៃ ៤១ លានដុល្លារអាមេរិក ប្រសិនបើ Barcelona ចង់ទិញផ្តាច់នៅរដូវកាលក្រោយ ២០២៥-២០២៦។

ប្រែសម្រួល៖ សេម កុសល
ប្រភព៖ Metro