ថៃ ព្រមានពីការវាយប្រហារដោយព្យុះភ្លៀង ខ្យល់កន្ត្រាក់និងរន្ទះបាញ់ ទូទាំងប្រទេស

នាយកដ្ឋានឧតុនិយមថៃ បានចេញការព្រមានឲ្យពលរដ្ឋខ្លួនប្រយ័ត្នចំពោះព្យុះភ្លៀង ខ្យល់កន្ត្រាក់និងរន្ទះបាញ់ ដែលនឹងវាយប្រហារទូទាំងប្រទេសនៅចុងសប្តាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីប្រកាសនៅថ្ងៃព្រហស្បតិ៍ទី៧ខែសីហាឆ្នាំ២០២៥ នាយកដ្ឋានខាងលើបានឲ្យដឹងថា គ្រោះធម្មជាតិនេះនឹងចាប់វាយប្រហារពីថ្ងៃសុក្រទៅ ខណៈតំបន់ភាគខាងជើងនិងខាងត្បូង នឹងរងគ្រោះខ្លាំងជាងគេ។

មិនត្រឹមព្យុះភ្លៀង ខ្យល់កន្ត្រាក់និងរន្ទះបាញ់ទេ ថៃក៏ព្រមានអ្នកនេសាទឲ្យប្រយ័ត្នខ្លួនផងដែរ ពេលចេញទូក ព្រោះថារលកសមុទ្រអាចខ្ពស់ដល់ ២ម៉ែត្រឯណោះ។

មួយរយៈចុងក្រោយនេះ ឃើញថាប្រទេសថៃ ត្រូវជួបគ្រោះធម្មជាតិផ្ទួនៗ មានទាំងរញ្ជួយដី ទឹកជំនន់ផង បាក់ដី និងរលកកម្តៅផងដែរ។

សរុបសេចក្តីមក ប្រជាជនថៃ កំពុងរងទុក្ខដោយសារគ្រោះធម្មជាតិ បង្កការលំបាកដល់ជីវិតរស់នៅប្រចាំថ្ងៃ ស្របពេលដែលវិបត្តិសេដ្ឋកិច្ចនិងនយោបាយ ក៏កំពុងញាំញីប្រទេសផងដែរ៕

អត្ថបទ៖ សុខ សុវណ្ណ

ចុចអាន៖ ធម្មជាតិកំពុងវាយប្រហារថៃ មានទាំងរញ្ជួយដីផង ទឹកជំនន់ផង និងរលកកម្តៅផង