ព័ត៍មានទាន់​ហេតុការណ៏
Search

តិចនិក​ជ្រើសរើស​កាបូបយួរដៃ​សក្តិ​សម​នឹង​រូបរាង

ដើម្បី​បាន​រូបរាង​ដ៏​ល្អ​ឥត​ខ្ចោះ ​យើង​ត្រូវ​គិត​អំពី​អ្វីៗ​គ្រប់យ៉ាង ចាប់​ពី​ចង្កេះ​តូច​រហូត​ដល់​ស្មា និង​ត្រគាក​ដើម្បី​អោយ​សម​សមាមាត្រ​គ្នា។ សូម្បី​តែ​កាបូប​ដៃ​ក៏​អាច​ធ្វើ​ឱ្យ​យើង​ក្លាយ​ជា​មនុស្ស​ទាន់​សម័យ​ម្នាក់​ដែរ​ប្រសិន​បើ​យើង​ចេះ​ជ្រើសរើស​កាបូប​ដែល​ត្រឹមត្រូវ។ ប៉ុន្តែ​វាក៏​ជា​រឿង​ដែល​អាក្រក់​ប្រសិន​បើ​យើង​ជ្រើសរើស​កាបូប​ខុស​និង​រូបរាង​របស់​យើង។

ដូច្នេះ យើង​នឹង​ណែនាំ​លោក​អ្នក​ពី​របៀប​ជ្រើសរើស​កាបូប​អោយ​សក្ដិ​សម​និង​រូបរាង។ ដំបូង​ត្រូវ​ស្វែង​យល់​អំពី​ប្រភេទ​រាងកាយ​របស់​យើង​ជា​មុន​សិន!

-ប្រសិន​បើ​យើង​មាន​ស្មា​ធំ​ជាង​ត្រគាក ​នោះ​យើង​មាន​រាង​ត្រីកោណ។
-ប្រសិន​បើ​ចង្កេះ​និង​ស្មា​របស់​យើង​តូច​ជាង​ត្រគាក​នោះ ​រាង​របស់​យើង​ដូច​ផ្លែ​​ Pear។
-ប្រសិន​បើ​ស្មា​ចង្កេះ​និង​ត្រគាក​មាន​ទំហំ​ប៉ុនគ្នា ​នោះ​យើង​គឺ​ជា​ប្រភេទ​ចតុកោណ។

-ប្រសិន​បើ​ចង្កេះ​របស់​យើង​ធំ​ជាង​ស្មា​និង​ត្រគាក​ ​នោះ​យើង​នឹង​មាន​រាង​ផ្លែ​ប៉ោម។
-ប្រសិន​បើ​ស្មា​និង​ត្រគាក​របស់​យើង​មាន​ភាព​សមាមាត្រ​គ្នា​ជាមួយ​នឹង​ចង្កេះ​តូច​ នោះ​យើង​ជា​ប្រភេទ​រាង​ស្វែល។

នេះ​ជា​វិធី​ដែល​អ្នក​អាច​កំណត់​ប្រភេទ​រាងកាយ​របស់​យើង​បាន អ្នក​ជំនាញ​ខាង​ម៉ូដែល​និយាយ​ថា​នៅ​ពេល​ដែល​យើង​ចេះ​ជ្រើសរើស​យក​កាបូប​ដៃ ​ដែល​សាក​សម​និង​រូបរាង​របស់​ខ្លួន​ឯង​ នោះ​​យើង​ក៏​អាច​ក្លាយ​ជា​មនុស្ស​ទាន់​សម័យ​ដូច​គ្នា។

១.រាង​ត្រីកោណ

ចំណុច​ដែល​ត្រូវ​ពិចារណា​សម្រាប់​យើង​គឺ​ប្រវែង​និង​ទទឹង​របស់​ខ្សែ។ ដោយ​សារ​យើង​មិន​ត្រូវ​ការ​អ្វី​ច្រើន​នៅ​ជុំវិញ​ទ្រូង​របស់​យើង​ទេ ​កុំ​ជ្រើសរើស​កាបូប​តូច​ពេក​ឬ​ខ្សែ​ធំ​ពេក។ យើង​អាច​សាកល្បង​កាបូប ខ្សែ​ដែល​មាន​ក្រវាត់​ឬ​កាបូប​យួរ​ដៃ​ដែល​វែង​ត្រឹម​ចង្កេះ។

២.រាង​ចតុកោណ

យើង​ត្រូវ​បន្ថែម​ខ្សែ​កោង​ទៅ​អោយ​ត្រូវ​ជាមួយ​និង​រាង​របស់​យើង​ដើម្បី​អោយ​ស៊ី​គ្នា​និង​រាង​របស់​យើង នោះ​ហើយ​ជា​មូលហេតុ​ដែល​ការ​រចនា​កាបូប​ដៃ​ពិត​ជា​មាន​សារ​សំខាន់​សម្រាប់​យើង។
រក្សា​ប្រវែង​នៃ​ខ្សែ​ក្រវាត់​របស់​កាបូប​ដើម្បី​ឱ្យ​កាបូប​ធ្លាក់​មកដល់​ត្រគាក​របស់​យើង​ដើម្បី​បិទបាំង​ចង្កេះ​របស់​យើង។គួរ​ជ្រើសរើស​យក​កាបូប​ស្បែក​ដែល​ទន់​ឬ​មាន​ទំហំ​ធំ​ដូច​ក្នុង​រូប។

៣.រាង​ដូច​ផ្លែ pear

រាង​ផ្លែ Pear ត្រគាក​ធំ​គឺ​ចាប់​ចង្កេះ​ចុះក្រោម ​ដូច្នេះ​យើង​គួរ​ចាប់​អារម្មណ៍​នៅ​ជុំវិញ​ស្មា​និង​ទ្រូង​របស់​យើង​វិញ​។ ដើម្បី​សម្រេច​គោលដៅ​នេះ​យើង​ត្រូវ​យក​ចិត្ត​ទុក​ដាក់​អំពី​ប្រវែង​ខ្សែ​របស់​កាបូប។ កាបូប​ដៃ​របស់​យើង​មិន​គួរ​ស្ថិត​នៅ​ក្រោម​ចង្កេះ​របស់​យើង​ទេ។យើង​អាច​ជ្រើសរើស​កាបូប​រាង​តូច​ល្មម​ប្រសិន​បើ​យើង​ចូលចិត្ត​កាបូប​ខ្សែ​ក្រវាត់​ឬ​ក៏​អាច​ប្រើ​កាបូប​មួយ​ត្រឹម​ទ្រូង​របស់​យើង​បាន​ដែរ។

៤.រាង​ផ្លែ​ប៉ោម

រាង​បែប​នេះ​គឺ​ចូល​ជា​អ្នក​ដែល​មាន​សាច់​ណែន ​​ដូចនេះ​យើង​ត្រូវ​ជ្រើសរើស​កាបូប​ដែល​សក្ដិ​សម​នឹង​រាង​ប្រភេទ​នេះ។ ទំហំ​និង​ការ​រចនា​នៃ​កាបូប​ដៃ​ដែល​យើង​ជ្រើសរើស​នឹង​មាន​ភាព​ខុស​គ្នា​ទាំងអស់។ ដូច្នេះ​កុំ​ជ្រើស​ម៉ូដែល​តូច​ហើយ​មាន​ខ្សែ​ខ្លី​និង​គ្មាន​រចនា​អ្វី​សោះ​ឡើយ។ គួរ​ជ្រើស​យក​កាបូប​ទៅ​ធំ​ជំនួស​ដូច​ជា​កាបូប​ដៃ​ធ្វើ​ពី​ស្បែក​ទើប​សម​នឹង​អ្នក។

៥.រាង​ស្វែល

សូម​អបអរសាទរ​យើង​គឺ​ជា​អ្នក​មាន​សំណាង​ម្នាក់! ទោះ​បី​ជា​មិន​មាន​ឧបសគ្គ ​រវាង​ការ​ជម្រើស​កាបូប​អោយ​សម​និង​រាងកាយ​របស់​យើង​ក៏​ដោយ​តែ​យើង​គួរ​តែ​ជ្រើសរើស​យក​កាបូប​ដែល​មិន​មាន​ភាព​រញ៉េរញ៉ៃ​ច្រើន​ទើប​សម​នឹង​រូបរាង​ប្រភេទ​នេះ​បាន ៕

ប្រែសម្រួល៖ Blue Sky