ព្យុះត្រូពិក Iota សម្លាប់មនុស្ស១៤នាក់នៅប្រទេស ហុងឌូរ៉ាស់ – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

ព្យុះត្រូពិក Iota សម្លាប់មនុស្ស១៤នាក់នៅប្រទេស ហុងឌូរ៉ាស់

Published

on

គណៈកម្មាធិការទប់ទល់គ្រោះអាសន្នអចិន្រ្តៃយ៍ (Copeco) បាននិយាយកាលពីថ្ងៃព្រហស្បតិ៍ថា ព្យុះត្រូពិក Iota បានបណ្តាលឲ្យមនុស្សយ៉ាងតិច១៤នាក់ស្លាប់និងម្នាក់បាត់ខ្លួនបន្ទាប់ពីវាយប្រហារប្រទេសហុងឌូរ៉ាស់ជាមួយភ្លៀងធ្លាក់ខ្លាំង។

ប្រជាជនប្រមាណ៩៦,៦៨៤នាក់ត្រូវបានជម្លៀសទៅកាន់ទីទួលសុវត្ថិភាពនិង៧៣,៣០១នាក់បានស្នាក់នៅទីជម្រកចំនួន៨២២កន្លែង។

ព្យុះ Iota បានចាកចេញពីប្រទេសហុងឌូរ៉ាស់កាលពីព្រឹកថ្ងៃពុធខណៈព្យុះត្រូពិកមួយនេះឆ្ពោះដំណើរទៅកាន់ប្រទេសអែលសាល់វ៉ាឌ័រដែលជាកន្លែងចុងក្រោយរបស់វា។

ទាក់ទងទៅនឹងការខូចខាត Copeco បាននិយាយថា ស្ពានចំនួន៦ត្រូវខូចខាតនិង៣ត្រូវបានបំផ្លាញទាំងស្រុងរីឯផ្ទះចំនួន៨,១១១ខ្នងបានរងផលប៉ះពាល់, ១៥៣ខ្នងរងការខូចខាតនិង២៧ខ្នងត្រូវបំផ្លាញទាំងស្រុង។

តំបន់ជ្រលងភ្នំ Sula ភាគខាងជើងប្រទេសគឺជាកន្លែងរងការវាយប្រហារខ្លាំងជាងគេបំផុតដោយអាកាសយានដ្ឋាន Ramon Villeda Morales ក្នុងទីក្រុង San Pedro Sula ត្រូវទឹកជន់លិច។ អាជ្ញាធរអាកាសចរណ៍ស៊ីវិលបាននិយាយថា វាអាចចំណាយពេលរហូតដល់ថ្ងៃទី១៥ខែធ្នូឯណោះដើម្បីបើកព្រលានយន្តហោះនេះឡើងវិញ។

ប្រធានាធិបតីហុងឌូរ៉ាស់លោក Juan Orlando Hernandez បានអំពាវនាវដល់សហគមន៍អន្តរជាតិនិងអង្គការនានាឲ្យជួយឧបត្ថម្ភដល់កិច្ចខិតខំប្រឹងប្រែងស្តារឡើងវិញ៕

ប្រែសម្រួលដោយ៖ Vann Vann

ប្រភព៖ Xinhua

Click to comment

Leave a Reply

Your email address will not be published.

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម