ជីវិតកម្សាន្ដ

ប្រទះឃើញតារាកូរ៉េម្នាកទៀត ដេកស្លាប់នៅក្នុងផ្ទះ

បានផុស

១១ ខែ មុន

នៅ

ថ្ងៃព្រហស្បតិ៍ ៧ សីហា ២០២៥

ដោយ

Lee Min (ឈ្មោះពិត Lee Min Young) សមាជិកក្រុម As One បានទទួលមរណភាពក្នុងអាយុ ៤៦ឆ្នាំ។ នាងត្រូវគេប្រទះឃើញដេកស្លាប់នៅក្នុងផ្ទះ កាលពីថ្ងៃទី ៥ ខែសីហា ហើយបច្ចុប្បន្ននេះ អាជ្ញាធរកំពុងស៊ើបអង្កេតជុំវិញករណីស្លាប់ភ្លាមៗដោយពុំដឹងមូលហេតុពិតប្រាកដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានោះដែរ អ្នកតំណាងមកពី BRANDNEW MUSIC បាននិយាយកាលពីថ្ងៃទី ៦ ខែសីហាថា ក្នុងពេលដែលប៉ូលិសកំពុងធ្វើការស៊ើបអង្កេតលើរឿហក្ដី ពួកគេបានស្នើឲ្យសាធារណជនចៀសវាងពីការរំពឹងទុកហួសហេតុរហូតដល់លទ្ធផលផ្លូវការត្រូវបានបង្ហាញឲ្យដឹង។

យោងតាមប្រភពនៅក្នុងឧស្សាហកម្មតន្ត្រី Lee Min នៅតែសកម្មរហូតដល់ថ្មីៗនេះ។ កាលពីខែមិថុនា នាងបានចេញបទចម្រៀងថ្មីដែលមានចំណងជើងថា «Happy Birthday» ហើយក៏បានបង្ហាញខ្លួននៅលើ «Park Bo Gum’s Cantabile» ផងដែរ។

មិត្តភ័ក្តិជិតស្និទ្ធបស់តារាចម្រៀងរូបនេះបានប្រាប់ថា «នាងពិតជាមនុស្សវិជ្ជមានមែន។ នាងទើបតែត្រលប់មកវិញ ហើយកំពុងតែរីករាយនឹងសកម្មភាពរបស់នាង។ ខ្ញុំនៅតែមិនអាចជឿបានថាវាគឺជាការពិតឡើយ»។

ជាងនេះ អ្នកស្គាល់គ្នាម្នាក់ទៀតបានបន្ថែមថា រូបគេទើបតែបានជួបនាងកាលពីសប្តាហ៍មុន។ នាងតែងតែស្មោះត្រង់ និងឧស្សាហ៍ព្យាយាម ដោយលេងភ្លេងទាំងការងារជាគ្រូបង្រៀន។

គួរជម្រាបជូនថា Lee Min បានបង្ហាញខ្លួនជាលើកដំបូងក្នុងឆ្នាំ ១៩៩៩ ក្នុងនាមជាផ្នែកមួយនៃក្រុម As One ដែលមានភាពល្បីល្បាញជាមួយនឹងបទចម្រៀងល្បីៗដូចជា «For You I Long and Resent», «Day by Day», «Don’t Be Silly» និង «Am I the One Who Should Apologize»ជាដើម៕