ព័ត៍មានទាន់​ហេតុការណ៏
Search

អូស្ត្រាលី​និង​ម៉ាឡេស៊ី​ផ្ទុះ​សង្គ្រាមពាក្យសំដី​ជុំវិញ​ការ​រើ​ស្ថានទូត​នៅ​អ៊ីស្រាអែល​

ហិរញ្ញិក​របស់​ប្រទេស​អូស្ត្រាលី​បាន​និយាយ​កាលពី​ថ្ងៃ​សុក្រ​ថា នាយករដ្ឋមន្ត្រី​ម៉ាឡេស៊ី​លោក Mahathir Mohamad មាន​ប្រវត្តិ​ប្រឆាំង​ការតាំង​ទីលំនៅ​របស់​ជ​ន​ជាតិ​ជ្វី​ហ្វ​ដែល​នេះ​ជា​សង្គ្រាមពាក្យសំដី​ដ៏​ខ្លាំងក្លា​មួយ​លើ​លទ្ធភាព​ដែលថា ប្រទេស​អូស្ត្រាលី​អាច​រើ​ស្ថានទូត​នៅ​អ៊ីស្រាអែល​របស់ខ្លួន​ទៅកាន់​ទីក្រុង​យេ​រូ​សា​ឡឹម​។​

នាយករដ្ឋមន្ត្រី​អូស្ត្រាលី​លោក Scott Morrison បានស្នើ​សុំ​ឲ្យ​មានការ​ផ្លាស់ប្តូរ​ស្ថានទូត​ក្នុងអំឡុង​យុទ្ធនាការ​ឃោសនាបោះឆ្នោត​មូលដ្ឋាន​មួយ​កាលពី​ខែ​មុន​ដែលជា​ហេតុ​បង្ក​ឲ្យ​មានការ​ព្រួយបារម្ភ​ពី​ប្រទេស​ឥណ្ឌូនេស៊ី​និង​ម៉ាឡេស៊ី​។​

ហិ​រ​ញ្ញិ​ក Josh Frydenberg បាន​ថ្លែង​ក្នុង​បទសម្ភាសន៍​តាម​វិទ្យុ​ថា “​នាយករដ្ឋមន្ត្រី​ម៉ាឡេស៊ី​បាន​ហៅ​ជនជាតិ​ជ្វី​ហ្វ​ថា មនុស្ស​ច្រមុះ​កោង​។ គាត់​បាន​សាកសួរ​អំពី​ចំនួន​មនុស្ស​ដែល​ត្រូវបាន​សម្លាប់​នៅក្នុង​ការសម្លាប់​រង្គាល Holocaust”​។​

មតិយោបល់​ទាំងនេះ​បាន​កើតឡើង​បន្ទាប់ពី​លោក Mahathir បានលើកឡើង​ពី​បញ្ហា​រើ​ស្ថានទូត​ជាមួយ​លោក Morrison អំឡុង​ជំនួប​មួយ​នៅក្នុង​កិច្ចប្រជុំ​កំពូល​អាស៊ាន​កាលពី​ថ្ងៃ​ព្រហស្បតិ៍​នៅ​ប្រទេស​សិង្ហ​បុរី​។​

លោក Mahathir បាន​ប្រាប់​អ្នកយកព័ត៌មាន​បន្ទាប់​ពី​នោះ​ថា “​ខ្ញុំ​បានចង្អុលបង្ហាញ​ថា ក្នុងការ​ទាក់ទង​ជាមួយ​អំពើ​ភេរវកម្ម មនុស្ស​ម្នាក់​ត្រូវតែ​ដឹង​មូលហេតុ​”​។ លោក​បាន​បន្ថែមថា មូលហេតុ​នៃ​អំពើ​ភេរវកម្ម​នឹង​មិនមាន​ប្រយោជន៍​អ្វី​ឡើយ​។​

ប្រហែល​៦០​ភាគរយ​នៃ​ចំនួន​ប្រជាជន​ម៉ាឡេស៊ី​គឺជា​ជន​មូស្លីម​។​
​លោក Morrison បានបង្ហាញ​គំនិត​រើ​ស្ថានទូត​អូស្ត្រាលី​និង​ទទួលស្គាល់​ក្រុង​យេ​រូ​សា​ឡឹម​ថា​ជា​រដ្ឋធានី​របស់​ប្រទេស​អ៊ីស្រាអែល​នៅក្នុង​ខែតុលា​។​

ថ្លែង​កាលពី​ថ្ងៃ​សុក្រ លោក Morrison បាន​បញ្ជាក់ថា លោក Mahathir ពិតជា​បានលើកឡើង​ពី​ប្រធានបទ​នៃ​ការ​រើ​ស្ថានទូត​នេះ​មែន​ប៉ុន្តែ​បានប្រកាសថា មានតែ​ប្រទេស​អូស្ត្រាលី​ប៉ុណ្ណោះ​ដែល​អាច​កំណត់​គោលនយោបាយ​បរទេស​របស់​អូស្ត្រាលី​។​

ប្រទេស​អូស្ត្រាលី​និង​ម៉ាឡេស៊ី​មាន​ទំនាក់ទំនង​ការទូត​ល្អក់កករ​ជា​យូរអង្វែង​មកហើយ​។ ប្រទេស​ទាំងពីរ​បាន​ប៉ះទង្គិច​គ្នា​កាលពី​២៥​ឆ្នាំមុន​នៅពេល​អតីត​នាយករដ្ឋមន្ត្រី​អូស្ត្រាលី​លោក Paul Keating បាន​ហៅ​លោក Mahathir ថា “​មនុស្ស​រឹងរូស​” សម្រាប់​ការធ្វើ​ពហិការ​វេទិកា​សេដ្ឋកិច្ច​អាស៊ី – ប៉ាស៊ីហ្វិក (APEC) ឆ្នាំ​១៩៩៣៕ REUTERS