ព័ត៌មានអន្ដរជាតិ
ក្រសួងការបរទេសអាមេរិកបារម្ភថា ដ្រូនមុជទឹករបស់រុស្ស៊ីអាចបង្កជារលកយក្សស៊ូណាមិលើប្រទេសខ្លួន
មន្ត្រីក្រសួងការបរទេសសហរដ្ឋអាមេរិកបានចេញការព្រមានជុំវិញការទប់ស្កាត់នុយក្លេអ៊ែររបស់រុស្ស៊ីដោយនិយាយថា ដ្រូនមុជទឹកបំពាក់ដោយក្បាលគ្រាប់ដ៏មានសមត្ថភាពបណ្តាលឲ្យមានរលកយក្សស៊ូណាមិ ។
លោក Christopher Ford ជំនួយការរដ្ឋលេខាធិការទទួលបន្ទុកសន្តិសុខអន្តរជាតិ និងមិនមែនអាវុធបានធ្វើការអះអាងនេះនៅក្នុងសន្និសីទតាមវីដេអូខនហ្វើរេនស្តីពីអាវុធនុយក្លេអ៊ែរ និងច្បាប់អន្តរជាតិ ។ លោកបានប្រាប់អ្នកសារព័ត៌មានក្រុងវ៉ាស៊ីនតោនថា មានហេតុផលដែលត្រូវយកចិត្តទុកដាក់ចំពោះគោលនយោបាយរបស់រុស្ស៊ី ។ លោក Ford សង្ស័យថា ទីក្រុងមូស្គូដែលនិយាយថា ឃ្លាំងអាវុធនុយក្លេអ៊ែររបស់ខ្លួនមានតែសម្រាប់គោលបំណងការពារប៉ុណ្ណោះនោះនឹងប្រើវាយ៉ាងសមាមាត្រក្នុងករណីមានជម្លោះ ។
លោកក៏បានសម្តែងការព្រួយបារម្ភចំពោះការអភិវឌ្ឍដ្រូនមុជទឹក Poseidon របស់ក្រុងមូស្គូដែលអាចត្រូវបានបំពាក់ដោយអាវុធធម្មតា និងអាវុធនុយក្លេអ៊ែរ ។
សញ្ញាគួរឲ្យព្រួយបារម្ភមួយទៀតកើតឡើងជាមួយនឹងការអភិវឌ្ឍដ្រូនមុជទឹកដើរដោយថាមពលនុយក្លេអ៊ែរ Poseidon របស់រុស្ស៊ី ដែលវាទំនងជាបំពាក់ក្បាលគ្រាប់នុយក្លេអ៊ែរជាច្រើន និងបាញ់នៅទូទាំងមហាសមុទ្រក្នុងពេលសង្គ្រាមដើម្បីធ្វើឲ្យទីក្រុងឆ្នេរសមុទ្រអាមេរិកលិចលង់ដោយរលកយក្សស៊ូណាមិ និងវិទ្យុសកម្ម ។
លោកបានបន្តទៀតថា គំនិតបែបនេះបង្កើតជាសំណួរធ្ងន់ធ្ងរថាតើវាអាចត្រូវបានប្រើស្របតាមច្បាប់អន្តរជាតិដែរឬក៏យ៉ាងណា ។
គួរបញ្ជាក់ថា Poseidon ដែលគេស្គាល់ឈ្មោះផងដែរថា “Status-6” ត្រូវបានប្រកាសដោយប្រធានាធិបតីរុស្ស៊ីលោក Vladimir Putin កាលពីខែមីនា ឆ្នាំ ២០១៨ ថាជាផ្នែកមួយនៃក្រុមអាវុធនុយក្លេអ៊ែរមួយក្រុមដើម្បីប្រឆាំងនឹងការគំរាមកំហែងនុយក្លេអ៊ែររបស់សហរដ្ឋអាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ RT
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង