លោក សុះ ម៉ាច ត្រៀមនិពន្ធបទចម្រៀងពាក់ព័ន្ធចោរសៀមឈ្លានពានប្លន់ទឹកដី ទុកជាសារដល់កូនខ្មែរគ្រប់ជំនាន់

តារាចម្រៀងជើងចាស់ល្បីល្បាញលោក សុះ ម៉ាច បានបញ្ជាក់ឲ្យដឹងថាលោកកំពុងតែងនិពន្ធចម្រៀង១បទនិងច្រៀងដោយរូបលោកផ្ទាល់ពាក់ព័ន្ធទង្វើ និងប្រវត្តិសាស្ត្រដ៏អាកក្រក់សៀមដែលតែងប្លន់ចង់បានទឹកដីកម្ពុជា សម្រាប់ទុកជាសារដល់កូនខ្មែរគ្រប់ជំនាន់ផងដែរ។

លោក សុះ ម៉ាច បានរៀបរាប់ឲ្យដឹងថាសូមប្រាប់ទៅចោរសៀមឈ្លានពានថា តារាចម្រៀងខ្មែរម្នាក់គឺនេះឈ្មោះ សុះ ម៉ាច (sos mach singer star) មានតួនាទីការពារសម្បត្តិវប្បធម៌ និងបូរណភាពដីខ្មែរ។ បើសុំទិដ្ឋាការ( Visa) ចូលដីសៀមកុំឲ្យអីព្រោះលោកក៏គ្មានបំណងជាន់ដីអ្នកទៀតដែរ ដរាបណាអ្នកមិនប ញ្ឈប់ម ហិច្ឆតាឈ្លានពានដីខ្មែរតទៅទៀត។

តារាចម្រៀងលោក សុះ ម៉ាច បានសង្កត់ធ្ងន់ថា “ពីមុន ខ្ញុំជាន់ដី អ្នកគ្រាន់តែចង់ទៅឃើញដីខ្មែរដែលអ្នកប្លន់ និងគិតថាអ្នកជាអ្នកជិតខាងរបស់ខ្ញុំតែប៉ុណ្ណោះ ខ្ញុំក៏បាននិពន្ធចម្រៀង១បទ និងច្រៀងដើម្បីជាកាដូឲ្យអ្នកឯង និងសម្រាប់ទុកជាសារដល់កូនខ្មែរគ្រប់ជំនាន់”។

លោក សុះ ម៉ាចបន្ថែមថា “ខ្ញុំសូមទោសផងដល់ជនជាតិថៃ ដែលល្អមិនគាំទ្រទង្វើរដ៏អាក្រក់របស់រដ្ឋាភិបាលខ្លួន ខ្ញុំគ្មានចេតនារើសអើងឡើយ គឺខាងអ្នកបង្ខំខ្ញុំឲ្យធ្វើដូច្នេះ។ បន្ទាប់មានការផ្ទុះអាវុធដែលបង្កឡើងដោយទាហារសៀមបាញ់មកលើកម្ពុជាមុន ហើយប្រទេសកម្ពុជាប្រើសិទ្ធិដោយស្របច្បាប់ក្នុងការការពារខ្លួនឯង និងការពារអធិបតេយ្យភាព និងអធិបតេយ្យនៃទឹកដីជាតិរបស់ខ្លួន គឺមានប្រជាជនទូទាំងប្រទេសព្រមនឹងអ្នកសិល្ប:ខ្មែរចេញមកថ្កោលទោសអំពើអាក្រក់ឈ្លានពានរបស់សៀម”៕ ចាន់រ៉ា