អ្នកស្នងតំណែងមេក្រុមអាល់កៃដានិងជា​មេខ្លោងបំផ្ទុះគ្រាប់បែកស្ថានទូតអាមេរិកត្រូវបានសម្លាប់ – Kampuchea Thmey Daily
Connect with us

ព័ត៌មានអន្ដរជាតិ

អ្នកស្នងតំណែងមេក្រុមអាល់កៃដានិងជា​មេខ្លោងបំផ្ទុះគ្រាប់បែកស្ថានទូតអាមេរិកត្រូវបានសម្លាប់

Published

on

ដោយដកស្រង់សម្តីមន្ត្រីចារកម្ម កាសែត New York Times បានរាយការណ៍នៅថ្ងៃសៅរ៍នេះថា មេបញ្ជាការទី២នៃក្រុមអាល់កៃដាដែលត្រូវបានចោទប្រកាន់ថាបានជួយរៀបចំផែនការបំផ្ទុះគ្រាប់បែកនៅស្ថានទូតអាមេរិក២កន្លែងក្នុងទ្វីបអាហ្វ្រិកត្រូវបានសម្លាប់ក្នុងប្រទេសអ៊ីរ៉ង់កាលពីខែសីហា។

កាសែតអាមេរិកបានរាយការណ៍ថា លោក Abdullah Ahmed Abdullah ឬ Abu Muhammad al-Masri ត្រូវបានបាញ់សម្លាប់ដោយបុរសពីរនាក់ដែលជិះម៉ូតូក្នុងទីក្រុង Tehran កាលពីជាងបីខែមុន។

មន្រ្តីស៊ើបការណ៍សម្ងាត់បានប្រាប់កាសែតថា ការសម្លាប់លោក al-Masri ដែលត្រូវបានគេមើលឃើញថាជាអ្នកស្នងតំណែងរបស់មេដឹកនាំអាល់កៃដាបច្ចុប្បន្នគឺលោក Ayman al-Zawahri ត្រូវបានធ្វើឡើងដោយភ្នាក់ងារអ៊ីស្រាអែលតាមបញ្ជារបស់អាមេរិក។

ទោះបីជាយ៉ាងណាក៏ដោយ កាសែតនេះបានបន្ថែមថា គេមិនច្បាស់ទេថាតើអាមេរិកមានតួនាទីអ្វីនៅក្នុងការសម្លាប់អ្នកប្រយុទ្ធដើមកំណើតអេហ្ស៊ីបរូបនេះកាលពីថ្ងៃទី៧ខែសីហា។

កាសែតនេះបានរាយការណ៍ថា លោក Al-Masri ត្រូវបានសម្លាប់រួមជាមួយកូនស្រីរបស់គាត់។

លោក Al-Masri ត្រូវបានដាក់បញ្ចូលក្នុងបញ្ជីភេរវករដែល FBI តាមចាប់ខ្លួនហើយត្រូវបានចោទប្រកាន់នៅសហរដ្ឋអាមេរិកពីបទឧក្រិដ្ឋទាក់ទងនឹងការបំផ្ទុះគ្រាប់បែកនៅស្ថានទូតអាមេរិកក្នុងប្រទេសកេនយ៉ានិងតង់ហ្សានីដែលក្នុងនោះមនុស្ស២២៤នាក់ត្រូវបានសម្លាប់និងរាប់រយនាក់រងរបួស៕

ប្រែសម្រួលដោយ៖ Vann Vann

ប្រភព៖ Al Jazeera

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ3 mins ago

ចង់​ដឹង​ទេតើ​រោគសញ្ញា​ជំងឺ​កូ​វីដ​១៩​ និង ​ជំងឺ​ផ្តាសាយ​ មាន​លក្ខណៈ​ខុសគ្នា​ត្រង់​ណាខ្លះ

ព័ត៌មានជាតិ12 mins ago

ក្រសួង​អប់រំ​ បើក​វេទិកា​សិក្សា​តាម​ប្រព័ន្ធ​អេ​ឡិច​ត្រូ​និ​ច​ជាដំបូង​នៅ កម្ពុជា

ព័ត៌មានជាតិ37 mins ago

នាយករដ្ឋមន្ត្រី​ដាក់​បញ្ជា​អោយ​បង្ហាញ​អត្តសញ្ញាណ​អ្នកពាក់ព័ន្ធ​ជំងឺ​កូ​វីដ​១៩

ព័ត៌មានជាតិ2 hours ago

មន្ទីរ​សាធារណការ​ជួសជុល​ផ្លូវជាតិ​លេខ​៥​រងគ្រោះ​ដោយ​ទឹកជំនន់​ចន្លោះ​ស្ពាន​តា​ផាន់​ដល់​រង្វង់​មូល​ស្រី​គ្រប់លក្ខណ៍

ព័ត៌មានជាតិ2 hours ago

រមណីយដ្ឋាន​ឆ្នេរ​ខ្សាច់​កោះ​ប៉ែន ខុសប្លែក​ពី​រាល់​ឆ្នាំ ខណៈ​ចាប់​ផ្តើមក​សាង​ហើយ

ព័ត៌មានពេញនិយម