ឆេះតង់ក្នុងជំរំជនភៀសខ្លួនប្រទេសក្រិកបណ្ដាលឲ្យខូចខាតហេដ្ឋារចនាសម្ព័ន្ធមួយចំនួន – Kampuchea Thmey Daily
Connect with us

ព័ត៌មានអន្ដរជាតិ

ឆេះតង់ក្នុងជំរំជនភៀសខ្លួនប្រទេសក្រិកបណ្ដាលឲ្យខូចខាតហេដ្ឋារចនាសម្ព័ន្ធមួយចំនួន

Published

on

អគ្គិភ័យបានឆាបឆេះឆ្លងកាត់តង់ និងបំផ្លាញរចនាសម្ព័ន្ធមួយចំនួននៅក្នុងជំរំជនភៀសខ្លួនមួយនៅកោះ Samos ភាគខាងកើតប្រទេសក្រិក ខណៈមិនមានសេចក្តីរាយការណ៍ភ្លាមៗអំពីការស្លាប់ និងរងរបួសណាមួយឡើយ ។

នាយកដ្ឋានពន្លត់អគ្គិភ័យបាននិយាយថា អគ្គិភ័យដែលបានឆាបឆេះនៅព្រឹកថ្ងៃពុធ ទី១១ ខែវិច្ឆិកា នេះគឺមានទំហំធំ និងត្រូវបានពន្លត់ដោយក្រុមពន្លត់អគ្គិភ័យចំនួន ១៨ នាក់ដោយប្រើប្រាស់រថយន្តចំនួន ៩ គ្រឿង ហើយមិនមានព័ត៌មានភ្លាមៗអំពីចំនួនតង់ដែលត្រូវបានបំផ្លាញនោះទេ ។

តង់ជាច្រើនត្រូវបានដំឡើងជិតគ្នានៅក្នុងជំរំដែលចង្អៀតណែនណាន់តាន់តាប់ ហើយមានការផ្ទុះឆេះចេញពីកំប៉ុងហ្គាសតូចៗត្រូវបានគេមើលឃើញពីកន្លែងចម្អិនអាហាររបស់អ្នកស្រុក ។

គេមិនទាន់ដឹងច្បាស់ពីមូលហេតុដែលបណ្តាលឲ្យមានអគ្គិភ័យនេះនោះទេ ខណៈមានមនុស្សជាង ៣,៨០០ នាក់រស់នៅក្នុង និងជុំវិញជំរុំកោះ Samos ដែលត្រូវបានសាងសង់ដំបូងគេសម្រាប់ជម្រកនៃមនុស្សក្រោម ៦៥០ នាក់ ។

នៅក្នុងខែកញ្ញា អគ្គិភ័យជាច្រើនបានបំផ្លាញជំរុំ Moria ដែលជាជំរំជនភៀសខ្លួនដ៏ធំបំផុតរបស់ប្រទេសក្រិកនៅលើកោះ Lesbos ដែលបណ្តាលឲ្យមនុស្សជាង ១០,០០០ នាក់ត្រូវការទីជម្រកបណ្ដោះអាសន្ន ។ អាជ្ញាធរក្រិកបាននិយាយថា អគ្គិភ័យទាំងនោះត្រូវបានដុតដោយក្រុមប្រជាជននៃជំរុំដែលតវ៉ាប្រឆាំងនឹងការដាក់ខ្លួននៅដាច់ដោយឡែក និងបទបញ្ជាបិទប្រទេសដែលបានដាក់បន្ទាប់ពីការផ្ទុះឡើងនៃជំងឺកូវីដ ១៩ នៅក្នុងជំរំ ។

ប្រទេសក្រិកគឺជាផ្លូវសំខាន់មួយទៅកាន់សហភាពអឺរ៉ុបរបស់ប្រជាជនដែលភៀសខ្លួនចេញពីភាពក្រីក្រ និងជម្លោះនៅអាស៊ីអាហ្វ្រិក និងមជ្ឈឹមបូព៌ា ។ ភាគច្រើននៃពួកគេធ្វើដំណើរទៅកាន់កោះក្រិកភាគខាងកើតពីឆ្នេរប្រទេសទួរគីក្បែរនោះ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ3 hours ago

រថយន្ត​សង្គ្រោះ​បន្ទាន់​ដឹក​សំណាក​កូវីដ១៩​ បុក​ម៉ូតូ​ដឹក​រ៉ឺម៉ង​បណ្ដាល​ឲ្យ​បុរសម្នាក់​ស្លាប់​នៅ​នឹង​កន្លែង

ព័ត៌មានជាតិ4 hours ago

អភិបាល​ខណ្ឌទួល​គោក​ចុះ​បាញ់​ថ្នាំ​សម្លាប់​មេរោគ​ ក្នុង​បរិវេណ​ផ្សារ​សាមគ្គី ដើម្បី​ចូល​រួម​ទប់ស្កាត់​វីរុស​កូវីដ១៩

ព័ត៌មានជាតិ4 hours ago

ទំព័រ​ហ្វេសបុក សម្តេចក្រឡាហោម ទម្លាយ​សកម្មភាព​លោក​ឆែម សាវុធ ក្នុងអំឡុងពេល​ចូលរួម​កិច្ចប្រជុំ​អន្តរក្រសួង (Videos)

ព័ត៌មានជាតិ5 hours ago

ត្រីមាស​ទី​៣​ឆ្នាំ​២០២០​ ការងារ​កែទម្រង់​ហិរញ្ញវត្ថុ​សាធារណៈ​នៅតែ​រក្សា​បាន​លទ្ធផល​ល្អប្រសើរ​

ព័ត៌មានជាតិ5 hours ago

ក្រសួងមហាផ្ទៃ​ណែនាំ ពីវិធានការចេញចូល​ក្រសួង អំឡុង​ពេល​ទប់ស្កាត់​កូវីដ១៩

ព័ត៌មានពេញនិយម