កីឡា

លោក ជាម អាដាំ និយាយពីបច្ចេកទេសវាយដៃ និងការប្រើកណ្ដាប់ដៃរបស់ ពេជ្រ សម្បត្តិ

បានផុស

១២ ខែ មុន

នៅ

ថ្ងៃពុធ ៣០ កក្កដា ២០២៥

ដោយ

អតីតល្បីឈ្មោះ និងឈ្នះខ្សែក្រវាត់ពានរង្វាន់ជាច្រើនគ្រឿង លោក ជាម អាដាំ ថាជំនាន់លោកក៏មិនជាអ្នកវាយដៃល្អណាស់ណាទេ ប៉ុន្តែគ្រាន់តែលោកចូលចិត្តការវាយខ្លីអាចការពារខ្លួនបានលឿន និងមិនសូវមានគ្រោះថ្នាក់ក្នុងពេលប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជាម អាដាំ

ម្ចាស់ខ្សែក្រវាត់ K Cement លោក ជាម អាដាំ បានឲ្យដឹងថា ឥលូវនេះមានអ្នកវាយដៃល្អៗច្រើន និងល្អជាងលោកវាយផងជាក់ស្ដែងដូចកីឡាករ ពេជ្រ សម្បត្តិ ជាដើម។ ជំនាន់កាលលោកប្រកួតពេលនោះគឺលោកចូលចិត្តវាយដៃខ្លី និងវាយតែពីខាងក្នុងនោះទេ។

លោក ជាម អាដាំ

ជើងខ្លាំងជំនាន់ CTN ខាងលើនេះបន្ថែមទៀតថា ការដែលលោកវាយដៃខ្លីបែបនេះទី១ អាចដកមកការពារវិញបានលឿន ព្រោះដៃដែលវាយទៅគេមិនអស់។ ទី២ ការវាយពីខាងក្នុងដូចលោកគឺច្បាស់ ត្រូវលើដៃគូច្រើន និងអាចការពារមុខខ្លួនឯងទៀតនៅពេលដៃគូវាយបកពីក្រៅមកមិនចូលដល់ថ្គាម។

លោក ជាម អាដាំ

គ្រូជំនួយក្លឹបនាគនាំសំណាងនារាយណ៍តេជៈឲ្យដឹងទៀតថា ចំពោះកីឡាករ ពេជ្រ សម្បត្តិ កណ្ដាប់ដៃល្អ និងអាចចេញបានគ្រប់ទម្រង់វាយដៃនេះមិនថា ខាវឆ្វេង-ស្ដាំ វាយត្រង់ វាយក្រោះសេ វាយខ្លី វាយវែងគឺវាយបានទាំងអស់។ ចំណុចល្អមួយទៀតនោះគឺវាយចេញបានច្រើន ដូច្នេះហើយអ្នកដែលប៉ះរូបគេគឺពិបាកវាយជាមួយណាស់ និងវាយមិនសូវទាន់ សម្បត្តិ នោះឡើយ។

កីឡាករ ពេជ្រ សម្បត្តិ

បញ្ជាក់ដែរថា លោក ជាម អាដាំ ជាអតីតអ្នកប្រដាល់ល្បីឈ្មោះមួយរូបនៅជំនាន់លោក ម៉ា សេរី ឯស្ថានីយរទស្សន៍ CTN។ លោកបានចាកចេញពីវិស័យប្រដាល់នេះប្រហែលជាង ១០ឆ្នាំមកហើយ។ បច្ចុប្បន្នលោកជាគ្រូជំនួយនៅក្លឹបនាគនាំសំណាងនារាយណ៍តេជៈ របស់លោក ឡុង សវណ្ណឌឿន៕