ព្យុះ Mitag បង្កទឹកជំនន់យ៉ាងគំហុកក្នុងខេត្ត Loei ប្រទេសថៃ

យោងតាមការចេញផ្សាយរបស់សារព័ត៌មាន The Nation នៅថ្ងៃទី១៩ខែកញ្ញា ខេត្ត Loei ប្រទេសថៃបានប្រឈមមនឹងទឹកជំនន់យ៉ាងធ្ងន់ធ្ងរ ខណៈដែលព្យុះទីហ្វុង Mitag នាំមកនូវភ្លៀងធ្លាក់ខ្លាំងជាបន្តបន្ទាប់មកក្នុងតំបន់នេះ។

ទឹកជំនន់ភ្លាមៗយ៉ាងគំហុកនេះកើតឡើងបន្ទាប់ពីមានភ្លៀងធ្លាក់ជាបន្តបន្ទាប់ដោយសារឥទ្ធិពលព្យុះ និងផ្លូវខ្យល់មូសុងផ្លាស់ប្តូរ ធ្វើឲ្យប៉ះពាល់ដល់ភាគខាងជើង កណ្តាល និងភាគឦសានប្រទេសថៃ។ នៅក្នុងខេត្ត Loei មានការជន់លិចភ្លាមៗជាច្រើន ជាពិសេសស្រុក Phu Ruea ទឹក​ឡើង​ដល់ជិត​លិចរថយន្ត បង្ខំ​ឱ្យ​អ្នក​ស្រុក​ប្រើ​ត្រាក់ទ័រ​អូស​ទៅ​ទីទួល​សុវត្ថិភាព។ ក្រៅពីនេះ ផ្ទះប្រជាជលរដ្ឋ សាលារៀន ផ្លូវថ្នល់ ដីស្រែចំការបានរងការជនលិចនិងខូចខាតមួយចំនួនធំ។

នាយកដ្ឋាន​ឧតុនិយម​ថៃបាន​ចេញ​ការ​ព្រមានពីគ្រោ ទឹកជំនន់ និងបំំណាក់ដី ​ខណៈ​ព្យុះ ​Mitag នៅតែបន្ត​ធ្វើ​ឱ្យ​មាន​ភ្លៀង​ធ្លាក់​ខ្លាំង​នៅ​តំបន់​រង​ផល​ប៉ះពាល់។ គួរបញ្ជាក់ថាប្រទេសថៃក្នុងរដូវកាលនេះកំពុងប្រឈមនឹងទឺកជំនន់ ជាពិសេសខេត្តដែលក្រោមខ្សែទឹកទន្លេចៅប្រាយ៉ា ៕

អត្ថបទ៖ ប៊ុន សុភាព