ព័ត៍មានទាន់​ហេតុការណ៏
Search

តារា​សម្តែង នៅ ណា​វីន ត្រូវបាន​អភិបាលខណ្ឌ​ពោធិ៍​សែន​ជ័យ​ឧបត្ថម្ភ​៥០០​ដុល្លារ

ភ្នំពេញ ​៖ ​ដោយ​មើលឃើញ​ពី​ការខ្វះខាត​និង​អាណិតអាសូរ​ ខណៈ​កំពុងមាន​ជំងឺ​ក្រលៀន​ធ្ងន់ធ្ងរ​តារា​សម្តែង​ស្រី​អ្នកនាង នៅ ណា​វីន ត្រូវបាន​អភិបាលខណ្ឌ​ពោធិ៍​សែន​ជ័យ​លោក ហែម ដា​រិ​ទ្ធិ ឧបត្ថម្ភ​នូវ​ថវិកា​ចំនួន​៥០០​ដុល្លារ​តាមរយៈ​តារា​សម្តែង​ប្រុស​លោក អ៊ឹម ជីវ៉ា។​

តារា​សម្តែង​ប្រុស​លោក អ៊ឹម ជីវ៉ា ប្រាប់​ឲ្យ​ដឹងថា​ តារា​សម្តែង​អ្នកនាង​នៅ ណា​វីន បានទទួល​ការឧបត្ថម្ភ​នូវ​ថវិកា​ចំនួន ៥០០​ដុល្លារ​ពី​លោក ហែម ដា​រិ​ទ្ធិ​អភិបាល​នៃ គណៈ​អភិបាលខណ្ឌ ពោធិ៍​សែន​ជ័យ ​បន្ទាប់ពី​តារា​សម្តែង​និង​កំប្លែង​រូបនេះ​ បាន​បង្ហោះ​ក្នុង​Facebook អំពាវនាវ​ដល់​សប្បុរសជន​ឲ្យ​ជួយ​អ្នកនាង​ផង​ដោយ​អ្នកនាង កំពុង​មាន​ជំងឺ​ខូច​គ្រលៀន​ដំណាក់កាល​ចុងក្រោយ។

លោក អ៊ឹម ជីវ៉ា បាន​និយាយ​ទៀត​ថា ​អ្នកនាង នៅ ណា​វីន គឺ​ត្រូវ​លាង​ឈាម​រាល់​ពីរ​ដង​ក្នុង​មួយ​សប្តាហ៍ តារា​រូប​នេះ​គ្មាន​លទ្ធភាព​ព្យាបាល​ឡើយ ដោយ​មើលឃើញ​ពី​ការខ្វះខាត​របស់​តារា​សម្តែង​អ្នកនាង នៅ​ណាវិន លោក ហែម​ដា​រិ​ទ្ធ ក៏​ចាត់​អោយ​លោក ខ្ញុំ អ៊ឹម ជីវ៉ា យក​ថវិកា​ចំនួន​៥០០​ដុល្លារ​ទៅ​ជួ​យល់​អ្នកនាង នៅ​មន្ទី​រពេទ្យ​ព្រះ​កេតុមាលា។

តារា​សម្តែង​ប្រុស​ដែល​លេចធ្លោ​លើ​ការងារ​មនុស្សធម៌​លោក អ៊ឹម ជីវ៉ា បានលើកឡើង​ទៀតថា​ក្នុងនោះ​បើទោះបី​ការងារ​លោក​អភិបាលខណ្ឌ​រវល់​យ៉ាងណា​លោក ហែម ដា​រិ​ទ្ធ ក៏បាន​ផ្តាំផ្ញើ​សួ​សុខទុក្ខ​និង​ជូនពរ​អោយ​អ្នកនាង​ឆាប់​បានជា​សះស្បើយ​ដើម្បី​ឆាប់​បាន​ចូល​សម្តែង​ក្នុង​វិស័យ​សិល្បៈ​បន្ត​ទៀត។​

គួររម្លឹកថា ​អ្នកនាង នៅ ណា​វីន បាន​ធ្លាក់ខ្លួន​ឈឺ​មាន​រយៈពេល​ប្រមាណ​២​ខែ​មកហើយ ​ប៉ុន្តែ​បន្ទាប់ពី​ធ្វើការ​ព្យាបាល​នៅ​មន្ទី​រពេទ្យ​ស្រុក​ខ្មែរ​ និង​ថៃ​ហើយ​នោះ ​ស្ថានភាព​ជំងឺ​របស់​នាង​នៅតែ​មិនមាន​សភាព​ធូរ​ស្បើយ​ដូចដើម​នោះទេ​។​ មិនតែប៉ុណ្ណោះ​អ្នកនាង នៅ ណា​វីន ក៏ត្រូវ​បាន​ក្រុម​វេជ្ជបណ្ឌិត​នៃ​មន្ទីរ​ពេទ្យ​ស្រុក​ខ្មែរ​និង​ប្រទេស​ថៃ​ប្រាប់​ឲ្យ​នាង​ចេញទៅ​វះកាត់​ដូរ​ក្រលៀន​នៅ​ឯ​ប្រទេស​ឥណ្ឌា​ទៀត​ផង​។​ នេះ​បើ​តាម​ការ​បញ្ជាក់​ពី​ប្រភព​អ្នក​សិល្បៈ​ស្និទ្ធស្នាល​៕