ព័ត៌មានអន្ដរជាតិ
ឥណ្ឌាចាប់ផ្តើមរាយការណ៍អំពីការស្លាប់ដោយសារព្យុះស៊ីក្លូន Nivar
ព្យុះស៊ីក្លូនដ៏ខ្លាំងមួយដែលបោកបក់ចូលឆ្នេរភាគខាងត្បូងប្រទេសឥណ្ឌានៅព្រឹកថ្ងៃព្រហស្បតិ៍នេះបានសម្លាប់មនុស្សយ៉ាងតិច ៥ នាក់ ក៏ដូចជាដួលរលំដើមឈើ និងបាក់បង្គោលភ្លើងជាដើម ។
បើយោងតាមនាយកដ្ឋានឧតុនិយមឥណ្ឌាបានឲ្យដឹងថា ព្យុះស៊ីក្លូន Nivar បានធ្វើឲ្យមានការបាក់ដីនៅជិតទីក្រុង Puducherry ដែលមានទីតាំងស្ថិតនៅជិតរដ្ឋ Tamil Nadu ភាគខាងត្បូងដោយមានកម្លាំងខ្យល់បក់រហូតដល់ ១៣០ គីឡូម៉ែត្រក្នុងមួយម៉ោង ហើយភ្លៀងធ្លាក់ខ្លាំងពីព្យុះក៏បណ្តាលឲ្យជន់លិចនៅតាមដងផ្លូវមួយចំនួននៃទីក្រុង Chennai ដែលជាទីក្រុងធំបំផុតរបស់រដ្ឋនេះផងដែរ ។
កាសែត The Times of India បានរាយការណ៍ថា ព្យុះនេះបណ្តាលឲ្យមនុស្សស្លាប់យ៉ាងតិច ៥ នាក់នៅក្នុង និងជុំវិញទីក្រុង Chennai ដោយសារដើមឈើសង្កត់លើ លង់ទឹក និងឆក់ខ្សែភ្លើង ។ អ្នកនាំពាក្យទីស្ដីការគណៈរដ្ឋមន្រ្តីបានបដិសេធមិនធ្វើអត្ថាធិប្បាយអំពីការស្លាប់នេះនោះទេ ។
ខណៈពេលដែលទឹកភ្លៀងត្រូវបានគេរំពឹងថានឹងស្រកនៅក្នុងរដ្ឋ Tamil Nadu នោះទឹកភ្លៀងក៏ត្រូវបានគេរំពឹងថានឹងកើតមាននៅក្នុងតំបន់ Rayalaseema នៃរដ្ឋ Andhra Pradesh នៅថ្ងៃព្រហស្បតិ៍នេះផងដែរ ។
ចំណែកកាសែត New Indian Express បានរាយការណ៍ថា ផ្លូវថ្នល់នៅជុំវិញព្រះវិហារ Lord Venkateshwara ក្នុងទីក្រុង Tirumala នៃរដ្ឋ Andhra Pradesh ត្រូវបានជន់លិច ហើយមន្ត្រីកំពុងធ្វើការដើម្បីបង្ហូរទឹកចេញ ខណៈដែលមនុស្សរាប់ពាន់នាក់ត្រូវបានជម្លៀសចេញពីតំបន់ទំនាបនៃរដ្ឋ Tamil Nadu នៅមុនការបាក់ដីដែលបង្កឡើងដោយព្យុះនេះ ។
នាយកដ្ឋានឧតុនិយមបាននិយាយថា កម្លាំងរបស់ព្យុះ Nivar បានធ្លាក់ចុះមកដល់ ៨៥ ពី ៩៥ គីឡូម៉ែត្រក្នុងមួយម៉ោង ហើយត្រូវបានគេរំពឹងថានឹងចុះខ្សោយបន្ថែមទៀតផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ