Connect with us

ជីវិតកម្សាន្ដ

ចង់ដឹងទេតើនៅកម្ពុជាមានរោងភាពយន្តប៉ុន្មាននិងនៅខេត្តណាខ្លះ?

បានផុស

នៅ

បច្ចុប្បន្ននេះនៅប្រទេសកម្ពុជាមានរោងភាពយន្តសរុបចំនួន២២នៅតាមរាជធានីខេត្តចំនួន៥ ក្នុងនោះរាជធានីភ្នំពេញមានចំនួនច្រើនជាងគេ។ លោក ប៉ុក បូ​រក្ស ប្រធាន​នាយកដ្ឋាន​ភាពយន្ត​នៃក្រសួងវប្បធម៌ និងវិចិត្រសិល្ប:បានឲ្យដឹងនៅព្រឹកថ្ងៃទី២១វិច្ឆិកានេះថា បច្ចុប្បន្ននេះនៅទូទាំងប្រទេសមានរោងកុនចំនួន២២ មានបន្ទប់បញ្ចាំងចំនួន៩៨និងចំនួនកៅអីចំនួន១៤៣៤២កន្លែងនៅតាមរាជធានីខេត្តចំនួន៥។

លោកបានបន្តថា ក្នុងនោះមានរាជធានីភ្នំពេញមានរោងភាពយន្តចំនួន១៤មានបន្ទប់បញ្ចាំងចំនួន៧៥ និងមានចំនួនកៅអីជាង១ម៉ឺនកន្លែង។ ខេត្តសៀមរាបមានចំនួន៣មាន៧បន្ទប់ និងមានកៅអីជាង១៤០០កន្លែង ។ខេត្តព្រះសីហនុមានចំនួន២កន្លែងមាន៦បន្ទប់ និងមានចំនួនកៅអីជាង៦០០កន្លែង។ ខេត្តបាត់ដំបងមានចំនួន១កន្លែងមាន២បន្ទប់និងចំនួនកៅអីជិត៣០០កន្លែងនិងខេត្តបន្ទាយមានជ័យមានចំនួន២កន្លែងមាន៥បន្ទប់និងចមានចំនួនកៅអីជិត៥០០កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្ថែមទៀតថា គិតត្រឹមថ្ងៃនេះមានរោងភាពយន្ត ដែលបានបើកដំណើរការមានចំនួនដដែលទេដូចមុនព្រឹត្តិការណ៍ថ្ងៃ០៣វិច្ឆិកាពោលគឺមិនមានប្រែប្រួលទេ។

លោកបានបញ្ជាក់ថាមានរោងភាពយន្តនៅចំនួន៤រួមមានខេត្តបន្ទាយមានជ័យ ព្រះសីហនុ បាត់ដំបងនិងកំពង់ចាមកំពុងដាក់ពាក្យស្នើសុំមកក្រសួងសុំបើកដំណើរការរោងភាពយន្តឡើងវិញព្រោះថាមុនការបើកដំណើរការរោងកុនឡើងវិញនេះក្រសួងតម្រូវឲ្យដាក់ពាក្យស្នើសុំមកក្រសួងនិងចុះអនុស្សារណៈជាមួយក្រសួងជាមុនសិន។

លោកបានឲ្យដឹងទៀតថា ក្នុងនោះក្រសួងតម្រូវឲ្យរោងកុនទាំងនោះដាក់អ្នកទស្សនាបានតែ៥០ភាគរយប៉ុណ្ណោះនៃចំនួនកៅអីសរុបនិងត្រូវគោរពទៅតាមវិធានរបស់ក្រសួងសុខាភិបាលនិងក្រសួងវប្បធម៌ដូចជាតម្រូវឲ្យអ្នកចូលទស្សនាពាក់ម៉ាស វ៉ាស់កម្តៅ រក្សាគម្លាត សំអាតអនាម័យដៃ បញ្ចាំងសារអប់រំ បាញ់ថ្នាំសម្លាប់មេរោគពេលចប់រឿងនីមួយៗនិងសំអាតបន្ទប់ទឹកឲ្យមានអនាម័យស្អាតដើម្បីកុំឲ្យឆ្លងជំងឺផ្សេងៗពិសេសជំងឺកូវីដ១៩៕

សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម