BREAKING NEWS
Search

ស្រីៗងប់ស្រលាញ់ដកចិត្តមិនរួច បើបុរសណាមានគុណសម្បត្តិ​តូចៗទំាងនេះ

នៅពេលមនុស្ស​ស្រីឃើញមនុស្សប្រុសដំបូង នាងៗ​ចាប់អារម្មណ៍នឹងអ្វី? ឡាន លុយ ខោអាវឡូយៗ មុខស្អាត?
នេះសម្រាប់មនុស្ស​ស្រីនៅក្លឹបរាត្រី​ឬនៅកន្លែង​ស៊ីវិល័យ។

អត្ថបទនេះ និយាយពី​មនុស្ស​ស្រី​ដែលយើង​ចង់បានមកជាគូអនាគត​​ ជាកូនប្រសារម៉ាក់យើង ជាម្តាយកូនៗរបស់យើង។ ពួកគេ​មិនងាយ​និងទាក់បាន​ស្រួលៗអញ្ចឹងទេ។
មនុស្ស​ស្រីល្អៗ ដែលយើង​តាមរកជាយូរមកហើយ នឹង​ងប់ងល់ជាមួយយើង​​ប្រសិន​ យើងជាមនុស្ស​ប្រុស​ប្រកាន់នូវ​គោលការណ៍​ទំាងនេះឱ្យនាងឃើញ៖

១ មានចិត្ត​ទូលាយ

មនុស្ស​ប្រុសមានចិត្ត​ទូលាយមិនងាយរិះគន់ពេបជ្រាយ មិនងាយគំុគួនឬស្អប់ខ្ពើមអ្នកណថែមទំាងមិនមានពេលសម្រាប់រឿងអស់នោះទាល់តែសោះ។ ​មនុស្ស​ប្រុស​របៀបនេះ ស្រីឃើញ​១០នាក់​មាន​៩នាក់ទៅហើយ​ដល់ចង់ផ្តល់លេខទូរសព្ទឱ្យនាយ។

២ មនុស្ស​ប្រុស​រួសរាយ

មនុស្សប្រុស​ដែល​ងាយៗ​ចូលចិត្ត​និយាយលេង​មិនប្រកាន់ ញាំអីក៏ញាំបាន មិនរើសអើង ចូលចំណោម​គេ​ចុះ មិនពិបាកផ្គាប់ចិត្ត មិនស្មុគស្មាញ និងមិនសាំញំារអ៊ូរទាំ។

៣ មនុស្ស​ប្រុស​ដឹងច្រើន

មនុស្ស​ប្រុសមានវិជ្ជា​ច្រើនប្រភេទ​ ភាគច្រើនត្រូវបានមនុស្ស​ស្រី​រកលេសសួរនាំ​នេះ​នោះ តាមពិត​នាង​អាចSearch តាម​google បាន​ប៉ុន្តែធ្វើជាពឹងពាក់សួរនាំ​ព្រោះចង់ប្រើពេលនៅជិតបុរសៗ​ល្អដូច​អ្នក មិនថាអញ្ចឹង?

៤ មនុស្ស​ប្រុស​ចេះផ្នែក​ច្នៃប្រឌិត

សម័យកាលនេះ មនុស្ស​ប្រុសជា​អ្នកសរសេរប្លក់ ជាជាងថតរូប ជាអ្នកឌីសាញ ជាអ្នកគូររូប3D ជាអ្នកសិល្បៈសា្ថបត្យកម្ម សុទ្ធតែជាបុរស​សិចស៊ី។ ស្រមៃមើលពីរូបរាងអ្នកពេលពាក់វ៉ែន​តានៅម៉ត់ចត់ក្បែរកុំព្យូទ័រ និង​ពេលកាន់កាម៉េរ៉ា តើសង្ហាកម្រិតណា?

៥ មនុស្ស​ប្រុស​និយាយភាសាបានច្រើន

គ្មាន​អ្នកណាសង្ហាស្មើនឹងបុរសដែលនិយាយបានច្រើនភាសា​នោះទេ។ បើអ្នកគមិនអាចនិយាយអ្វី​ចេញ​ឬឈរធ្មំាង​នៅនឹងមុខជនបរទេស​ដែលគេសួរនាំផ្លូវ ធ្លាក់ពិន្ទុ​អសា់​៨០ភាគរយមិនខាន។​ ខំរៀនភាសាឡើង​ស្រីៗលង់ឆាប់រហ័សណាស់រាល់ពេល​ឮយើងនិយាយភាសាផ្សេងៗដែលនាងមិនចេះ។

៦ មនុស្ស​ប្រុសដែល​គោរពមនុស្ស​ស្រី

សម័យនេះ​ជាសម័យកាលនៃភាពចេះដឹង។ មនុស្ស​ដែល​ចេះដឹងកាន់តែច្រើន​កាន់តែ​ដាក់ខ្លួនអោនលំទោន ។​អំនួត​​និង​ភាពឆ្មើងកន្ទើ្រងបង្ហាញ​ពី​ភាពល្ងង់ខ្លៅ។ មនុស្ស​ប្រុសដែលគោរពមនុស្ស​ស្រី​ និយាយស្តីឱ្យតម្លៃ និងចេះជួយឈឺច្អាលសុខទុក្ខ ស្រីៗ​ច្បាស់ជាទៅផ្ទះវិញ​គេងនឹកស​ស្រមៃ​មួយថ្ងៃទើសយប់មិនខាន។

ហាណា

គួរបំភ្លេចសង្សារចាស់យ៉ាងម៉េច?