ព័ត៌មានអន្ដរជាតិ

វៀតណាមស្នើបង្កើតមជ្ឈមណ្ឌលថាមពលភាគខាងត្បូងប្រទេស ១៥ ប៊ីលានដុល្លារ

បានផុស

១០ ខែ មុន

នៅ

ថ្ងៃសៅរ៍ ៣០ សីហា ២០២៥

ដោយ

ក្រុមហ៊ុនថាមពលវៀតណាម Vietnam National Industry – Energy Group (PetroVietnam) បានស្នើផែនការបង្កើតមជ្ឈមណ្ឌលឧស្សាហកម្មថាមពលអេកូឡូស៊ីនៅក្រុង Can Tho ភាគខាងត្បូងនៃប្រទេស ក្រោមការវិនិយោគរហូតដល់ ១៥ ប៊ីលានដុល្លារ។ នេះបើតាមការចុះផ្សាយរបស់កាសែត Tuổi Trẻ កាលពីថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងនេះ ត្រូវបានដាក់បង្ហាញឡើងក្នុងសម័យប្រជុំការងារដឹកនាំដោយលោក Tran Van Lau ប្រធានគណៈកម្មាធិការប្រជាជនក្រុង Can Tho កាលពីថ្ងៃពុធ។ វានឹងរួមបញ្ចូលសេវាកម្មដឹកជញ្ជូន ថាមពលស្អាត ឧស្សាហកម្មបៃតង និងចង្កោមឧស្សាហកម្មកាបូនទាប។

ក្នុងដំណាក់កាលដំបូង គម្រោងមជ្ឈមណ្ឌលថាមពលដដែល រំពឹងថានឹងទាក់ទាញការវិនិយោគចំនួន ៤ ប៊ីលានដុល្លារ នៅឆ្នាំ ២០៣៥ ខណៈដំណាក់កាលទី២ ដែលដំណើរការរហូតដល់ឆ្នាំ ២០៥០ នឹងមានការវិនិយោគសរុបកើនឡើងដល់ ១៥ ប៊ីលានដុល្លារ។

យោងតាមក្រុមហ៊ុន Petrovietnam គម្រោងនេះអាចបង្កើតប្រាក់ចំណូលសរុបចំនួន ២,៣ ប៊ីលានដុល្លារ នៅឆ្នាំ ២០៣០ និង ៥,៦ ប៊ីលានដុល្លារ នៅឆ្នាំ ២០៥០។ វាក៏នឹងបង្កើតការងាររាប់ម៉ឺនកន្លែង និងគាំទ្រដល់ការរៀបចំរចនាសម្ព័ន្ធការងារក្នុងខេត្ត Can Tho និងតំបន់ដីសណ្ដទន្លេមេគង្គផងដែរ៕