ព័ត៍មានទាន់​ហេតុការណ៏
Search

ក្រុមហ៊ុន​PTC សហការ​ជាមួយ​ក្រុមហ៊ុន Lenovo ប្រកាស​បើក​បង្ហាញ​បច្ចេកវិទ្យា​ទំនើប​ជំនាន់​ថ្មី

ភ្នំពេញ ​៖ ​ក្នុង​គោលបំណង​ដើម្បី​បង្ហាញ​នូវ​សក្ដានុពល​ ​ក៏ដូចជា​បច្ចេកវិទ្យា​ទំនើប​ជំនាន់​ថ្មី​ចុងក្រោយ​បំផុត​សម្រាប់​ការ​ផ្គត់ផ្គង់​ស្របតាម​តម្រូវ​ការ​របស់​អតិថិជន​គ្រប់ទិសទី​ ទាំង​ស្ថាប័នរដ្ឋ ក្រុមហ៊ុន​ឯកជន ស្ថានទូត អង្គការ អ្នកទិញ​លក់​បន្ត និង អតិថិជន​ប្រើប្រាស់​តាម​ផ្ទះ​នោះ​ ក្រុមហ៊ុន​PTC​កុំព្យូទ័រ​​បាន​សហការ​ជាមួយ​ក្រុមហ៊ុន Lenovo​រៀបចំ​សិក្ខា​សិលា​ស្តីអំពី “Transforming the Future Workspace”​បង្ហាញ​ដល់​អតិថិជន​របស់ខ្លួន។

ចំពោះ​សិក្ខា​សិលា​ស្តីអំពី “Transforming the Future Workspace” ​ដែល​រៀបចំ​ធ្វើឡើង​កាលពី​ថ្ងៃទី​១០​ខែសីហា ​ឆ្នាំ​២០១៨​ នា​សណ្ឋាគារ​ភ្នំពេញ​នេះ ​គឺ​មាន​ការ​អញ្ជើញ​ចូលរួម​ពី​សំណាក់​ភ្ញៀវកិត្តិយស​និង​អតិថិជន​គាំទ្រ​ជាច្រើន​មកពី​គ្រប់​បណ្តា​ក្រុមហ៊ុន​និង​ស្ថាប័នរដ្ឋ​ឬ​ឯកជន​នានា​ជាដើម។

លោកស្រី តាំង វួ​ច​ឡាយ អគ្គនាយិការ​រង​ក្រុមហ៊ុន​ភី​ធី​ស៊ី​កុំព្យូទ័រ​ខូ​អិ​ល​ធី​ឌី​បាន​ឲ្យ​ដឹង​ថា​ ការរៀបចំ​អង្គ​សិក្ខាសាលា​នេះ​ឡើង ​ក្នុង​គោលបំណង​សំខាន់​ដើម្បី ផ្តល់​នូវ​ចំណេះដឹង​ផ្នែក​ព័ត៌មានវិទ្យា​របៀប​ប្រើប្រាស់ ​និង​គុណ​តម្លៃ​របស់​ផលិតផល​ថ្មី​Lenovo Commercial ដែល​ជា​បច្ចេកវិទ្យា​ជំនាន់​ថ្មី​ចុងក្រោយ​របស់​ក្រុមហ៊ុន Lenovo ដែល​មាន​គុណភាព​ខ្ពស់ និង​មាន​សមត្ថភាព​នឹកស្មាន​មិន​ដល់​ដែល​កំពុង​ចរាចរណ៍​លើ​ទីផ្សារ​នៅក្នុង​ប្រទេស​កម្ពុជា។

ជាមួយគ្នានេះ​បើតាម​ការលើកឡើង​រប​ស់​លោក​Joe Ng Cho Fatt ប្រធាន​ផ្នែក​លក់​ផលិតផល Lenovo SMB​ប្រចាំ​ប្រទេស​តំបន់​កណ្តាល​អាស៊ី​ប៉ា​ស៊ី​ភិ​ច​បាន​ឲ្យ​ដឹងថា​ តាម​ការសង្កេត​ឃើញ​ពី​ទីផ្សារ​ផ្នែក​កុំព្យូទ័រ​នៅ​កម្ពុជា​បច្ចុប្បន្ន​កំពុង​មាន​សក្តានុពល​ខ្លាំង​ក្នុង​ស្រទាប់​យុវជន​កម្ពុជា​ហេតុ​នេះ​ហើយ ទើប​Lenovo ចាប់ដៃ​គូ​ជាមួយ​ក្រុមហ៊ុន​ភី ធី ស៊ី កុំព្យូទ័រ​ដើម្បី​សហការគ្នា​បំពេញតម្រូវការ​ផ្នែក​នេះ​ដល់​អតិថិជន​នៅ​កម្ពុជា។

សូម​បញ្ជាក់​ដែរ​ថា ​ក្រុមហ៊ុន ភី ធី ស៊ី គឺជា​ក្រុមហ៊ុន​ធំជាងគេ​បំផុត ក្នុងការ​ផ្គត់ផ្គង់​សម្ភារៈ​បច្ចេកវិទ្យា ព័ត៌មានវិទ្យា និង​សេវាកម្ម បច្ចេកវិទ្យា​ព័ត៌មានវិទ្យា​ចាប់តាំងពី​ឆ្នាំ ១៩៩៦ មក​ម្ល៉េះ។ជាង​នេះទៅទៀត​ក្រុមហ៊ុន ភី ធី ស៊ី កុំព្យូទ័រ ខូ​អិ​ល​ធី​ឌី​ក៏​ជា​ក្រុមហ៊ុន​ទទួលបាន​សិទ្ធិ​ចែកចាយ​ផលិតផល​ម៉ាក Lenovo គ្រប់​ម៉ូ​ឌែ​ល​ទាំងអស់​និង​ផ្តល់​សេវាកម្ម​ជួសជុល ក្នុងប្រទេស​កម្ពុជា​។​

ក្រុមហ៊ុន​ភី ធី ស៊ី កុំព្យូទ័រ មាន​សាខា​ចំនួន​៥​កន្លែង​គឺ ទីតាំង​ទី​១-​ស្ថិតនៅ​ស្នាក់ការ​ការិយាល័យ​កណ្តា​ល អគារ​កាច់ជ្រុង ទល់មុខ​ផ្សារ​ទំនើប​សូរិយា ។​ ទីតាំង​ទី​២-​សាខា​មហាវិថី​ព្រះមុនីវង្ស ។​ទីតាំង​ទី​៣-​សាខា​ខាងជើង​ផ្សារ​ធំថ្មី ។​ទីតាំង​ទី​៤- សាខា​ខេត្តបាត់ដំបង​និង​ទី​តាំងទី​៥-​សាខា​ខេត្តសៀមរាប​៕



TAG