ព័ត៌មានអន្ដរជាតិ
ឥណ្ឌានឹងបន្តទិញប្រេងថោកៗពីរុស្ស៊ី ទោះ ត្រាំ គំរាម
ប្រភពពីរដ្ឋាភិបាលឥណ្ឌា ២ រូប បានប្រាប់ទីភ្នាក់ងារសារព័ត៌មានរ៉យទ័រជាអនាមិក ថា ប្រទេសឥណ្ឌានឹងបន្តទិញប្រេងរុស្ស៊ី ទោះបីជាមានការគំរាមដាក់ទោសទណ្ឌពីប្រធានាធិបតីអាមេរិក លោក ដូណាល់ ត្រាំ ក៏ដោយ។
ការប្រកាន់ជំហរយ៉ាងដូច្នេះ ធ្វើឡើងក្រោយលោក ត្រាំ ប្រកាសពន្ធ ២៥ ភាគរយ លើឥណ្ឌា ដែលជាអត្រាខ្ពស់មួយក្នុងចំណោមប្រទេសដៃគូពាណិជ្ជកម្មរបស់សហរដ្ឋអាមេរិក។ បន្ថែមពីលើពន្ធ លោក ត្រាំ ថាលោកនឹងដាក់ទោសទណ្ឌឥណ្ឌា ចំពោះការទិញអាវុធ និងប្រេងរុស្ស៊ី។ ហើយកាលពីថ្ងៃសុក្រ លោក ត្រាំ បានប្រាប់អ្នកកាសែត លោក «ឮថា» ឥណ្ឌានឹងឈប់ទិញប្រេងរុស្ស៊ីទៀតហើយ។
យ៉ាងណាមិញ ប្រភពម្នាក់បានប្រាប់រ៉យទ័រ យ៉ាងដូច្នេះថា៖ «ទាំងនេះគឺជាកិច្ចសន្យាប្រេងរយៈពេលវែង។ វាមិនអាចឈប់ទិញប្រេងមួយយប់ភ្លាមៗសាមញ្ញៗទេ»។
ដោយប្រកាន់ជំហរត្រឹមត្រូវលើការទិញប្រេងរុស្ស៊ី ប្រភពពីមន្រ្តីឥណ្ឌាម្នាក់ទៀតបាននិយាយថា ការនាំចូលនាំប្រេងពីរុស្ស៊ីរបស់ឥណ្ឌា បានជួញបញ្ចៀសកំណើនតម្លៃប្រេងសកល ទោះបីជាលោកខាងលិចដាក់ទណ្ឌកម្មរុស្ស៊ីក្ដី។ ប្រភពបាននិយាយថា មិនដូចប្រេងអ៊ីរ៉ង់ និងវ៉េណេស៊ុយអេឡា ប្រេងឆៅរបស់រុស្ស៊ីមិនស្ថិតនៅក្រោមការដាក់ទណ្ឌកម្មដោយផ្ទាល់ទេ ហើយឥណ្ឌាកំពុងទិញវាក្រោមតម្លៃទីផ្សារបច្ចុប្បន្ន ដែលកំណត់ដោយសហភាពអឺរ៉ុប (EU)។
ជុំវិញបញ្ហានេះ កាសែតញូវយ៉កថែមស៍ ក៏បានដកស្រង់សម្តីមន្ត្រីជាន់ខ្ពស់ឥណ្ឌា ២ នាក់ជាអនាមិកផងដែរ ដែលពួកគេបាននិយាយថា រដ្ឋាភិបាលឥណ្ឌាមិនផ្លាស់ប្ដូរគោលនយោបាយណា ដោយសារការគំរាមកំហែងរបស់ ត្រាំ នោះទេ។
ឥណ្ឌាមិនប្រតិកម្មជាផ្លូវការលើផែនការប្រេងរបស់ខ្លួនទេ ប៉ុន្តែអ្នកនាំពាក្យរដ្ឋាភិបាលបាននិយាយកាលពីថ្ងៃសុក្រថា ឥណ្ឌាមានភាពជាដៃគូប្រកបដោយស្ថិរភាពជាមួយរុស្ស៊ី។
គួរគូសបញ្ជាក់ថា តាំងពីចូលកាន់តំណែងមក លោក ត្រាំ បានអះអាងពីអាទិភាពនៃការបញ្ចប់សង្រ្គាមឈ្លានពានអ៊ុយក្រែនរបស់រុស្ស៊ី ហើយថ្មីៗនេះ បានបង្ហាញការខកចិត្តកាន់តែខ្លាំងឡើងជាមួយនឹងលោក ពូទីន។ លោកបានគំរាមយកពន្ធ ១០០ ភាគរយ លើប្រទេសដែលទិញប្រេងពីរុស្ស៊ី លុះត្រាតែរុស្ស៊ីយល់ព្រមចំពោះកិច្ចព្រមព្រៀងសន្តិភាពបញ្ចប់សង្រ្គាមនៅអ៊ុយក្រែន។ បច្ចុប្បន្នរុស្ស៊ីផ្គត់ផ្គង់ប្រហែល ៣៥ ភាគរយ នៃការនាំចូលប្រេងសរុបរបស់ឥណ្ឌា។ ឥណ្ឌាបាននាំចូលប្រេងរុស្ស៊ីប្រមាណ ១,៧៥ លានបារ៉ែល/ថ្ងៃពីខែមករាដល់ខែមិថុនាឆ្នាំនេះ ដោយកើនឡើង ១ ភាគរយ ធៀបនឹងរយៈពេលដូចគ្នាឆ្នាំមុន៕
-
ព័ត៌មានអន្ដរជាតិ៣ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៥ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៣ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៤ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ២ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ២ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា៤ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ៥ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់