ថតស្រាតលើខ្នងដំរី តារាម៉ូដែលម្នាក់រងការរិះគន់ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

ថតស្រាតលើខ្នងដំរី តារាម៉ូដែលម្នាក់រងការរិះគន់

Published

on

តារាម៉ូដែលទស្សនាវដ្តី Miss Maxim ម្នាក់បានបង្កឲ្យមានភាពចម្រូងចម្រាសដោយសារតែការថតរូបលើខ្នងដំរីមួយក្បាល។

Jessica Rast ត្រូវបានបំផុសគំនិតដោយធម្មជាតិដែលនាងបានឃើញក្នុងអំឡុងពេលធ្វើដំណើរទៅកាន់ប្រទេសអូស្រ្តាលីនិងការធ្វើដំណើរបរបាញ់។

ដូច្នេះដើម្បីចាប់យកបទពិសោធន៍ខ្លះៗ នាងបានថតរូបនៅលើសត្វដំរីមួយក្បាល។

នាងពន្យល់ថា “រូបថតនេះត្រូវបានថតយ៉ាងស្ងាមស្ងាត់ មានអ្នកការពារសត្វជួយថតឲ្យខ្ញុំ”។

ទោះបីជាយ៉ាងណាក៏ដោយ រូបភាពនៃការធ្វើដំណើរនៅកោះបាលីបានបង្កភាពល្បីល្បាញនៅពេលនាងបង្ហោះវានៅលើបណ្តាញសង្គម។

ការជិះដំរីត្រូវបានថ្កោលទោសដោយអង្គការសុខុមាលភាពសត្វនានាដូចជា Humane Society of the US និង Association of Zoos and Aquariums ជាដើម។

នេះដោយសារតែ សត្វដំរីត្រូវបានរំលោភបំពានជាញឹកញាប់ដើម្បីបង្វឹកពួកគេឲ្យដឹកភ្ញៀវទេសចរ។

ទោះបីជាបែបនេះក៏ដោយ Jessica បាននិយាយការពារការថតនេះហើយបានពណ៌នារូបចម្លាក់ថាជា សិល្បៈ។

នៅលើបណ្តាញសង្គម Instagram តារាម៉ូដែលកាណាដារូបនេះបានសរសេរថា “គ្រាន់តែជាទេពអប្សរព្រៃ។ យើងជាធម្មជាតិ។ នេះគឺជាធម្មជាតិ។ តើអ្នកយល់ថា សិល្បៈនេះគួរឲ្យស្អប់ខ្ពើមមែនទេ?។ សម្រាប់ខ្ញុំ អ្វីៗទាំងអស់គឺសុទ្ធតែជាសិល្បៈ”។

ទោះបីជាការជិះដំរីនេះត្រូវបានថ្កោលទោសដោយអង្គការសត្វជាច្រើនក៏ដោយប៉ុន្ដែការបង្ហោះរបស់តារារូបនេះនៅតែទទួលបានការចុច Like ចំនួន៦,០០០ Like៕

ប្រែសម្រួលដោយ៖ Vann Vann

ប្រភព៖ Daily Star

Click to comment

Leave a Reply

Your email address will not be published.

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម