បើខ្វះ ៥ យ៉ាង​នេះ ចូរ​ប្រញាប់ធ្វើភ្លាម ដើម្បីអនាគតល្អមួយ
BREAKING NEWS
Search

បើខ្វះ ៥ យ៉ាង​នេះ ចូរ​ប្រញាប់ធ្វើភ្លាម ដើម្បីអនាគតល្អមួយ

ប្រសិន​បើចង់​​មាន​សុខភាព​ល្អនិងជីវិត​​រស់នៅដោយវិជ្ជមានមួយ ​​ចូរ ​ព្យាបាល​ខ្លួនឯង​ ដោយ​បញ្ចូល​សកម្មភាព​សុខភាព ​ក្នុង​របៀប​រស់នៅដូចជា៖

១. គេង​ឱ្យ​បាន​ច្រើន

គ្រប់គ្នា​សុទ្ធ​តែ​បាន​ដឹង​ថា​ ការ​គេង​ឱ្យ​បាន​ស្កប់ស្កល់ ​គឺ​មាន​សារៈសំខាន់​ណាស់ ​ហើយ​វា​ត្រូវ​បាន​ផ្សារ​ភ្ជាប់​ទៅ​នឹង​សុខភាព​ទូទៅ។ ដើម្បី​បន្ថយ​ហានិភ័យ​នៃ​ជំងឺ​និង​ទម្ងន់​របស់​រាងកាយ ​ជួយ​ឲ្យ​មាន​សុខភាព​ល្អ។

២. បរិភោគ​អាហារ​ជំនួយ​សុខភាព

ជំនួស​ឲ្យ​ការ​ទទួល​ទាន​អាហារ​មិន​ល្អ​ចំពោះ​សុខភាព ​ដូចជា​ជាតិ​ស្ករ​ឬ​សារធាតុ​គីមី​ សូម​ងាក​មក ទទួល​ទាន​អាហារ​ដែល​ជំនួយ​ឲ្យ​មាន​សុខភាព​ល្អ​ ដែល​អាច​ជួយ​បំពេញ​បន្ថែម​ដល់​រាងកាយ របស់​អ្នកវិញ។

៣. ស្រូប​យក​ខ្យល់​ស្រស់​ថ្លា​បន្ថែម​ចូល​រាងកាយ

ការ​ធ្វើ​លំហាត់​ប្រាណ​មាន​សារៈសំខាន់​ណាស់ ប្រសិន​បើ​អ្នក​មិន​ចង់​រត់​លើ​ម៉ាស៊ីន​ហាត់ប្រាណ​ សូម​រត់​ឬ​ដើរ​នៅ​ខាងក្រៅ​ផ្ទះ ​ឬ​ក៏​ក្នុង​សួនច្បារ​វិញ។ ការ​ដក​ដង្ហើម​ស្រូប​យក​ខ្យល់​ធម្មជាតិ​ចូល​ក្នុង​រាងកាយ​ គឺ​ជា​អ្វី​ដែល​មនុស្ស​គ្រប់គ្នា​តែង​ប្រាថ្នា​ចង់​បាន។

៤. ផឹក​ទឹក​ឱ្យ​បាន​ច្រើន

នេះ​មិន​មែន​មាន​ន័យ​ថា ​អ្នក​ត្រូវ​លះបង់​ភេសជ្ជៈ​ផ្សេង​នោះ​ទេ ​ប៉ុន្តែ​វា​ច្រើន​តែ​មាន​ផល​ប៉ះពាល់​ពី​ធម្មជាតិ។ ទឹក​គឺ​ជា​វិធី​ល្អ​បំផុត​ ដែល​អ្នក​អាច​ផ្ដល់​ជាតិ​ទឹក​ដល់​រាងកាយ​របស់​អ្នក។

វា​អាច​ជួយ​ឱ្យ​អ្នក​ញ៉ាំ​បាន​តិច​ ប្រសិន​បើ​អ្នក​ចង់​កាត់​បន្ថយ​ជាតិ​ខ្លាញ់ ​ហើយ​វា​អាច​ធ្វើ​ឲ្យ​ប្រសើរ​ឡើង​ រាល់​ផ្នែក​នៃ​រាងកាយ ​រួម​ទាំង​ស្បែក​របស់​អ្នក​ស្រស់ថ្លា​ផង​ដែរ។

៥. សើច​ឲ្យ​បាន​ច្រើន

ការ​សើច​ត្រូវ​បាន​ផ្សារ​ភ្ជាប់​ទៅ​នឹង​សុខភាព​ទូទៅ។ អ្នក​សើច​នៅ​ពេល​ណា​ដែល​អ្នក​អាច​ធ្វើ​បាន ​ព្រោះ​ការ​សិក្សា​បង្ហាញ​ថា ​មនុស្ស​ពេញ​វ័យ​សើច​តិច​ជាង​កុមារ។ ចំណាយ​ពេល​ជាមួយ​មិត្តភ័ក្ដិ​ដែល​ធ្វើ​ឱ្យ​អ្នក​ញញឹម​ មើល​រឿង​កំប្លែង​ៗ​គួរ​ឱ្យ​អស់​សំណើច​ជា​ដើម៕

ចុចអាន៖ជ្រុះ​សក់ ឈឺ​សន្លាក់ បាត់បង់​គ្រាប់​ឈាម អាច​ជា​ជំងឺ​លូ​ពីស (Lupus)

ចុចអាន៖ ស្រីៗត្រូវដឹងពីការពិនិត្យពោះ-ឈាម-ទឹកនោម ការចាក់វ៉ាក់សាំង ពេលមានផ្ទៃពោះ

ប្រែសម្រួល៖ សាង ស្រីល័ក្ខ