វីដេអូលោក ពូទីន ក្អកខ្លាំងៗក្នុងកិច្ចប្រជុំ ធ្វើឲ្យគេបារម្ភថា គាត់ឆ្លងកូវីដ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

វីដេអូលោក ពូទីន ក្អកខ្លាំងៗក្នុងកិច្ចប្រជុំ ធ្វើឲ្យគេបារម្ភថា គាត់ឆ្លងកូវីដ

Published

on

កាលពីថ្ងៃពុធ វិមានក្រឹមឡាំងត្រូវបង្ខំចិត្តចេញមុខបដិសេធថា លោក វ្ល៉ាឌីមៀរ ពូទីន មានបញ្ហាសុខភាពបន្ទាប់ពីគាត់ត្រូវបានគេមើលឃើញក្អកក្នុងអំឡុងកិច្ចប្រជុំតាមកញ្ចក់ទូរទស្សន៍។

ប្រធានាធិបតីរុស្ស៊ីវ័យ៦៨ឆ្នាំរូបនេះបានប្រឹងប្រែងនិយាយឲ្យចប់ខណៈពេលថ្លែងទៅកាន់ក្រុមមន្ត្រីកំពូលអំពីបញ្ហាហិរញ្ញវត្ថុធ្ងន់ធ្ងរដែលបង្កឡើងដោយជំងឺកូវីដ១៩។ លោកត្រូវបានគេបារម្ភថា អាចឆ្លងជំងឺនេះ។

ក្រោយមក វីដេអូត្រូវបានការិយាល័យរបស់គាត់កែសម្រួលដើម្បីឲ្យការក្អករបស់លោក ពូទីន មើលទៅហាក់ដូចជាមិនសូវធ្ងន់ធ្ងរដូចក្នុងវីដេអូមុននេះ។

ទីភ្នាក់ងារសារព័ត៌មានរដ្ឋ TASS បានសាកសួរវិមានក្រឹមឡាំងអំពីសុខភាពរបស់លោក ពូទីន ហើយត្រូវបានគេប្រាប់ថា គាត់មានសុខភាពធម្មតា។ ទីភ្នាក់ងារនេះនិយាយថា “លោកប្រធានាធិបតីបានសុំទោសនិងបន្តកិច្ចប្រជុំដោយមិនឈប់”។

លោក ពូទីន កំពុងនិយាយតាមវីដេអូទៅកាន់រដ្ឋមន្រ្តីក្រសួងហិរញ្ញវត្ថុលោក Anton Siluanov និងមន្រ្តីជាន់ខ្ពស់ដទៃទៀតនៅពេលការក្អកចាប់ផ្តើម។

ទោះបីជាប្រទេសរុស្ស៊ីមានវ៉ាក់សាំងប្រសិទ្ធភាពចំនួនពីរក៏ដោយ គាត់មិនបានចាក់ទេតែកូនស្រីរបស់គាត់ឈ្មោះ Katerina អាយុ៣៤ឆ្នាំបានចាក់វ៉ាក់សាំងមួយ។

គាត់នៅតែនៅដាច់ពីគេក្នុងរយៈពេលប៉ុន្មានខែថ្មីៗនេះបន្ទាប់ពីមានការភ័យខ្លាចក្នុងខែមេសានៅពេលគាត់បានទាក់ទងជាមួយវេជ្ជបណ្ឌិតម្នាក់ដែលឆ្លងកូវីដនៅគ្លីនិកក្រុងមូស្គូ៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

Click to comment

Leave a Reply

Your email address will not be published.

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម