តារា​សម្ដែង Song Young Kyu ទទួលមរណភាព ក្នុងវ័យ ៥៥ ឆ្នាំ

តារាសម្តែង Song Young-kyu ដែលដើរតួជាវេជ្ជបណ្ឌិតផ្នែកកោសល្យវិច័យ Ma Do-nam ក្នុងរឿងភាគដ៏ល្បី «Partner for justice» និង តួ Choi Ban-jang នៅក្នុងខ្សែភាពយន្ត «Extreme Job» ត្រូវគេប្រទះឃើញស្លាប់ក្នុងវ័យ៥៥ឆ្នាំ ដែលនាពេលនេះកំពុងស្ថិតនៅក្រោមការស៊ើបអង្កេតរបស់ប៉ូលិស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ MBN នៅថ្ងៃទី ៤ ខែ សីហា ឆ្នាំ ២០២៥ បានឲ្យដឹងថា Song Young-gyu ត្រូវគេគេរកឃើញថា បានដួលសន្លប់នៅក្នុងរថយន្តក្បែរផ្ទះមួយក្នុង Yongin ខេត្ត Gyeonggi ប្រទេសកូរ៉េខាងត្បូង នៅម៉ោងប្រហែល ៨ព្រឹក។ តារា​សម្ដែង​ប្រុសរូបនេះ ក៏​បាន​បង្ក​ឲ្យ​មាន​ភាព​ចម្រូងចម្រាស​ មុន​ពេល​ត្រូវ​បាន​គេ​បង្ហាញ​ថា​លោក​ត្រូវ​គេ​ចាប់​បាន​ថា​បើកបរ​ក្រោម​ឥទ្ធិពល​កាល​ពី​ខែ​មិថុនា។

កាលពីថ្ងៃទី ១៩ ខែមិថុនា ម៉ោងប្រហែល ១១ យប់ តួប្រុសបានរងការចោទប្រកាន់ថា បានបើកឡានក្រោមឥទ្ធិពលប្រហែល ៥ គីឡូម៉ែត្រពី Giheung-gu ទៅ Cheoin-gu ក្នុង Yongin បន្ទាប់ពីផឹកស្រាជាមួយអ្នកស្គាល់គ្នា។ កម្រិតជាតិអាល់កុលក្នុងឈាមរបស់គាត់នៅពេលនោះ ត្រូវបានគេរាយការណ៍ថាលើសពី ០.០៨% ដែលជាហេតុផលសម្រាប់ការដកហូតអាជ្ញាប័ណ្ណ។ គាត់​ត្រូវ​បាន​បញ្ជូន​ទៅ​អយ្យការ​ដោយ​គ្មាន​ការ​ឃុំ​ខ្លួន។

ក្រោយ​កើត​ហេតុ Song Young Kyu បាន​ចាកចេញ​ពី​ការ​សម្ដែង​រឿង «Shakespeare in Love» ដែល​លោក​ធ្លាប់​សម្ដែង។ ក្រុមការងារផលិតរឿងភាគថ្ងៃចន្ទ ដល់ថ្ងៃអង្គារ របស់ ENA រឿង ‘The Defects’ ដែលគាត់បានថតចប់រួចរាល់ហើយនោះ បាននិយាយថា ពួកគេនឹងកែសម្រួលរូបរាងរបស់គាត់ឱ្យបានច្រើនតាមដែលអាចធ្វើទៅបាន។ ទោះជាយ៉ាងណាក៏ដោយ «The Winning Try» របស់ SBS បានពន្យល់ថា តួនាទីរបស់គាត់គឺតូចតាច ដែលធ្វើឲ្យវាពិបាកក្នុងការកែសម្រួលគាត់ភ្លាមៗ ។ គាត់បានបង្ហាញខ្លួនដោយមិនបានកែសម្រួលនៅក្នុងវគ្គទី ២៦ ខែកក្កដា៕

អត្ថបទ៖ សាង ស្រីល័ក្ខ

ចុចអាន៖Lee Min Ho និង Ahn Hyo Seop ត្រូគេរិះគន់ព្រាត ក្រោយប្រើឈ្មោះ Jisoo ដើម្បីឲ្យភាពយន្តល្បី