ព័ត៍មានទាន់​ហេតុការណ៏
Search

OPPO F9​ ទូរស័ព្ទ​ត្រកូល F ជើង​ខ្លាំង​ថ្មី​មួយ​ទៀត​ ត្រៀម​កក្រើក​ទីផ្សារ​អាស៊ី

បន្ទាប់ពី​ទទួល​ បាន​ភាព​ជោគជ័យ​ខ្លាំង​លើ​ទីផ្សារ​អាស៊ី តាមរយៈ​ទូរស័ព្ទ​ត្រកូល​ F ​មាន​ដូចជា F5 និង F7 ក្រុមហ៊ុន OPPO បាន​ចេញ​ត្រកូល​ F មួយ​ថ្មី​ទៀត ផ្ដល់​មុខងារ និង​បច្ចេកវិទ្យា​អស្ចារ្យ​ ដែល​មិន​ធ្លាប់​មាន​ក្នុង​ត្រកូល F ពីមុន​ឡើយ។ ម៉ូ​ដែល​ថ្មី​នេះ​មាន​ឈ្មោះថា OPPO F9។

ថ្មីៗ​នេះ OPPO F9 ទើបតែ​ប្រកាស​លក់​ជា​ផ្លូវការ​នៅ​ឥណ្ឌា​។ ជំហាន​បន្ទាប់​នៅ​ប្រទេស​វៀតណាម​ថ្ងៃទី ១៥ ខែសីហា បន្ទាប់មក​ឥណ្ឌូណេស៊ី និង​ម៉ាឡេស៊ី ក្នុង​ខែ​ដដែល​នេះ។ ការ​លេច​មុខជា​ផ្លូវការ OPPO F9​នៅ​ប្រទេស​ឥណ្ឌា OPPO បាន​ប្រើ​ប្រយោគ​ដ៏​ខ្លី​មួយ​ថា « សាក​ថ្ម ៥ នាទី និយាយ​បាន​២ ម៉ោង» នេះ​ជា​ចំណុច​ពិសេស​មួយ ដែល​ទូរស័ព្ទ​ឆ្លាត​វៃ​ដទៃទៀត មិន​ដែល​មានមុខ​ងារ​បែបនេះ​ឡើយ​។

គ្រាន់តែ​មុខងារ​សាក​ថ្ម​បាន​លឿន​នេះ មិនទាន់​ចប់​នៅឡើយ​ទេ ក្រៅពី​ទំហំ​ផ្ទុក​ទិន្នន័យ​បាន​ដល់ 128 GB OPPO F9 បាន​បំពាក់​បំពាក់​កាមេរ៉ា​ភ្លោះ ​នៅ​ខ្នង​ក្រោយ​អម​គ្រាប់ LED Flash នៅ​ចំហៀង ខណៈ​ទំហំ​កាមេរ៉ា​មុខ 25MP HDR និង​មុខងារ AI-Powered ដូចដែល​អតិថិជន​ធ្លាប់​បានដឹង​ត្រកូល F-series របស់ Oppo មាន​ចំណុចខ្លាំង​បំផុត​ត្រង់​មុខងារ Selfie នេះឯង​។​

ស្ថិតក្នុង​សមត្ថភាព RAM 6GB បូកផ្សំ​ជាមួយនឹង​បចេ្ច​កវិទ្យា AI-Powered កាមេរ៉ា​មុខ 25MP OPPO F9 អាច​ស្កេ​ន​មុខ​របស់​ម្ចាស់​ទូរ​សព្ទ​ជាច្រើន​ចំណុច​ហើយ​អាច Unlock បាន​យ៉ាង​រហ័ស​បំផុត។

ភាព​ភ្ញាក់ផ្អើល​មួយទៀត តាមរយៈ Oppo Malaysia បាន​បង្ហោះ​ផ្ទាំង​រូបភាព​មួយ​សន្លឹក ឲ្យ​ឈ្មោះ Oppo F9 បង្ហាញ​រូបរាង​ស្នាម​ឆក​អេក្រង់​តូច​ជាង​មុន មាន​មុខងារ​ការពារ​ទឹក​ស្តង់ដារ IP67 ពោល​ជា​លើកទីមួយ​មិន​ធ្លាប់​មាន​លើ​ត្រកូល F កន្លងមក។

យ៉ាងណាក៏ដោយ តម្លៃ OPPO F9 មិនទាន់​ចេញ​ថ្ងៃ​ប្រកាស​លក់ និង​តម្លៃ​ទីផ្សារ​ជា​ផ្លូវការ​នៅ​ប្រទេស​កម្ពុជា​នោះ​ឡើយ​ទេ​។ រង់ចាំ​តាមដាន​ទាំងអស់គ្នា តើ​ម៉ូ​ដែល F9 មួយ​នេះ​នឹង​មាន​អ្វី​ប្លែក​ជាង​នេះ សម្រាប់​ការប្រកាស​លក់​ជា​ផ្លូវការ​នៅ​កម្ពុជា។ កុំ​ភ្លេច​តាមដាន​ទាំងអស់គ្នា​ណា៎!៕



TAG

ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114