ព័ត៌មានជាតិ

មន្ត្រីរំពឹងថា សមរាត្រី ឆ្នាំ២០២៥នឹងមានភ្ញៀវកាន់តែច្រើន

បានផុស

១០ ខែ មុន

នៅ

ថ្ងៃសៅរ៍ ២០ កញ្ញា ២០២៥

ដោយ

អគ្គនាយកគ្រឹះស្ថានអង្គរលោក សំ វុទ្ធា រំពឹងថាព្រឹត្តិការណ៍ «សមរាត្រី» ឆ្នាំ២០២៥នេះនឹងមានភ្ញៀងទេសចរណ៍កាន់តែច្រើនមកទស្សនានៅប្រាសាទអង្គរវត្ត ដោយថាព្រឹត្តិការណ៍នេះកើតចំពេញប្រជាពលរដ្ឋខ្មែរសម្រាកក្នុងពិធីបុណ្យភ្ជុំបិណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍សមរាត្រី ព្រះអាទិត្យរះចំកណ្ដាលកំពូលប្រាសាទអង្គរវត្ត ឆ្នាំ២០២៥ នឹងកើតឡើងនៅថ្ងៃទី២៣ ខែកញ្ញា ខាងមុខ ចំថ្ងៃចុងក្រោយនៃពិធីបុណ្យភ្ជុំបិណ្ឌ។

លោក សំ វុទ្ធា បានលើកឡើងថា៖ «សម្រាប់ “សមរាត្រី” កាលពីថ្ងៃទី២១ ខែមីនា ឆ្នាំ២០២៥ កន្លងទៅ បានទាក់ទាញអ្នកទេសចរចម្រុះជាតិសាសន៍ប្រមាណជាង ២ម៉ឺននាក់។ ដោយឡែកសម្រាប់ “សមរាត្រី” ខែកញ្ញានេះ ចំនួនអ្នកទេសចរនឹងមានច្រើនជាងខែមីនា ដោយមូលហេតុចំថ្ងៃសម្រាកនៃពិធីបុណ្យភ្ជុំបិណ្ឌ»។

ដោយឡែកចំពោះចំនួនភ្ញៀវទេសចរណ៍ដែលទៅលេងខេត្តសៀមរាបក្នុងរយៈពេល៨ខែនៃឆ្នាំ២០២៥នេះ មានចំនួនជាង៣លាននាក់ កើនឡើង៤៥,៧៧ភាគរយបើធៀបនឹងរយៈពេលដូចគ្នាកាលពីឆ្នាំ២០២៤ ដែលមានចំនួន ២,១លាននាក់៕

អត្តបទដោយ គឿន វេត