ទឹកជំនន់នៅ ថៃ ប៉ះពាល់ផ្ទះជាង៦ម៉ឺនខ្នង – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

ទឹកជំនន់នៅ ថៃ ប៉ះពាល់ផ្ទះជាង៦ម៉ឺនខ្នង

Published

on

យោងតាមនាយកដ្ឋានបង្ការនិងកាត់បន្ថយគ្រោះមហន្តរាយបានឲ្យដឹងថា ទឹកជំនន់បង្កឡើងដោយភ្លៀងធ្លាក់ខ្លាំងក្នុងរយៈពេល២សប្តាហ៍កន្លងមកនេះបានសម្លាប់មនុស្ស៣នាក់និងប៉ះពាល់ផ្ទះចំនួន៦៣,៦៧២ខ្នងនៅទូទាំងប្រទេសថៃ។

នាយកដ្ឋានបាននិយាយថា ខេត្តចំនួន៣៣បានរងផលប៉ះពាល់ដោយទឹកជំនន់ចាប់តាំងពីថ្ងៃទី៧ខែតុលាមក។ ថ្វីបើស្ថានភាពបានប្រសើរឡើងនៅ១៤ខេត្តក៏ដោយ កម្រិតទឹកជំនន់នៅក្នុងខេត្តចំនួន១៧ផ្សេងទៀតនៅតែខ្ពស់ដដែល។

ជំនួយកំពុងត្រូវបានបញ្ជូនទៅដល់គ្រួសារដែលរងផលប៉ះពាល់ហើយនាយកដ្ឋានកំពុងធ្វើការលើរបៀបបង្ហូរទឹកចេញពីតំបន់ទាំងនោះ។ ពួកគេកំពុងធ្វើការប៉ាន់ស្មានអំពីការខូចខាតដែលបង្កឡើងដោយទឹកជំនន់ហើយគ្រោងនឹងស្នើសុំជំនួយទឹកប្រាក់ពីក្រសួងហិរញ្ញវត្ថុ។

នៅខេត្ត Nakhon Ratchasima ផ្ទះចំនួន២០ខ្នងក្នុងស្រុក Phimai ត្រូវបានជន់លិចអស់រយៈពេលប្រហែលមួយសប្តាហ៍មកហើយជាមួយទឹកមានក្លិនមិនល្អ។ ម៉ាស៊ីនបូមទឹកកំពុងត្រូវបានប្រើដើម្បីបង្ហូរទឹកចូលទៅក្នុងទំនប់ប៉ុន្តែទំនប់ជិតទប់លែងជាប់ហើយ ហើយឆាប់ៗនេះនឹងត្រូវបញ្ចេញទឹកចេញវិញដើម្បីការពារទឹកជំនន់ផ្សេងទៀត៕

ប្រែសម្រួលដោយ៖ Vann Vann

ប្រភព៖ The​ Thaiger

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម