ព័ត៌មានអន្ដរជាតិ
លោក Trump អះអាងថា ព័ត៌មានវ៉ាក់សាំងត្រូវបានលាក់ទុក ដល់ចាញ់ឆ្នោតហើយទើបបញ្ចេញ
លោក Donald Trump បានអះអាងថា វ៉ាក់សាំងកូវីដ១៩ត្រូវបានគេលាក់ព័ត៌មានក្នុងគោលបំណងធ្វើឲ្យប៉ះពាល់ដល់ឱកាសជាប់ឆ្នោតរបស់គាត់។
ប្រធានាធិបតីអាមេរិករូបនេះត្រូវបានគូប្រជែងលោក Joe Biden យកឈ្នះបន្ទាប់ពីអតីតសមាជិកព្រឹទ្ធសភាបានបំបែកកំណត់ត្រារបស់លោក Barack Obama សម្រាប់ការទទួលបានសំឡេងគាំទ្រច្រើនបំផុតនៅក្នុងការបោះឆ្នោត។
ទោះបីជាយ៉ាងណាក៏ដោយ កាលពីម្សិលមិញនេះ ក្រុមហ៊ុនឱសថយក្ស Pfizer បានប្រកាសពីទិន្នន័យដំបូងពីការសាកល្បងវ៉ាក់សាំងកូវីដ១៩របស់ខ្លួនដោយបង្ហាញថា វាមានប្រសិទ្ធភាពជាង៩០ភាគរយ។
វាបង្ហាញសញ្ញានៃជ័យជម្នះក្នុងសង្គ្រាមប្រឆាំងវីរុសកូរ៉ូណាដែលបានសម្លាប់មនុស្សជាងមួយលាននាក់និងបានបំផ្លាញសេដ្ឋកិច្ចពិភពលោក។
មេដឹកនាំគណបក្សសាធារណរដ្ឋបានអះអាងថា រដ្ឋបាលចំណីអាហារនិងឪសថអាមេរិក (FDA) ក៏ដូចជាអ្នកប្រជាធិបតេយ្យបានលាក់ព័ត៌មាននៃវ៉ាក់សាំងរហូតដល់ក្រោយការបោះឆ្នោត។
គាត់បានបង្ហោះ Twitter ដើម្បីអះអាងថា គូប្រជែងរបស់គាត់និង FDA បានរៀបចំការឆ្លើយតបទៅនឹងជំងឺរាតត្បាតកូវីដ១៩ដើម្បីការពារគាត់មិនឲ្យជាប់ឆ្នោតជាថ្មី។
លោក Trump បានសរសេរនៅលើ Twitter ថា “@US_FDA និងអ្នកប្រជាធិបតេយ្យមិនចង់ឲ្យខ្ញុំទទួលបានវ៉ាក់សាំងឈ្នះមុនការបោះឆ្នោតទេ ដូច្នេះវាចេញមក៥ថ្ងៃក្រោយដូចខ្ញុំបាននិយាយអញ្ចឹង!”។
មហាសេដ្ឋីរូបនេះតែងតែអះអាងអំឡុងយុទ្ធនាការឃោសនាបោះឆ្នោតថា វ៉ាក់សាំងនឹងត្រូវបានត្រៀមរួចរាល់នៅថ្ងៃបោះឆ្នោត។
យ៉ាងណាក្តី ក្រុមហ៊ុន Pfizer បានបដិសេធរាល់ការចោទប្រកាន់ដែលថា ពេលវេលានៃការប្រកាសរបស់ពួកគេមានជាប់ពាក់ព័ន្ធនឹងរឿងនយោបាយ៕
ប្រែសម្រួលដោយ៖ Vann Vann
ប្រភព៖ Mirror
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង