រឿង​ដែលគួរធ្វើ នៅពេលជីវិតចង់វាយយើងផ្តួល

យើងម្នាក់ៗ​ជួបប្រទះនឹងការជំពប់ដួលខ្លះៗនៅក្នុងជីវិតរបស់យើង ស្លាកស្នាមផ្លូវចិត្តខ្លះស្រាល​ខ្លះធ្ងន់​សឹង​អាចសម្លាប់យើងបាន ត្រូវគេ​បោក ត្រូវគេ​ចោមគ្នា​ធ្វើបាប ត្រូវ​គេមើលងាយ  ត្រូវគេ​បំភ្លេចចោលត្រូវគេស្អប់ទំាង​ដែលមិនបានធ្វើអ្វីសោះ។

ធ្ងន់ជាងនេះទៀត អ្នកដែលកំពុង​អាន​ខ្លះ ទើប​ត្រូវ​បាត់បង់ការងារ លក់ផ្ទះ​ដែលខ្លួន​ស្រលាញ់ ចាញ់ការភ្នាល់ ត្រូវ​គេ​បញ្ឈប់ពីការងារ​ ។

ពេលខ្លះយើងត្រូវបង្ខំ​ចិត្ត ធ្វើជាញញឹម​ហើយ​ខំ​ប្រឹងស្រវា​ស្រទេញ​ទៅធ្វើការងារ​មួយ ​ដែលមិនត្រូវសោះ​ទៅតាមផែនការរបស់យើង។

ហេតុផល​ទំាងនេះ ពេលខ្លះដាល់យើង​ឱ្យ​ដួល ហើយ​យើង​ហាក់ចង់លែងតស៊ូ ក្រោកឡើងមកវិញ​ទៀត ព្រោះ​អស់កម្លាំងកាយចិត្ត លង់ជ្រៅ​ទៅក្នុងអារម្មណ៍ឈឺចាប់​និងការសង្ស័យ មិនស្រឡះ​ចិត្ត ​ប៉ុន្តែ ជឿKPTទៅ ​ទាំងនេះគឺជារឿងធម្មតាប៉ុណ្ណោះ វាជាជីវិត ។

អាថ៌កំបាំង​នៃការយកឈ្នះជីវិត​ គឺ​ឆ្លងកាត់ការលំបាកទំាង​អស់នេះ​ឱ្យ​ហើយសិន។​ខ្មែរនិយាយថា ហែលរួច​គឺឈ្នះ​ហើយ​មិនទាន់ហែលគឺ​នៅវែងទៀត!មិនមានអ្នកណាគេចរួចទេ។

ឆ្លងតាម​អ្នកធ្លាប់ឆ្លងកាត់ យើង​គប្បីរៀនធ្វើចិត្ត​ជាមួយ​មេរៀនសំខាន់ៗពីរបីចំណុចនេះ៖

១ ទទួល​ទៅថា មានរឿង​ខ្លះ​វាលើសពីអ្វី​ដែល​យើង​អាច​គ្រប់គ្រងវា

ឧទាហរណ៍ប្រសិនបើអាជីវកម្មរបស់យើង​បរាជ័យ​ហើយជំពាក់គេច្រើន​ យើង​មិនអាចទៅផឹកស្រា​ដើម្បី​សងបំណុលទេ យើង​ត្រូវ​ផ្លាស់ប្តូរសកម្មភាព ហើយ​រកវិធី​ដោះស្រាយដោយវិជ្ជមាន​ជាជាងបំផ្លាញ​ខ្លួនឯងចោល។ កុំខ្លាចសងដល់ថ្ងៃស្លាប់ ព្រោះ ស្លាប់ទៅគឺទទេ ពេលស្លាប់មាន​រាប់លាន ក៏អត់ន័យ សំខាន់កាលនៅរស់បានក្លាហានកម្រិតណាក្នុងការប្រឆាំងនិងកណ្តាប់ដៃនៃជីវិត?

 

២ ព្រម​ទទួលយក ការបែកគ្នា

ប្រសិនបើមនុស្ស​ជា​ទីស្រលាញ់ណាម្នាក់បាន​ចាកចេញទៅហើយដោយជម្ងឺ ដោយអំពើក្បត់​ដោយ​ស្ថានភាព​រស់នៅមិនអាចជួបគ្នា ការ​ឈឺចាប់នោះ​ទោះយូរប៉ុណ្ណា ក៏គង់​មិនអាចផ្លាស់ប្តូរវាបានវិញដែរ អ្វី​ដេលកើតឡើងហើយ ឱ្យវាកើតទៅចុះ អ្នកថ្មីមកមិនបានវប្រសិនអ្នកចាស់មិនចាកចេញ​ចំណែកការកើតចាស់ឈឺស្លាប់ជាជីវិត យើង​បែកគ្នា​ព្រាត់ស្លាប់កើតទុក្ខល្មមៗ កុំដល់ថ្នាក់ស្លាប់ទៅតាម។

៣ យល់អំពី​តម្លៃពិតនៃជីវិត​មនុស្ស​
បើអ្នកនៅតែគិតថា​មនុស្ស​ជោគជ័យ​ព្រោះជិះឡាន​ថ្លៃ ជាតិនេះ​អ្នកគ្មាន​ថ្ងៃភ្លឺទេ។ ជីវិត​មិនសំខាន់ជិះអ្វី រស់វែងប៉ុណ្ណា ឬ​ស្រណុកឡូយឆាយប៉ុណ្ណា​សំខាន់​អ្នកខ្លាំងប៉ុណ្ណា​ក្នុងការ​ញញឹម​ជាមួយ​ទុក្ខលំបាក​ហើយ​យកឈ្នះ​មហិច្ឆតារបស់ខ្លួនឯងបានប៉ុណ្ណា រៀបសូត្រពី​ជីវិត​បានច្រើន​កម្រិតណា​ ចេះអភ័យទោសឱ្យខ្លួនឯងនិងអ្នកដទៃកម្រិតណា?នៅពេលដែលជីវិតលំបាកលំបិន ជាធម្មតាទេ​ដែលមានយើង​អារម្មណ៍ថា​មានកំហុស​។ ការបន្ទោសខ្លួន​និងការ​ស្អប់ខ្លួនឯងមិនអាចជួយអ្វីបានទំាង​អស់។ ទោះយ៉ាងណាក៏ដោយ​គ្រប់គ្នា​ត្រូវតែរៀនអភ័យទោសឱ្យខ្លួនឯង​និងអ្នកផ្សេង ដើម្បីបំភ្លេច​ចោលហើយ​ឆ្ពោះទៅមុខ។ កុំបង្ខាំងខ្លួន​យើង​ក្នុងភាពងងឹត។

៤ កុំចូលរួម​ជាមួយ​ក្រុមណាដែលអួតថា​គេ​នឹង​ជួយ​ឱ្យយើងមានបាន

មនុស្ស​គ្រប់គ្នា​កើតមកដើម្បីខ្លួនគេ គេកាន់តែមាន ​គេរឹតតែចង់មានថែមឡើង។​ ការប្រមូលយើង​ឱ្យចូលរួម ​គឺដើម្បីមហិច្ឆតាជ្រៅ​របស់​ មិនមែន​ដើម្បីយើងទេ!​ឈប់ចាញ់បោកគេទៅ! កុំយកលុយ​ធំៗ ឬខ្ចីបុលធនាគារ​ទៅកាត់អីវ៉ាន់ពីគេ ចូលហ៊ុនជាមួយគេ ឬប្រថុយជាមួយអ្វីមួយ​ដែលមិនមែន​ជារបស់ខ្លួនយើង។ ចុះបើយើង​លក់មិនចេញគ្មាលុយសងបំណុល​ ចុះបើអ្នកជោគជ័យមុនៗនោះជាជោគជ័យ​ចុងក្រោយ? ចាំណា៎ ធ្វើអ្វីក៏​ដោយ​ តូចប៉ុណ្ណាក្ គួរ​តី​ធ្វើជារបស់យើង ចាញ់ឈ្នះ យើងអស់ចិត្ត ។ កុំធ្វើដើម្បីអ្នកណា​ផ្សេងដែល​យើងចាញ់ពាក្យ​គេ​ប្រូ ពូកែកុហកហើយ​ប្រើរង្វាន់ធំៗមកលួងយើង។ រង្វាន់ធំ សន្យា​ខ្លាំង ជោគជ័យងាយ ទំាងបីយ៉ាងនេះ ជាអន្ទាក់ វាជាអន្ទាក់ទេ! ប្រសិនបើ​វាងាយស្រួល​បែបនោះមែន គេមិនចែក​រំលែកជោគជ័យនោះ​ជាមួយយើង​ឡើយ។ ភ្ញាក់ខ្លួនឡើង!

ស្រស់