បាតុកម្មនៅថៃឈាន​ដល់ការ​បាញ់​ទឹក​បង្រ្កាបបាតុករ ខណៈ​អ្នក​តវ៉ាចោលគ្រាប់បែកផ្សែងប្រឆាំង​សមត្ថកិច្ច – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

បាតុកម្មនៅថៃឈាន​ដល់ការ​បាញ់​ទឹក​បង្រ្កាបបាតុករ ខណៈ​អ្នក​តវ៉ាចោលគ្រាប់បែកផ្សែងប្រឆាំង​សមត្ថកិច្ច

Published

on

ស្ថានភាព​បាតុកម្មតវ៉ាឲ្យ​នៅ​ខាង​ក្រៅ​សភា​ជាតិ​ថៃ កំពុង​តែ​ក្តៅ​ខ្លាំងរសៀល​​នៅ​ថ្ងៃ​អង្គារ៍នេះ បង្ខំ​ឲ្យ​កងរក្សា​សន្តិសុខ​ប្រើប្រាស់​ឡាន​ទឹក​បាញ់​ទៅ​លើ​អ្នក​តវ៉ា​រាប់ម៉ឺននាក់ ស្របពេល​សមាជិក​សភា បាន​ពិភាក្សា​ឈាន​ទៅ​រក​ការ​ផ្លាស់​ប្តូរ​អាច​ទៅ​រួច​មួយ​ដើម្បី​ធ្វើ​កំណែ​ទម្រង់​រដ្ឋធម្មនុញ្ញ។

ក្រុម​អ្នក​តវ៉ា​ដែល​គេ​ស្គាល់​ថា ជាក្រុម​គាំទ្រ​លទ្ធិប្រជាធិបតេយ្យ បាន​កំពុង​ទាម​ទារឲ្យ​មាន​ការ​ធ្វើ​កំណែ​ទម្រង់រដ្ឋធម្មនុញ​ដែល​ជា​ការ​តាក់​តែង​ឡើង​អំឡុង​ពេល​ប្រទេស​ថៃ ស្ថិត​ក្រោម​ការ​ដឹកនាំ​ដោយ​របប​យោធា ខណៈ​អ្នក​តវ៉ា ក៏​ចង់​ឲ្យ​ដក​តំណែង​នាយករដ្ឋមន្ត្រីថៃ លោកប្រយុទ្ធ ចាន់អូចា ដែល​ជាអតីត​មេទ័ព​កំពូល រួម​ទាំង​ស្នើ​ឲ្យ​មាន​ការ​ដក​អំណាច​ពី​ស្ថាប័ន​រាជវង្ស​ថៃ​ទៀត​ផង។

ប៉ូលិសជាច្រើន ត្រូវបាន​ដាក់​ពង្រាយ​ការពារ​ពីមុខ​វិមាន​រដ្ឋ​សភា ស្របពេល​ដែល​ក្រុម​អ្នក​តវ៉ា​ផ្សេង​ទៀត ដែល​ជាក្រុមអាវលឿង ស្មោះស្ម័គ្រនឹង​រាជវង្ស​ថៃ ក៏កំពុង​អំពាវនាវ​ឲ្យអ្នក​សមាជិកសភា កុំ​ធ្វើ​កំណែទម្រង់រដ្ឋធម្មនុញ្ញ។

ទូរទស្សន៍​ក្នុង​ប្រទេស​ថៃ​ជាច្រើន បាន​ផ្សាយ​រូបភាព​បង្ហាញ​ពី​សកម្មភាព​បាញ់​ទឹក​ទៅ​លើ​ក្រុម​អ្នក​តវ៉ា​ប្រឆាំង​រដ្ឋាភិបាល នាំ​ឲ្យក្រុមអ្នក​តវ៉ា​ចោល​គ្រាប់​បែក​ផ្សែង​ទៅ​កាន់​ប៉ូលិស​ដូចគ្នា៕

ប្រែសម្រួល៖ សុភា
ប្រភព៖ Reuters

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម