ជនជាតិអាមេរិកអាចទទួលបានវ៉ាក់សាំងកូវីដនៅខែក្រោយ – Kampuchea Thmey Daily
Connect with us

ព័ត៌មានអន្ដរជាតិ

ជនជាតិអាមេរិកអាចទទួលបានវ៉ាក់សាំងកូវីដនៅខែក្រោយ

Published

on

យោងតាមប្រធានកម្មវិធីវ៉ាក់សាំងវីរុសកូរ៉ូណាសហរដ្ឋអាមេរិកបានឲ្យដឹងថា ជនជាតិអាមេរិកអាចទទួលបានវ៉ាក់សាំងភ្លាមៗនៅថ្ងៃទី១១ខែធ្នូខាងមុខនេះ។

វេជ្ជបណ្ឌិត Moncef Slaoui បានប្រាប់បណ្តាញទូរទស្សន៍អាមេរិក CNN ថា ផែនការគឺត្រូវបញ្ជូនវ៉ាក់សាំងទៅកាន់កន្លែងចាក់ថ្នាំបង្ការក្នុងរយៈពេល២៤ម៉ោងបន្ទាប់ពីវ៉ាក់សាំងត្រូវបានអនុម័ត។

ការអត្ថាធិប្បាយនេះបានធ្វើឡើងចំពេលមានការកើនឡើងខ្លាំងនូវករណីឆ្លងទូទាំងប្រទេស។

យោងតាមទិន្នន័យដែលចងក្រងដោយសាកលវិទ្យាល័យ Johns Hopkins បានឲ្យដឹងថា សហរដ្ឋអាមេរិកបានកត់ត្រាករណីឆ្លងជាង១២លានករណីនិងការស្លាប់២៥៥,០០០នាក់។

វាគឺជាចំនួនករណីឆ្លងកូវីដខ្ពស់បំផុតនៅលើពិភពលោក។

កាលពីថ្ងៃសុក្រ ក្រុមហ៊ុនឱសថអាមេរិក Pfizer និងដៃគូរបស់ខ្លួនគឺ BioNTech បានដាក់ពាក្យស្នើសុំការអនុញ្ញាតជាបន្ទាន់នៅសហរដ្ឋអាមេរិកចំពោះវ៉ាក់សាំង កូវីដ របស់ពួកគេ។

ក្នុងការធ្វើតេស្ត វ៉ាក់សាំងនេះបានបង្ហាញប្រសិទ្ធភាព៩៥ភាគរយ។ ក្រុមហ៊ុន Pfizer សង្ឃឹមថា ខ្លួននឹងអាចផលិតវ៉ាក់សាំងបានរហូតដល់៥០លានដូសនៅត្រឹមដំណាច់ឆ្នាំនេះ។

គណៈកម្មាធិការប្រឹក្សាវ៉ាក់សាំងរបស់រដ្ឋបាលថ្នាំនិងចំណីអាហារ (FDA) គ្រោងនឹងជួបប្រជុំគ្នានៅថ្ងៃទី១០ខែធ្នូដើម្បីពិភាក្សាថាតើត្រូវអនុញ្ញាតឲ្យចាក់វ៉ាក់សាំងនេះដែរឬទេ។

លោកវេជ្ជបណ្ឌិត Slaoui បានប្រាប់ CNN ថា វ៉ាក់សាំងអាចនឹងត្រូវចាប់ផ្តើមចែកចាយនៅថ្ងៃទីពីរបន្ទាប់ពីការយល់ព្រម។

វ៉ាក់សាំងនេះត្រូវបានកំណត់ថានឹងចែកចាយដោយផ្អែកលើចំនួនប្រជាជនរបស់រដ្ឋនីមួយៗ។ លោក Slaoui បាននិយាយថា រដ្ឋនីមួយៗនឹងទទួលខុសត្រូវក្នុងការសម្រេចចិត្តថាតើអ្នកណាដែលត្រូវចាក់វ៉ាក់សាំងមុនគេប៉ុន្តែត្រូវផ្តល់អាទិភាពដល់អ្នកដែលមានហានិភ័យខ្ពស់បំផុតដូចជាបុគ្គលិកសុខាភិបាលនិងមនុស្សចាស់ជាដើម៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អង់គ្លេសប្រកាសដំណឹងល្អអំពីវ៉ាក់សាំងកូវីដ

ចុចអាន៖ វ៉ាក់សាំងកូវីដផលិតនៅវៀតណាមត្រៀមធ្វើតេស្តលើមនុស្សវ័យចំណាស់

Click to comment

Leave a Reply

Your email address will not be published.

13 − one =

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ3 hours ago

រថយន្ត​សង្គ្រោះ​បន្ទាន់​ដឹក​សំណាក​កូវីដ១៩​ បុក​ម៉ូតូ​ដឹក​រ៉ឺម៉ង​បណ្ដាល​ឲ្យ​បុរសម្នាក់​ស្លាប់​នៅ​នឹង​កន្លែង

ព័ត៌មានជាតិ4 hours ago

អភិបាល​ខណ្ឌទួល​គោក​ចុះ​បាញ់​ថ្នាំ​សម្លាប់​មេរោគ​ ក្នុង​បរិវេណ​ផ្សារ​សាមគ្គី ដើម្បី​ចូល​រួម​ទប់ស្កាត់​វីរុស​កូវីដ១៩

ព័ត៌មានជាតិ4 hours ago

ទំព័រ​ហ្វេសបុក សម្តេចក្រឡាហោម ទម្លាយ​សកម្មភាព​លោក​ឆែម សាវុធ ក្នុងអំឡុងពេល​ចូលរួម​កិច្ចប្រជុំ​អន្តរក្រសួង (Videos)

ព័ត៌មានជាតិ5 hours ago

ត្រីមាស​ទី​៣​ឆ្នាំ​២០២០​ ការងារ​កែទម្រង់​ហិរញ្ញវត្ថុ​សាធារណៈ​នៅតែ​រក្សា​បាន​លទ្ធផល​ល្អប្រសើរ​

ព័ត៌មានជាតិ5 hours ago

ក្រសួងមហាផ្ទៃ​ណែនាំ ពីវិធានការចេញចូល​ក្រសួង អំឡុង​ពេល​ទប់ស្កាត់​កូវីដ១៩

ព័ត៌មានពេញនិយម