ព័ត៍មានទាន់​ហេតុការណ៏
Search

ប្រធានាធិបតីប្រេស៊ីលចោទប្រកាន់ Leonardo​ ថា​​រួម​ចំណែក​​នាំ​ឲ្យ​មាន​ការ​ឆេះព្រៃអាម៉ាហ្សូន​

ប្រធានាធិបតី​ប្រេស៊ីល​លោក Jair Bolsonaro ​បានអះ​អាងកាលពី​ថ្ងៃសុក្រ​ថា​តារាហូលីវូដ​លោក Leonardo DiCaprio ​គឺជា​អ្នក​ជួល​គេ​ឲ្យ​ដុត​ព្រៃអាម៉ាហ្សូន​ ដែលបាន​ក្លាយជាហេតុការណ៍​ធ្វើឲ្យ​ពិភព​លោក​មាន​ការព្រួយ​បារម្មណ៍​ជាខ្លាំង ប៉ុន្តែលោក​មិនបាន​បង្ហាញ​​ភស្តុតាង​អ្វីឡើយ ចំពោះការ​ចោទប្រកាន់​នេះ​។ ​លោក​ប្រធានា​​ធិ​ប​តី​ Bolsonaro បាន​អធិប្បាយ​នៅ​លើ​បណ្តាញសង្គម​ដោយអះអាងថា អង្គការបរិស្ថាន​មូល​និធិសត្វព្រៃ​ពិភព​លោក​ (WWF) បាន​ចំណាយ​ប្រាក់​សម្រាប់​រូបភាព​ដែល​ថតដោយ​ក្រុមពន្លត់​អគ្គីភ័យ​ស្ម័គ្រ​ចិត្តដែល​ក្រោយ​មក​ត្រូវ​បានគេ​សន្មត់ថា​ដើម្បី​ស្នើសុំ​ការបរិច្ចាគរួមចំនួន ៥០ម៉ឺនដុល្លារ​ពីLeonardo។ ប៉ុន្តែខាង ​(WWF) បាន​បដិ​សេធ​ថា​ពួក​គេក៏​មិនបាន​ទទួល​លុយ​ទាំង​នោះពី Leonardo ​ឬក៏ទទួល​រូបភាព​ឆេះព្រៃ​ពីខាង​ក្រុមពន្លត់​អគ្គីភ័យ​ដែរ។

តារា​សម្តែង​លោក​ DiCaprio ក៏បានបដិសេធ​ដែរថាមិនបានបរិច្ចាគលុយចំនួន៥០ម៉ឺននោះទៅឲ្យអង្គការ WWF ទេ។ នៅក្នុង​សេចក្តី​ថ្លែង​ការណ៍​មួយ​តារា​សម្តែង​រូបនេះ​បានកោត​សរសើរ​ដល់​ប្រជាជននៃ​ប្រទេស​ប្រេស៊ីល​​ដែលធ្វើ​ការដើម្បី​ជួយ​សង្គ្រោះបេតិកភណ្ឌធម្មជាតិនិងវប្បធម៌របស់ពួកគេ។ ជំនួយមួយ​ចំនួនដែល​លោក​បានជួយ​ដល់អង្គការ WWF​ គឺ​ផ្តោតទៅលើគម្រោងនានាដែលការពារ «សត្វព្រៃងាយ​រងគ្រោះពីការ​ផុត​ពូជ” គឺជាផ្នែក​មួយនៃ​សម្ព័ន្ធ​ភាព​របស់ផែនដី។ ​យោងតាមប្រភពសារព័ត៌​មានReutersថាសមាជិក​បួននាក់​នៃអង្គការក្រៅរដ្ឋាភិបាលឈ្មោះ Alter do Chãoកងពលតូច​ពន្លត់​អគ្គីភ័យ​ត្រូវ​បានចាប់​ខ្លួន​នៅថ្ងៃ​អង្គារ​នេះ​ដោយ​ប៉ូលីសបានចោទ​ប្រកាន់ពួកគេពីបទ​បង្ក​អគ្គិភ័យដោយ​ចេតនា​ដើម្បីចងក្រងឯកសារនិង​ប្រមូល​អំ​ណោយ​​បន្ថែម​​ទៀត​ពីសប្បុរសជន​​។ ​ប៉ុន្តែពួក​គេ​ត្រូវ​បាន​ដោះ​លែងមកវិញ​នៅថ្ងៃ​ព្រហស្បតិ៍​នេះ​តាមដី​ការ​បស់​ចៅក្រម​។ មូលហេតុទាំងអស់នេះធ្វើឲ្យលោកប្រធា​នាធិបតី Bolsonaro ត្រូវបានរិះគន់ជា​ខ្លាំង​ពីអង្គ​ការ​ក្រៅ​រដ្ឋាភិបាលដទៃទៀត​និងក្រុមអ្នកនយោបាយ​មួយចំនួនថានេះជាការ​ប៉ុនប៉ងរួមគ្នា​របស់លោក​ដើម្បី​រំខាង​ដល់​​ក្រុមបរិស្ថាន​។ ​លើសពីនេះ​ទៅទៀត ​អ្នកវិទ្យាសាស្ត្រ​និងសកម្មជន​មួយ​ចំនួនមានការ​ស្តីបន្ទោសជា​ខ្លាំងទៅ​លើ​ក្រុម​កសិករ ​ដែល​បានយក​ភ្លើងដុត​ព្រៃដើម្បី​យកដីមកប្រើប្រាស់ធ្វើកសិកម្ម។ ​ពួកគេ​និយាយ​ថាការ​កាប់​បំ​ផ្លាញ​ព្រៃនេះ​គឺជាប្រសាសន៍​របស់​លោក​ប្រធានាធិបតីដែល​លោក​និយាយ​ថាជា​ការលោក​កម្ពស់​អភិវឌ្ឍផ្នែក​កសិកម្ម។

នៅក្នុងការ​ផ្សាយផ្ទាល់​លើបណ្តាញ​សង្គម​ហ្វេសប៊ុក​កាលពីថ្ងៃទី ២១ ​ខែសីហា​គាត់​បាន​និយាយថា​“ អ្វីគ្រប់​យ៉ាងត្រូវ​បាន​គាស់​កកាយ​” អង្គការក្រៅ​រដ្ឋា​​ភិ​បាល​នឹងទៅព្រៃ Amazon អំពីការ“ ដុត” ព្រៃនេះ។ នៅ​ពេល​ត្រូវបាន​គេសួរថា​តើ​លោក​មានភស្ដុតាង​ដើម្បី​គាំទ្រ​ការអះអាង​របស់លោកនោះ​ Bolsonaro ​បាននិយាយ​ថា​គាត់​មិនបាន​ធ្វើដូច​នេះគ្មាន​ការ​សរសេរ​ព្រៀងទុក​នោះទេ​។ មួយថ្ងៃក្រោយបន្ទាប់ពីការLive ​លោក​បាន​សារ​ភាព​ថាកសិករ​អាចនឹងត្រូវបាន​ដុតបំផ្លាញ​ព្រៃដោយខុសច្បាប់ ​ប៉ុន្តែ​មួយខែ​ក្រោយ​មកទៀត ​លោក​ក៏​ត្រូវបាន​វាយ​ប្រហារពី​បណ្តាញ​សង្គមថា​ ​វាជាការបោក​ប្រាស់​ ​ដោយសារ​តែព្រៃ​នោះ​ត្រូវបាន​បំផ្លាញ​ដោយ​អគ្គិភ័យ​។ បន្ទាប់ពីបានលេច​លឺព័ត៌មាននោះ​មកលោក​ប្រធានាធិបតី Bolsonaro បាននិយាយអំពី លោក DiCaprio ក្នុងកំឡុង​ពេល​ផ្សាយ​ផ្ទាល់នៅថ្ងៃ​ព្រហស្បត្តិ៍តាម​ប្រព័ន្ធអ៊ីនធើ​ណែត​ ដោយ​លោក​និយាយ​ថាអង្គការ WWF បានបង់ប្រាក់ឱ្យអង្គការពន្លត់អគ្គីភ័យ​ដើម្បីថតរូបភ្លើង​ឆេះព្រៃនៅអាម៉ាហ្សូន។ ​លោក​បន្ត​ទៀតថា​ «តើអង្គ​ការ​មិនមែន​រដ្ឋាភិបាល​បានធ្វើអ្វី?​ ​អ្វីទៅដែល​ជាភាព​ងាយស្រួលបំផុត? ដុតភ្លើង? ​ថត​រូបភាព​ទុកនិងធ្វើវីដេអូ? WWF បាន​ធ្វើយុទ្ធនា​ការ​ប្រឆាំង​នឹង​ប្រទេសប្រេស៊ីល​ដែល​ទាក់ទង​នឹង​តារាហូលីវូដ​ លោក Leonado DiCaprio ​អំពីការ​បរិច្ចាគ​លុយ៥០ម៉ឺនដុល្លារ​នោះ​»។ លោកប្រធានាធិបតីប្រេស៊ីល​ក៏បន្ថែមដោយបាន​បន្ទោស​ដល់តារា​​សម្តែង DiCaprio ​ថារូបក៏ជាចំណែកមួយនៃការឆេះព្រៃនេះដែរ។

នៅក្នុង​Instragram​របស់លោក​ DiCaprio ​បាននិយាយ​ប្រឆាំង​ពីការ​ចោទប្រកាន់​របស់​ប្រធានា​ធិបតី​ប្រេស៊ីលថា «​លោកនៅ​តែប្តេជ្ញា​គាំទ្រសហគមន៍​ជនជាតិដើម​ភាគតិច​​ រដ្ឋាភិបាល​មូលដ្ឋាន ​អ្នកវិទ្យាសាស្ត្រ ​អ្នកអប់រំនិង​សាធារណ​ជនទូទៅ​ដែលកំពុង​ធ្វើការដោយ​មិនខ្លាចនឿយ​ហត់​ដើម្បីធានា​ដល់ព្រៃ​អាម៉ាហ្សូន សម្រាប់​អនាគត​របស់​ប្រជាជន​ប្រេស៊ីលទាំងអស់​។»

ប្រែសម្រួល៖ មួង​ ពិសី