ជីវិតកម្សាន្ដ

សុខ ពិសី អំពាវនាវឲ្យប្រជាពលរដ្ឋប្រុងប្រយ័ត្ន និងថែរក្សាសុខភាពគ្រប់គ្នា

បានផុស

៣ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

តារាចម្រៀងស្រីសំឡេងស្រទន់លំដាប់ជួរមុខរបស់ផលិតកម្មសាន់ដេ កញ្ញា សុខ ពិសី ទោះបីជាបច្ចុប្បន្ន នាងមានភាពមមាញឹកជាមួយអាជីពសិល្បៈ និងរកស៊ីផ្ទាល់ខ្លួនយ៉ាងណាក្តី តែតារាស្រីរូបនេះ នៅតែមិនភ្លេចបំផុសដល់ប្រជាពលរដ្ឋខ្មែរ ឲ្យមានការប្រុងប្រយ័ត្ន និងថែរក្សាសុខភាព ខណៈរដូវនេះ កំពុងធ្លាក់ខ្យល់ ហើយកើតមានបញ្ហាជំងឺកូវីដ-១៩ ជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតតារាចម្រៀងកញ្ញា សុខ ពិសី នាពេលកន្លងមក ត្រូវបានគេសង្កេតឃើញថា នាងមិនត្រឹមតែលេចមុខមាត់ លើសកម្មភាពការងារជួយសង្គមនោះទេ គឺនាងតែងបង្ហាញខ្លួនចូលរួមផ្សព្វផ្សាយនូវអំពើល្អៗជាច្រើន ពិសេស គឺការបំផុសអំពីបញ្ហាថែរក្សាសុខភាពរបស់ប្រជាពលរដ្ឋខ្មែរ នៅទូទាំងប្រទេស អំឡុងពេលកើតមានជំងឺកូវីដ-១៩ កាលពីពេលកន្លង។

តារាស្រីកញ្ញា សុខ ពិសី បានថ្លែងសារអំពាវនាវ ដោយខ្លីនៅលើបណ្តាញសង្គមហ្វេសប៊ុផ្ទាល់ខ្លួនថា សូមបងប្អូនថែរក្សាសុខភាពទាំងអស់គ្នា ហើយសូមឲ្យប្រជាជនខ្មែរ ជួបតែសំណាងល្អ។ យ៉ាងណាមិញ តាមរយៈខ្លឹមសារខ្លីរបស់របស់តារាចម្រៀងស្រីសំឡេងស្រទន់កញ្ញា សុខ ពិសី ខាងលើនេះដែរ ក៏មានមហាជននិងអ្នកប្រើប្រាស់បណ្តាញសង្គមមួយចំនួន បានថ្លែងការគាំទ្រនិងស្នើឲ្យបងប្អូនខ្មែរ ត្រូវតែមានការប្រុងប្រយ័ត្នថែរក្សាសុខភាពឲ្យបានគ្រប់ៗគ្នា ផងដែរ៕