អនុរដ្ឋមន្រ្តីក្រសួងសុខាភិបាលអ៊ីរ៉ង់លាឈប់ពីតំណែង ស្របពេលករណីឆ្លងកូវីដកើនឡើង – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

អនុរដ្ឋមន្រ្តីក្រសួងសុខាភិបាលអ៊ីរ៉ង់លាឈប់ពីតំណែង ស្របពេលករណីឆ្លងកូវីដកើនឡើង

Published

on

បើយោងតាមប្រព័ន្ធផ្សព្វផ្សាយអ៊ីរ៉ង់បានឲ្យដឹងថា អនុរដ្ឋមន្រ្តីក្រសួងសុខាភិបាលអ៊ីរ៉ង់បានលាឈប់ពីតំណែងកាលពីថ្ងៃសុក្រ ចំពេលមានការកើនឡើងនូវចំនួនករណីឆ្លងជំងឺកូវីដ ១៩ នៅក្នុងប្រទេស ។

ទីភ្នាក់ងារព័ត៌មានពាក់កណ្តាលផ្លូវការ ISNA បានរាយការណ៍ថា លោក Reza Malekzadeh បានចោទប្រកាន់រដ្ឋមន្រ្តីក្រសួងសុខាភិបាលលោក Saeed Namaki ពីការគ្រប់គ្រងមិនត្រឹមត្រូវនូវរោគរាតត្បាតកូវីដ ១៩ និងបណ្តាលឲ្យមានមនុស្សស្លាប់ និងឆ្លងជាច្រើននាក់ ។

យោងតាមក្រសួងសុខាភិបាលប្រទេសអ៊ីរ៉ង់បានបញ្ជាក់ថា កាលពីថ្ងៃសុក្រចំនួនអ្នកស្លាប់ដោយសារជំងឺកូវីដ ១៩ មានចំនួន ៤៧៩ នាក់បន្ថែមទៀតដែលបានបង្កើនចំនួនអ្នកស្លាប់ទូទាំងប្រទេសដល់ ៤៣,៨៩៦ នាក់ ។

ទន្ទឹមនោះអ្នកនាំពាក្យក្រសួងលោក Sima Sadat Lari បាននិយាយថា មនុស្សប្រមាណ ១៣,២៦០ នាក់បានធ្វើតេស្តវិជ្ជមានសម្រាប់វីរុសនេះក្នុងរយៈពេល ២៤ ម៉ោងចុងក្រោយដែលជំរុញឲ្យមានករណីឆ្លងសរុបកើនដល់ទៅ ៨២៨,៣៧៧ នាក់ ។

លោក Lari បានព្រមានថា ខេត្តទាំង ៣១ របស់អ៊ីរ៉ង់ត្រូវបានប្រកាសថាជាតំបន់ក្រហមដែលមានហានិភ័យខ្ពស់នៃការឆ្លងវីរុសនេះ ។

អ៊ីរ៉ង់បានតស៊ូទប់ស្កាត់នឹងរោគរាតត្បាតកូវីដ ១៩ ចាប់តាំងពីខែកុម្ភៈ នៅពេលដែលករណីដំបូងត្រូវបានបញ្ជាក់នៅក្នុងទីក្រុង Qom ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម