ជីវិតកម្សាន្ដ
រ៉េត សារីតា អាចគ្រងមកុដបវរកញ្ញាចក្រវាលកម្ពុជា ដោយសារមានសមត្ថភាពពូកែបែបនេះ
ម្ចាស់មកុដបវរកញ្ញាចក្រវាលកម្ពុជា ប្រចាំឆ្នាំ២០២០ កញ្ញា រ៉េត សារីតា មានសមត្ថភាពខ្លាំងមិនធម្មតា បូករួមនិងការឆ្លើយសំណួរប្រកបដោយភាពជឿជាក់ព្រមទាំងចំណេះដឹងផងនោះ ទើបនាងអាចដណ្ដើមបានជយលាភីនារដូវកាលនេះ។
កម្មវិធីប្រកួតប្រជែងបវរកញ្ញាចក្រវាលកម្ពុជា រដូវកាលទី៤ ដែលផ្សាយបន្តផ្ទាល់ពីកញ្ចក់ទូរទស្សន៍បាយ័ន កាលពីថ្ងៃទី ២៦ ខែវិច្ឆិកា បានរកឃើញម្ចាស់មកុដថ្មីរបស់ខ្លួន ដោយបានទៅលើបេក្ខនារីពាក់ស្លាកលេខ ១៨ កញ្ញា រ៉េត សារីតា។
តើកញ្ាឯកកម្ពុជារូបនេះមានលក្ខណៈអ្វីខ្លះគួរឲ្យទាក់ទាញ?
ម្ចាស់គ្រងមកុដថ្មី រ៉េត សារីតា ក្នុងវ័យ ២៤ ឆ្នាំ បានបញ្ចប់បរិញ្ញាបត្រភាសាអង់គ្លេស និងកំពុងបន្តការសិក្សាថ្នាក់អនុបណ្ឌិតផ្នែក ទំនាក់ទំនងអន្តរជាតិ។ បវរកញ្ញាសម្បុរស្រអែមរូបនេះ ចេះនិយាយភាសាបរទេស ៣ យ៉ាងស្ទាត់គឺ ភាសាអង់គ្លេស ថៃ និងបារាំង។
កាលវ័យ ១៩ ឆ្នាំ បវរកញ្ញារូបនេះទទួលបានពានរង្វាន់ជើងឯក CHAMPION AWARD ដំបូងគេនិងក្មេងជាងគេ បន្ទាប់ពីការចាក់ផ្សាយតាមកញ្ចក់ទូរទស្សន៍ BBC Cambodiaដែលមានឈ្មោះថា Love9 ដែលជាកម្មវិធីជួយលើកកម្ពស់ការយល់ដឹងអំពីការអប់រំសុខភាពផ្លូវភេទនិងសុខភាពបន្តពូជសម្រាប់យុវជន។ បន្ថែមពីលើនោះ កញ្ញាធ្លាប់ចូលរួមជាមួយអង្គការក្រៅរដ្ឋាភិបាលមួយចំនួនដើម្បីនិយាយអំពីសុខភាពផ្លូវភេទសម្រាប់យុវជនថែមទៀតផង។
រ៉េត សារីតា មានចំណូលចិត្តលេងបាល់ទាត់ ហែលទឹក និងចម្អិនអាហារ។ កញ្ញាចាប់ផ្តើមធ្វើដំណើរតាំងពីអាយុ ៨ ឆ្នាំ រហូតមកទល់ពេលនេះ នាងបានទៅដល់ប្រទេសមួយចំនួនដូចជា សហរដ្ឋអាមេរិក វៀតណាម ថៃ តៃវ៉ាន់ ហុងកុង ម៉ាឡេស៊ី ឥណ្ឌូនេស៊ី សិង្ហបុរី និងហ្វីលីពីន។
បវរចក្រវាលកម្ពុជា ២០២០ រូបនេះ ក៏ត្រូវបានគេស្គាល់ផងដែរថាជាពិធីការិនីទូរទស្សន៍ដែលបានចូលរួមព្រឹត្តិការណ៍ធំៗនៅក្នុងប្រទេសដូចជា កម្មវិធីប្រកួតអន្តរជាតិពានរង្វាន់រាត្រី និងព្រឹត្តិការណ៍សាជីវកម្មជាច្រើនដែលមានគេស្គាល់ទូទាំងពិភពលោក។ មួយវិញទៀត កញ្ញាជាឯកអគ្គរដ្ឋទូតម៉ាកយីហោរមួយចំនួនផងដែរ។ កញ្ញាក៏ជាតារាសម្តែង អ្នកផលិតខ្សែភាពយន្ត អ្នកអានស្គ្រីប និងទើបតែបញ្ចប់វគ្គសិក្សារបស់ខ្លួនក្នុងការនិពន្ធរឿងថ្មីៗនេះ។
អ្វីកាន់តែភ្ញាក់ផ្អើល រ៉េត សារីតា ក៏ជាអ្នកហ្វឹកហាត់ក្បាច់គុនល្បុក្កតោ ឬ L’bokator ដែលជាក្បាច់ប្រយុទ្ធចំណាស់ជាងគេមួយនៅក្នុងប្រទេសកម្ពុជា៕
អត្ថបទ៖ សន្យា
ចុចអាន៖ ឈុតតំណាងជាតិបវរកញ្ញាចក្រវាល និមិត្តរូបវប្បធម៌ដ៏សំបូរបែបនៃព្រះរាជាណាចក្រកម្ពុជា
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)