ព័ត៌មានអន្ដរជាតិ
មន្ត្រីមួយក្រុមប៉ុនប៉ងធ្វើឃាតនាយករដ្ឋមន្ត្រីអាមេនី
សេវាកម្មសន្តិសុខជាតិ (NSS) បាននិយាយកាលពីថ្ងៃសៅរ៍ថា ប្រទេសអាមេនីបានរារាំងការប៉ុនប៉ងធ្វើឃាតលើលោកនាយករដ្ឋមន្រ្តី Nikol Pashinyan និងការរឹបអូសអំណាចដោយក្រុមមន្រ្តីមួយក្រុម ។
លោក Pashinyan បានរងសម្ពាធដោយក្រុមបាតុកររាប់ពាន់នាក់ដែលបានធ្វើការតវ៉ាចាប់តាំងពីថ្ងៃអង្គារមក ហើយបានទាមទារឲ្យលោកលាលែងពីតំណែងពាក់ព័ន្ធបទឈប់បាញ់គ្នាជាមួយប្រទេសអាហ្សែបៃហ្សង់នៅតំបន់ជម្លោះ Nagorno-Karabakh បន្ទាប់ពីការប្រយុទ្ធគ្នាអស់រយៈពេល ៦ សប្តាហ៍ ។
NSS បាននិយាយថា អតីតប្រធានរបស់ខ្លួនគឺលោក Artur Vanetsyan អតីតប្រធានសមាជិកសភានៃគណបក្សសាធារណរដ្ឋគឺលោក Vahram Baghdasaryan និងអ្នកស្ម័គ្រចិត្តសង្គ្រាមលោក Ashot Minasyan ត្រូវបានចាប់ខ្លួន ។
នៅក្នុងសេចក្តីថ្លែងការណ៍មួយ NSS បាននិយាយថា “ជនសង្ស័យបានគ្រោងនឹងដណ្តើមអំណាចដោយខុសច្បាប់ដោយប៉ុនប៉ងសម្លាប់នាយករដ្ឋមន្រ្តីហើ យមានបេក្ខជនសក្តានុពលជាច្រើនកំពុងត្រូវបានពិភាក្សាដើម្បីជំនួសគាត់” ។
លោក Pashinyan បាននិយាយកាលពីដើមសប្តាហ៍នេះថា គាត់គ្មានជំរើសអ្វីក្រៅពីចុះហត្ថលេខាលើកិច្ចព្រមព្រៀងដើម្បីការពារការបាត់បង់ទឹកដីបន្តទៀតនោះទេ ។ លោកបាននិយាយថា លោកកំពុងទទួលខុសត្រូវផ្ទាល់ខ្លួនចំពោះឧបសគ្គនេះ ប៉ុន្តែបានច្រានចោលការអំពាវនាវឲ្យចុះចេញពីតំណែង ។
បទឈប់បាញ់បានបញ្ឈប់សកម្មភាពយោធានៅក្នុង និងជុំវិញតំបន់ Nagorno-Karabakh ដែលត្រូវបានទទួលស្គាល់ជាអន្តរជាតិជាផ្នែកមួយនៃប្រទេសអាហ្សែបៃហ្សង់ ប៉ុន្តែមានប្រជាជនជនជាតិអាមេនីរស់នៅ ។ ក្រោមកិច្ចព្រមព្រៀងនេះកងរក្សាសន្តិភាពរុស្ស៊ីចំនួន ២,០០០ នាក់កំពុងត្រូវបានដាក់ពង្រាយទៅកាន់តំបន់នេះ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង