Connect with us

ព័ត៌មានអន្ដរជាតិ

រុស្ស៊ីគំរាមបុកនាវាចម្បាំងអាមេរិកនៅសមុទ្រជប៉ុន

បានផុស

នៅ

ប្រទេសរុស្ស៊ីនិយាយថា នាវាចម្បាំងមួយគ្រឿងរបស់ខ្លួនបានចាប់ និងបណ្ដេញនាវាពិឃាដរបស់កងទ័ពជើងទឹកសហរដ្ឋអាមេរិក បន្ទាប់ពីបានចូលដែនទឹកក្នុងសមុទ្រជប៉ុនកាលពីថ្ងៃអង្គារ ។

ទីក្រុងមូស្គូបានចោទប្រកាន់នាវា USS John S McCain ថាបានធ្វើដំណើរឆ្លងកាត់ព្រំដែនសមុទ្ររបស់ខ្លួនចម្ងាយ ២ គីឡូម៉ែត្រនៅឯឈូងសមុទ្រ Peter The Great ហើយនិយាយថា ពួកគេបានគំរាមបុកនាវានោះ ខណៈដែលបន្ទាប់មកនាវាចម្បាំងអាមេរិកបានចាកចេញពីតំបន់នោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាកងទ័ពជើងទឹកសហរដ្ឋអាមេរិកបានបដិសេធរាល់ការធ្វើខុសណាមយយ ហើយបាននិយាយថា នាវារបស់ខ្លួនមិនត្រូវបានបណ្តេញចេញនោះទេ ។ ឧប្បត្តិហេតុនេះបានកើតឡើងកាលពីថ្ងៃអង្គារនៅសមុទ្រជប៉ុនដែលត្រូវបានគេស្គាល់ផងដែរថា សមុទ្រខាងកើត ដែលជាដែនទឹកជាប់ព្រំដែនដោយប្រទេសជប៉ុន រុស្ស៊ី និងកូរ៉េ ។

យោងតាមក្រសួងការពារជាតិរុស្ស៊ីបានឲ្យដឹងថា កងនាវាចរប៉ាស៊ីហ្វិកនៃនាវាចម្បាំង Admiral Vinogradov បានប្រើបណ្តាញទំនាក់ទំនងអន្តរជាតិដើម្បីព្រមានដល់នាវាអាមេរិកអំពីលទ្ធភាពនៃការប្រើនាវាដើម្បីបុក និងបណ្ដេញសត្រូវចេញពីដែនទឹកនៃទឹកដីរបស់ខ្លួន” ។

អ្នកនាំពាក្យកងនាវាចរទី ៧ នៃទ័ពជើងទឹកអាមេរិកលោកអនុសេនីយ៍ឯក Joe Keiley បាននិយាយថា “សេចក្តីថ្លែងការណ៍របស់សហព័ន្ធរុស្ស៊ីអំពីបេសកកម្មនេះគឺមិនពិតនោះទេ ។ នាវា USS John S McCain មិនត្រូវបានបណ្តេញចេញពីទឹកដីរបស់ប្រទេសណាមួយឡើយ” ។

លោកបាននិយាយថា “សហរដ្ឋអាមេរិកនឹងមិនឱនក្បាលចំពោះការបំភិតបំភ័យ ឬបង្ខំឲ្យទទួលយកការទាមទារដែនសមុទ្រខុសច្បាប់ដូចជាអ្វីដែលធ្វើឡើងដោយសហព័ន្ធរុស្ស៊ីនោះទេ” ។

ឧប្បត្តិហេតុបែបនេះនៅលើសមុទ្រគឺកម្រណាស់ ទោះបីជានាវាចម្បាំង Admiral Vinogradov ធ្លាប់ជាប់ទាក់ទងនឹងការប៉ះទង្គិចគ្នាជាមួយនាវាអាមេរិកនៅសមុទ្រចិនខាងកើតកាលពីឆ្នាំមុនក៏ដោយ ។

ទាំងរុស្ស៊ី និងអាមេរិកបានស្តីបន្ទោសចំពោះឧប្បត្តិហេតុនោះ ។ ប្រទេសទាំង ២ តែងតែចោទប្រកាន់គ្នាទៅវិញទៅមកនូវឧបាយកលយោធាដែលមានគ្រោះថ្នាក់ដូចជានៅតាមសមុទ្រ និងលើអាកាសជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម