ចម្លាក់រូបតោមួយ​គូ​តម្លៃ​ ៣ ០០០ ដុល្លារ ប្រើ​ពេល​ ២ ខែ​ទើប​ឆ្លាក់​រួច – Kampuchea Thmey Daily
Connect with us
ធនាគារ ហត្ថា

ព័ត៌មានជាតិ

ចម្លាក់រូបតោមួយ​គូ​តម្លៃ​ ៣ ០០០ ដុល្លារ ប្រើ​ពេល​ ២ ខែ​ទើប​ឆ្លាក់​រួច

Published

on

ចម្លាក់ពីថ្មភក់រូបតោដែលមានលំនាំដើមក្នុងប្រាសាទសម្បូរព្រៃគុក ជារូបតោឆ្មាំយាមប្រាសាទដ៏ខ្លាំងក្លាដែលមានឥទ្ធិពលទៅនឹងជំនឿបែបព្រហ្មញ្ញសាសនា ត្រូវបានជាងចម្លាក់ក្នុងស្រុកសន្ទុកខេត្តកំពង់ធំយកមកឆ្លាក់តាមសម្រាប់អ្នកកម៉្មង់ទិញយកទៅដាក់តាមវត្តនានា។

សិប្បកម្មចម្លាក់ថ្មភក់នៅក្នុងស្រុកសន្ទុកខេត្តកំពង់ធំមានរហូតដល់ជាង២០កន្លែង ដែលបង្ហាញនូវ​ទេពកោសល្យស្នាដៃរស់រវើកនិងមានការប្រកួតប្រជែង។

ជាងចម្លាក់ សេង សាប៊ុន បានឲ្យដឹងតាមរយៈទូរស័ព្ទថា សិប្បកម្មរបស់លោក​ទើបបង្កើតឡើង៤ឆ្នាំ។ អតិថិជន​មានទំនុកចិត្តលើស្នាដៃចម្លាក់ថ្មភក់របស់​លោកដូចជារូបចម្លាក់ថ្មពីភក់រូបតោក្នុងរចនាបថប្រាសាទសម្បូរព្រៃគុកនាសតវត្សរ៍១៦ ដោយមានអតិថិជននិយមជាវច្រើនយកទៅដាក់តាមវត្តអារាម​នានា។

បើ​តាម​ម្ចាស់​សិប្បកម្ម​រូប​នេះ ចម្លាក់រូបតោនេះឆ្លាក់ទៅតាមក្បូនខ្នាតដែលមានកម្ពស់២ម៉ែត្រក្នុងតម្លៃ១គូ ៣ពាន់ដុល្លារត្រូវចំណាយពេលវេលាជាង២ខែ ទើប​ឆ្លាក់​រួច។ ស្នាដៃចម្លាក់ថ្មភក់នេះក្រៅពីរូបតោ នៅមានរូបពុទ្ធអង្គទៅតាមការកម៉្មង់ផងដែរ។

លោក សេង សាប៊ុន ប្រាប់​ថា ចម្លាក់ពីថ្មភក់នេះមិនចំណេញច្រើនទេព្រោះត្រូវចំណាយទិញថ្មភក់ដឹកជញ្ជួនពីខេត្តព្រះវិហារឆ្ងាយតែសិប្បកម្មមួយនេះក៏បានបង្ហាញពីអត្តសញ្ញាណខ្លួននូវស្នាដៃរស់រវើកជារបស់ខ្មែរពិតៗដោយមិនធ្វើការនាំចូលពីក្រៅនោះឡើយ៕

អត្ថបទ៖ កញ្ញា វ៉ាត

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម