ព័ត៌មានអន្ដរជាតិ
លោក គីម ជុងអ៊ុន ចេញបញ្ជាមួយធ្វើឲ្យទីក្រុង ព្យុងយ៉ាង ស្ងាត់ដូចចោរលួចសេះ
លោក គីម ជុងអ៊ុន បានបញ្ជាឲ្យប្រជាជនកូរ៉េខាងជើងស្នាក់នៅក្នុងផ្ទះរបស់ពួកគេដោយខ្លាចថា “ធូលីពណ៌លឿង” មកពីប្រទេសចិនអាចនឹងចម្លងវីរុសកូរ៉ូណា។
ប្រទេសនេះមិនទាន់មានករណីជំងឺកូវីដ១៩នៅឡើយទេបើទោះបីជាជំងឺរាតត្បាតនេះបានសម្លាប់មនុស្សជាងមួយលាននាក់នៅទូទាំងពិភពលោករួចហើយក៏ដោយ។
កាលពីថ្ងៃពុធ ប្រព័ន្ធផ្សព្វផ្សាយរដ្ឋរបស់ប្រទេសនេះបានផ្សព្វផ្សាយអំពីព័ត៌មានអាកាសធាតុពិសេសដោយព្រមានអំពីបាតុភូតដែលនឹងកើតឡើងនៅថ្ងៃខាងមុខ។
ក្រសួងការបរទេសកូរ៉េខាងជើងបានប្រាប់បេសកកម្មការទូតនិងអង្គការអន្តរជាតិផ្សេងទៀតថា ខ្លួនសូមផ្តល់អនុសាសន៍ម៉ឺងម៉ាត់ឲ្យពួកគេស្ថិតនៅខាងក្នុងនិងបិទបង្អួចទាំងអស់ពេញមួយថ្ងៃ។
ស្ថានទូតរុស្ស៊ីនៅទីក្រុងព្យុងយ៉ាងបានសរសេរនៅលើ Facebook កាលពីថ្ងៃព្រហស្បតិ៍ថា “ដូចដែលយើងត្រូវបានគេប្រាប់អញ្ចឹង វិធានការទាំងនេះគឺដោយសារតែ វីរុសកូរ៉ូណាអាចមកដល់ទឹកដីកូរ៉េខាងជើងរួមជាមួយភាគល្អិតនៃធូលីពណ៌លឿង”។
កាសែត NK News បានរាយការណ៍ថា “ស្ទើរតែគ្មានពលរដ្ឋណាម្នាក់ត្រូវបានគេឃើញសោះនៅតាមដងផ្លូវនៃទីក្រុងព្យុងយ៉ាងកាលពីថ្ងៃព្រហស្បតិ៍”។
ប្រភពនៅក្នុងប្រទេសកូរ៉េខាងជើងបានឲ្យដឹងថា មនុស្សមួយចំនួនតូចដែលចេញទៅខាងក្រៅបានពាក់អាវភ្លៀងថ្វីបើគ្មានភ្លៀងនៅថ្ងៃនោះក៏ដោយ។
យោងតាមទូរទស្សន៍ព័ត៌មានកណ្តាលកូរ៉េបានឲ្យដឹងថា កម្មករនៅតាមការដ្ឋានសំណង់ទូទាំងប្រទេសក៏ត្រូវបានហាមឃាត់មិនឲ្យធ្វើការនៅខាងក្រៅផ្ទះផងដែរកាលពីថ្ងៃព្រហស្បតិ៍។
អត្ថបទនេះបានអះអាងថា ការស្រាវជ្រាវនៅជុំវិញពិភពលោកបានបង្ហាញថា វីរុសកូរ៉ូណាអាចត្រូវបានចម្លងតាមរយៈខ្យល់ហើយដូច្នេះ កូរ៉េខាងជើងគួរតែយកចិត្តទុកដាក់ចំពោះលំហូរចូលនៃធូលីពណ៌លឿង៕
ប្រែសម្រួលដោយ៖ Vann Vann
ប្រភព៖ Mirror
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)